خلي بالك من افكارك !

خلي بالك من افكارك و معتقداتك...

عن نفسك...عن #الحياه ... وحتي عن ربنا

افكارك زي ما ممكن تخدمك، زي ما ممكن تسببلك مشاكل كتير ...

و #العقل زي ما ممكن يكون اداه مفيده... زي ما ممكن يكون سبب في تعاسه كبيره ...

لو افكارك عن الحياه، او عن نفسك مش مخلياك سعيد ...يبقي ممكن محتاج انك تعيد النظر فيها ... مش عيب انك تعمل كده! . #منير_الشاذلي

"زي ما القمر مالوش اي ضوء لوحده ، عقلك مالوش اي قوي عليك، الا عن طريق اقتناعك بأفكاره" - #موچي

"Same as the moon doesn't have light by itself, so does the mind ; doesn't have the power except when you grant it to it by your #beliefs!." #Mooji

Be careful of your thoughts and your beliefs.

About yourself, #Life...and even #God!

The #mind can be tamed and used for your benefit, and it can also lead you astray!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

اشتغل علي نفسك

ناس كتيره شايفه نفسها محسوده !

و ان كل المشاكل اللي في حياتها دي علشان فيه ناس تانيه حاطاها في دماغها و بتنام و تقوم تفكر فيها و في اللي عندها .. و هارياها اعمال سفليه مدفونه جوه بطن الحوت اللي في القطب الشمالي!

الظريف بقي انك لما تشوف الناس دي، حتلاقيها بصفه عامه غالبا ناس مش ناجحه قوي، و كسلانه تطوّر من نفسها و حاجات كتير في حياتها بايظه منها، و علاقاتها بناس كتير من اللي حواليها وحشه و فيها مشاكل!.

الناس الناجحه مابتبصش لمين بصّلها ازاي، و مين حسدها و مين حاططها في دماغه...

و لما بتلاقي نمل عندها في البيت مابتقولش "علشان حد حاسدني "...إنما بتروح تنظف البيت علشان النمل مايجيش ...

و لما بتلاقي فار مابتقولش "علشان حد حاططني في دماغه"... إنما بتعرف أنها محتاجه تشيل اي اكل بره و تسد الفتحات اللي الفار ممكن يدخل منها ...

و لما بتحصلهم مشكله في الحياه مابيبصوش لمين مضطهدهم ، و مين حسدهم، بيبصوا لأيه اللي هم محتاجين يعملوه علشان يطلعوا من المشكله دي، و ايه اللي محتاجين يتعلموه منها!

اه #الحسد مذكور في القرآن، و اه فيه جن و شياطين... انما ده مش معناه أن الحاجات دي اقوي منك ...

ربنا خلقك علشان تحاول تطور من نفسك و تشتغل عليها .

لو عايز تولع بخور... ولَع

و لو عايز تحط قرآن في البيت و تكتب "من شر حاسد اذا حسد" ...حُط...

انما قبل كل ده، نقي قلبك من الكراهيه و الشعور بالظلم و الاضطهاد ..

و اشتغل علي نفسك و طور حياتك و علاقاتك بالناس اللي حواليك . .

لأن طول ما انت شايف نفسك محسود (و #ضحية عيون الناس و قَرّهم عليك) مافيش حاجه في حياتك حتتغير للأحسن!

"أن الله لا يغير ما بقوم حتي يغيروا ما بأنفسهم"

(إعادة نشر)

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

On raising your level of consciousness!

لما بتكلم عن رفع مستوي الوعي ، ناس كتيره بتسألني ازاي ترفع مستوي وعيها ...

و رغم أن ليا فيديو بيتكلم عن رفع مستوي الوعي، إلا أن معظم الناس بتطلب مني اني اقولهم علي "to do list" تساعدهم في كده ...

في رأيي معظم الناس اللي بيحاولوا يرفعوا من مستوي وعيهم بيعتمدوا علي حاجات ظاهريه، و بيحاولوا "يعملوا حاجات اكتر " علشان وعيهم يتغير ... يقروا زياده، يحاولوا يفكروا بشكل متفائل، يكرروا جمل توكيدات ( affirmations ) كل يوم الصبح، أو حتي يزودوا من الشعائر و الممارسات الدينيه ... بس مفيش حاجه بتتغير علي مستوي الوعي بشكل كبير !

#كارل_يونج ( واحد من اكتر الناس اللي بحترمهم اللي ربطوا مستوي الوعي بعلم النفس) اكتشف أن التحول الحقيقي مش بييجي من إضافة ممارسات روحية لحياتك، إنما بيحصل لما بنتخلي عن خمس أنماط ( هويات) نفسية احنا اخدناها هويه لنفسينا ... نتخلي عنها تماما !...

الموضوع ده مش سهل ...و محتاج اني اكون واعي بالأنماط دي، و امتي بقع فيها .... بس الطريقه دي هي واحده من اكثر الطرق وضوحا لرفع مستوي الوعي ...

ممكن اللي يحب يكتبها و يعلقها علي الحيطه و يراقب نفسه و هو بيقع في الأنماط دي، و هو بيتخلص منها!

1- اتخلي عن أن الناس كلها تشوفك انسان كويس ! ( أو يقولوا عليك انسان كويس)

2- اتخلي عن رغبتك في انك تصلح أو تنقذ أو تشفي الناس اللي حواليك! (أو إنك تشوف نفسك healer أو منقذ)

3- اتخلي عن أن الناس تفهمك... أو انك تبرر للناس علشان يفهموك!

4- اتخلي عن تصوراتك أو توقعاتك من اللي الناس التانيه ممكن يوصلوله أو يعملوه (their potential ) و اتعامل معاهم بناء علي تصرفاتهم و الوعي اللي هم عليه دلوقتي

5- و اهم حاجه ...اتخلي عن انك تشوف نفسك ضحيه و خد مسئولية التعامل مع ظروف حياتك ...مهما كانت الظروف دي !

لو راقبنا نفسنا شويه، حنلاقي اننا كلنا بنقع في الأنماط دي كتير ، و بتستنزف طاقتنا اللي كان ممكن ترفع من مستوي وعينا ...

و لو تخلينا عنها، الوعي حيزيد من تلقاء نفسه !

#منير_الشاذلي

1- Let go of The Need to Be Perceived as a Good Person

2- Let go of The Compulsion to Fix, Save, and Heal Everyone Around You

3- Let go of The Attachment to Being Understood

4- Let go of The Fantasy or Expectations of Who Someone Could Become (their potential) - instead of dealing with that person as they are!

5- Let go of The Identity of Being Wounded

#Monir_El_Shazly

#carljung

YouTube: Monir El Shazly

Facebook page: @monirelshazlyspiritual

Instagram: Monir.elshazly