ناس كتير عندهم حنين للماضي، و بيقولوا انهم عايزين يرجعوا اطفال تاني... لوقت معين و شكل حياه معين ...و طبعا مع ناس معينه كانوا عايشين في حياتهم في الوقت ده ...
بس غير الحنين للناس اللي كانت عايشه في الوقت ده، اعتقد ان الحنين للطفوله مش بس علشان حد يتحمل المسئوليه بالنيابه عنهم ... إنما في رأيي كمان علشان الطفل مش محتاح يقول انه فاهم كل حاجه... و لما مابيعرفش حاجه... بيسأل!
و الاهم انه بيعيش اللحظه... و بيتعامل مع الحاجه زي ما هي...
معظمنا لما كبرنا بقينا عايشين في دور اننا فاهمين كل حاجه ،
و بقينا بنحلّل كل حاجه ...و بنحاول نعرف اسباب كل حاجه ...
و بنحلم بحاجات حتحصل بكره ....أو حاجات حصلت امبارح ...
و دي أحد وصفات التعاسه في الدنيا!
بدل مانحاول نعرف كل حاجه في الدنيا ، محتاجين نرَجّع تاني الطفل اللي جوانا .. مندهش و عينيه مفتوحه لكل حاجه بيشوفها! و عايش طول وقته في اللحظه اللي هو فيها!
نجرب نستمتع بالحياة ... من غير مانحاول نفهمها او نحل الغازها...
نجرب نعيش اللحظه، من غير ما دماغنا تروح لحاجه عايزينها بكره ، او حاجه عدينا بيها امبارح...
"سيب ذكائك، و خليك مندهش "
"Sell your cleverness, and purchase bewilderment " - #Rumi
Pay attention to #life... without trying to find answers
Be like a child, #enjoy what life has to offer; with #gratitude!. #Monir_El_Shazly
( إعادة نشر )
YouTube: Monir El Shazly
Facebook page: @monirelshazlyspiritual
Instagram: monir.elshazly