Place in the family

دائما أتأكد ان اولادك عندهم الشعور أن ليهم مكان في العيله، أنهم محبوبين و مُتَقَبلين (خصوصا من الاب و الام)... ان ليهم مكان في العيله بينتموا ليه، لأن من غير كده حيبقي عندهم احساس بالضياع، و الاحساس ده حيخليهم عايزين ينتموا لأي جماعه أو ناس تتقبلهم... بغض النظر عن أفكارهم أو معتقداتهم... (و ده واحد من أهم أسباب الفكر المتطرف، الإدمان بمختلف انواعه...) ! - #منير_الشاذلي

"الاطفال حيعملوا اي حاجه علشان يحسوا أنهم ليهم مكان بينتموا ليه (لو مش في العيله، يبقي بره العيله) ، لأن من غير الشعور ده، حيفضل دائما عندهم احساس بالضياع!" - #برت_هيلينجر

"Children do anything to be allowed to belong, for without this connection, they would be lost. " - #Bert_Hellinger

Make sure you always make your child feel they belong and loved...otherwise they will seek that sense of belonging outside of the family with any group; regardless of their idiologies or beliefs !. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

On working on yourself

ناس كتيره بتجيلي و هي زعلانه من نفسها و بتقولي أنها بقالها مده شغاله علي نفسها و مش حاسه بأنها اتطورت و لا بقت احسن ...

و ناس كمان ابتدت تقتنع أنهم عمرهم ما حيتغيروا ، طالما بقالهم سنين بيحاولوا و بيلفّوا في نفس الدايره!

اعتقد أن فيه نقط مهمه لازم نعرفها عن الاسباب اللي ممكن تخلي التطَور بسيط او توقفه .

١- زيادة المعرفه ( عن طريق الكورسات و الدراسات) مش دايما بتساعد علي تطور الوعي ... و اللي بيغير نظرة الشخص الحياه هو تطور وعيُه ....مش زيادة معرفته !

( انا كنت اتكلمت علي ده في ڨيديو قبل كده ...و حتلاقوا الڨيديو علي القناه، اسمه "الفرق بين زيادة المعرفه و تطور الوعي" - الرابط تحت

٢- العلاج بالطاقه رغم أنه ممكن يكون مؤثر جدا، إنما تأثيره حيبقي مؤقت لو مش معاه تغيير علي مستوي النظره للأمور و تغيير طريقة التفكير. فحتي لو بتتعالج بالطاقه (ريكي، او احجار او صوت او اي نوع)، اشتغل علي تغيير طريقة تفكيرك و نظرتك للحياه!

٣- لو روحك مش مرتاحه، يبقي عُمر ما حيبقي فيه راحه ...

الناس غالبا بتسمع صوت عقلها، اكتر ما بتسمع صوت روحها

٤- تَعلُم التأمل (meditation )و ممارسته واحده من اكتر الحاجات اللي بتساعد علي التطور.... لأن العقل اللي مش متطَوع لخدمة صاحبه، و شغّال عمّال علي بطال، غالبا بيودي في داهيه!

٥- حتي و الواحد بيتطور، ساعات كتير بيكون فيه رجوع شويه لورا، او سقطات ... لازم الواحد يقبل نفسه ساعتها، و مايهدش كل حاجه بناها ..و يقول "مفيش فايده!"

٦- الوصول لسلام نفسي مع الأب و الأم ... واحد من أساسيات الشعور بالراحه و تطور الوعي

٧- الوصول لسلام نفسي مع أحداث وفاه معينه لناس مهمه في حياتنا ، واحد من اكتر الحاجات اللي بتخلينا نعرف نستمتع بالحياه . حتلاقوا ڨيديوا ليا علي القناه اسمه "ازاي نتعامل مع وفاة شخص عزيز" - الرابط تحت

٨ - مش دايما الدكتور (او الكوتش أو المعالج النفسي) الأشهر ، هو الاحسن ليك.

ساعات كتيره الشخص بيبقي محتاج يروح لحد في الاول، يمشي معاه اول خطوات في الطريق... و بعدين يروح لحد تاني ... طيب و ازاي تعرف اذا كان مناسب و لا لأ ؟ ... اسمع صوت روحك ... يا إما حتحس انك مستريح ... يا إما لأ !

٩- "المُتَلَفِت، لا يَصِل"! و ده معناه اني ماينفعش اخد عشرين كورس و اطلع عشره ريتريت ، و اروح ل ٣ معالجين اشتغل معاهم ! .

العبره مش بالكم، العبره بأني محتاج "استوعب" اللي بآخده ... اي شغل كتير في وقت قصير... حيتعب اكتر ما يفيد ...

لو انت حطيت ورق عنب مع مكرونه بشاميل مع ملوخيه مع ام علي مع تورتة ايس كريم و كل ده في نفس الوقت و نفس الطبق، حيجيلك تلَبُك معوي و تروح المستشفي ... إنما لو اكلت كل حاجه فيهم لوحدها... حتستمتع بيها.

١٠- نصيحه مهمه، ابعد عن المسميات و التعريفات المرضيه اللي الناس بتقولها ( خصوصا علي ابوك و امك) ... لو انا سميت ابويا "نرجسي"، و امي "شخصيه استغلاليه" ده حيخليني بتعامل معاهم من المنطلق ده ... و غالبا حيبوّظ علاقتي بيهم ...

و للاسف فيه ناس كتير من المعالجين بيحبوا يطلقوا المسميات دي علي الأشخاص و العلاقات ...

معرفتك بأن شخص عنده صفات معينه، مش معناها أنه كده في المطلق ... اعرف الصفات دي، بس ماتطلقش عليهم المسمي ده!

١١- لو علاقتك بالمعالج (أو الدكتور او الشيخ او المعلم ) اثرت علي علاقتك بأبوك او امك و خليتها اوحش، ف ده اسمه في علم النفس "تبديل" (transference ) ، و ده بيعمل مشاكل كتير بعد كده.... و لو ده حصل، يبقي انت محتاج توقّف العلاج مع الشخص ده

حتلاقوا ڨيديوا ليا علي القناه اسمه "التبديل" - الرابط تحت

١٢- طريق التطور الروحاني، و طريق العلاج النفسي مش طريق مفروش بالورود ... ساعات كتير حيبقي فيه الم و ممكن تكتشف حاجات عن نفسك تخُضَك... بس هو عامل زي طلوع الجبل... الطلوع صعب، بس كل مابتطلع اعلي ..كل ما المنظر بيبقي احلي ..و بتشوف اكتر .. و بتحب الدنيا اكتر ...

١٣- الكلام بتاع ان "كل ما الواحد بيتطور ، الدروس بتبقي اصعب" ده كلام مش حقيقي في رأيي ...

احد علامات التطور الروحاني و السلام النفسي انك تشوف الدنيا بشكل مختلف و تتقبل الحاجات و الناس بشكل احسن و تحس براحه اكتر و يبقي عندك سلام نفسي... !

و ماتنسوش تعملوا ميديتيشن ... كل يوم !

#منير_الشاذلي

(إعادة نشر)

YouTube: Monir El Shazly

Facebook page: @monirelshazlyspiritual

Instagram: monir.elshazly

Purity of the heart

كل واحد بيشوف في الحياه علي حسب نقاء قلبه...

الناس اللي قلبها انقي اكتر، بتشوف احسن (و بتتعلّم اسرع) - #جلال_الدين_الرومي

عُمرَك ماحتعرف تشوف كويس، علي مرايه مش نظيفه!.

خلي بالك من افكارك ... و نقّي قلبك! #منير_الشاذلي

"Everyone sees the unseen in proportion to the clarity of their heart, and that depends upon how much he has polished it. Whoever has polished it more sees more! - more unseen forms become manifest to him" - #Rumi

You can't see well, on a dirty mirror!. Guard your thoughts, ..and polish your heart!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly