On opening your heart!

انا عارف ان الكلام ده ممكن "ييجي علي الجرح" بتاع ناس كتير ، بس انا علي طول بشوف في شغلي ان نجاحنا في حياتنا (الشخصيه و العمليه)، و قدرتنا اننا فعلا نكون سعداء فيها مابيحصلش من غير ما نِقبَل اهلنا زي ما هما و قلبنا يفضل مفتوح ليهم.

من غير ما نقبلهم و نفتح قلبنا ليهم بيفضل دايما فيه حاجه ناقصه في حياتنا و فيه حته بتتألم فينا (مهما حاولنا نقول انها مش موجوده و انهم مش فارقين معانا).

اللي كمان بشوفه كتير ان كل ما منقبلش حاجات في اهالينا و نرفضها، كل ما في الأخر بنشدّ الحاجات دي في حياتنا عن طريق عقلنا الباطن ... ساعات عن طريق اننا نتصرف زيهم لما نكبر(و احنا مش واخدين بالنا)،او نكرر تصرفاتهم اللي ضايقتنا مع اولادنا، و ساعات كمان بأننا ندوّر علي اشخاص فيها صفات زي اللي بتضايقنا في اهلنا و نتجوزهم او نتعلق بيهم! ( طبعا ده بيحصل عن طريق عقلنا الباطن)

الحل في أننا نقبلهم زي ما هما، بكل اللي قدروا يِدّوهولنا (و كل اللي ما قدروش يِدّوه)... ساعتها بس حنبقي أحرار!

#منير_الشاذلي

I know this might make a lot of people angry ...but i found out that "only by accepting our parents' personality facets in ourselves can we realize our own potential and allow ourselves to make choices that are not entangled with our parents' choices " - #Monir_El_Shazly

(Repost)

YouTube: Monir El Shazly

Facebook page: @monirelshazlyspiritual

Instagram: monir.elshazly

Your understanding!

حاول توقَّف رغبتك انك تفهم كل حاجه بتحصل في الدنيا..

او انك تحكم عليها كويسه أو وحشه!

عيش الحياه زي ما بتحصل (زي ما ربنا مقدرها ليك) و اعمل اللي انت شايفه صح، بس من غير احكام علي اللي بيحصل في الحياه (او اللي المفروض كان يحصل ) .. حتلاقي نفسك اسعد بكتير! #منير_الشاذلي

"فَهمك( أو اقتناعك) ، مش حيغير من حقيقة اللي بيحصل " - #كتاب_المعجزات

"Your understanding is not a powerful contribution to the truth!" - #Course_In_Miracles

Suspend your need to understand,

Stop labeling things; good or bad,

Practice allowance...

And live life fully!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

Stress management

ناس كتيره بتتكلم عن ال stress management ...و ال anger management و ازاي نتعامل مع ضغوط الحياه ( و ازاي نتعامل مع الغضب اللي جوانا )!

ضغوط الحياه مش مرتبطه باللي بيحصل في الحياه، علي قد ما هي مرتبطه بنظرتنا للدنيا و ردود أفعالنا للي بيحصل فيها...

و الغضب بتاعنا مالوش علاقه بأيه اللي بيحصلنا او مين عملّنا ايه، علي قد ماهو مرتبط بأحنا شايفين اللي بيحصل ده "المفروض أنه يحصل و لا لأ" ... و هل انا "استاهل كده و لا انا استاهل حاجه احسن" ...( اللي هو في أحيان كتيره مرتبط بعلاقتي بأمي و ابويا في الأصل )

فبدل ما نحاول نشتغل علي ال stress management ، و ال anger management ، الأهم نشتغل علي تغيير النظره دي، و مانخليش عقلنا يلعب ألعابه علينا و يصورلنا صوره ماليانه خوف و قلق من كل حاجه بتحصل أو يحسسنا بأننا مجبرين نتعامل مع موقف معين رغم أننا "المفروض" مانتعاملش معاه أو "نستاهل احسن من كده" ...

ساعتها حنلاقي ال stress و ال anger راح لوحده !.

#منير_الشاذلي

To all my friends who talk about #stress and "#stress_management and #anger_management".

Stress is related to your perception.. so instead of "Managing your stress", manage your "perception" of life and anger is related to how you perceive and react to the situations in your life and the people you come in contact with! (Which is often related to relationship with parents from the first place )

Manage your mind and your perception, and your stress will vanish on its own!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly