الرضا

من اهم الحاجات اللي اتعلمتها من اهلي ..الرضا باللي ربنا كتبهولي و الحاجات اللي في حياتي ...

و علي الرغم من معظم الناس عماله تتكلم عن أحلامها الضائعه و الحاجات اللي كان نفسها تحققها و ماحققتهاش ... و ازاي شايفه نفسها تستاهل اكتر من اللي اخدوه في الدنيا ...

لما بشوف حياتي و اللي حصل فيها، بحس أن ماكانش فيه احسن من اللي ربنا اداهولي ...و بشكر اهلي علي واحده من اهم الدروس اللي علموهالي ...#الرضا !

ده مش معناه اني ماكانش عندي احلام و ماتحققتش ... أو حاجات ماحصلتش زي ما انا عايز ...

إنما معناه اني حاولت، و لما حاجات اتحققت ...كنت مبسوط بيها..

و لما حاجات ماتحققتش ... كنت عارف ان ربنا ليه حكمه في كده ...حتي لو انا مش عارفها ...

و اتبسطت باللي حصل ...حتي لو ماكانش اللي انا عايزه في الاول ...

الحمد لله ...

#منير_الشاذلي

#السلام_النفسي_في_الرضا

YouTube: Monir El Shazly

Facebook page: @monirelshazlyspiritual

Instagram: monir.elshazly

Allow your life to unfold naturally

"سيب حياتك تمشي بشكل طبيعي

اعرف أن حياتك (زيها زيك) مفيش فيها اخطاء... (حتي لو انت شايف غير كده )

زي ما انت علشان تتنفس ..لازم تاخد نفس جوه...و بعدين تطلعه بره ،

فيه وقت حتبقي فيه سابق الناس،

و وقت حتبقي فيه ماشي وراهم

زي ما فيه و قت للحركة،

لازم يبقي فيه وقت للراحة

الشخص الحكيم عارف ان دورة #الحياه ..ماشيه بشكل مثالي (لأن ربنا هو اللي مقدارها)

علشان كده دايما مش محتاج انه يتطرف ... في اي اتجاه"

كتاب #التاو (#لاو_تسو)

الحياه فيها فوق و تحت...

صبح و ليل ...

اليوم اللي عاجبك...استمتع بيه...

و اليوم اللي مش عاجبك... اتعلم منه...

لأنه حيعدي...زي ما التاني عدّي

حاول انك تقلل من رغبتك انك تتحكم في حياتك...

حتلاقي حياتك اسهل !

#منير_الشاذلي

"Allow your life to unfold naturally

know that your #life (as you are) is a vessel of perfection,

just as you breathe in and breathe out,

there's a time for being ahead,

there's a time for being behind!

there's a time for being in motion,

there's a time for being at rest!

To the sage

all of life is a movement of perfection,

so what need has he for the excessive, the extravagant or the extreme?

The #Tao (#Lao_Tsu)

Life has its ups and downs,

Dawns and dusks,

When things go your way, enjoy and rejoice...

When things don't go your way, learn and move on..

Because "this too shall pass "...

Relinquish the need to #control your life... and you will find your life to be much simpler!.

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

Between the mind and the heart!

في رأيي الشخصي... و علي عكس ما كتير من الناس فاكره... #العقل لازم هو اللي يمشي ورا #القلب.

العقل عمره ماحيخليك سعيد ....

لانه دائما خايف ، و بيروح ناحية الخوف...

انما القلب هو اللي ممكن يوسع و يكبر ... علشان نحس بالسعاده ..مش بس احنا ..و الناس اللي بنحبهم كمان ...

المهم بقي نعرف نفرق بين صوت القلب... و صوت العقل... (اللي هو مرتبط بال ego )

صوت القلب (اللي متصل بالروح) هو الصوت الضعيف اللي موجود علي طول...بس مش ممكن تسمعه الا لما تقعد هادي ... من غير دوشه ..و من غير ماتدور علي حاجه تلهي نفسك فيها (علشان كده التأمل *meditation* مهم )...

انما العقل هو الصوت اللي عمال "يوِرررر" في دماغك علي طول...

و حتلاقيه دايما خايف و دائما بيحاول يقنعك بأي طريقه... انك لازم تخاف ...

ماتخليش عقلك يقنعك انك لو مشيت وراه حتكون سعيد ...

لاننا بنحس بالسعاده بقلبنا... مش بعقلنا !

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly