ارحموا الحب !

ارحموا "الحب"... و ارحموا نفسكم !

.......

من خلال كل السنين اللي اشتغلت فيها في مجال العلاج النفسي ..و قبلها الكوتشينج، ماشوفتش حاجه تعبِت الناس في حياتها و نكدت عليها ..اكتر من فكرة "الحب"!

كل واحد قاعد في علاقه تعيسه، تسأله ليه؟ يقول "علشان بحبها !"

و كل واحده في علاقه مع حد مطلع عينها و مكرهها في عيشيتها، تقولها "طيب قاعده معاه ليه؟" أو "رجعتيله ليه؟"، تقول " علشان بحبه!" .. و كأن كلمة الحب دي هي العُذر اللي بسببه ممكن حياتي تبقي جحيم، أو ممكن ادمر حياتي بسببها ( أو أدمر حياة شخص تاني ) ، بس كل ده مسموح، طالما "انا بحبه!"

لدرجة اني متخيل أن "الحب" نفسه لو كان شخص ، كان حيطلع و يبرأ نفسه من كل التهم و الحاجات اللي بنلزقها فيه، و الجرائم اللي بنرتكبها تحت اسمه!

و علي الرغم من أن في رأيي كل اللي احنا بنسميه حب، هو معظمه مجرد مجموعه من التشبيكات و الارتباطات العاطفيه (emotional entanglements) اللي ليها علاقه اساسا بعلاقتنا بأبونا و امنا و بتربيتنا (و احنا اللي بنسميها حب)، إنما حتي لو كانت فعلا حب ...فالحب مش مبرر اني اقعد في علاقه مؤذيه ليا ، أو اني استمر في علاقه بتطفيني كل يوم عن اليوم اللي قبليه... أو اني اسمح لحد يستغلني بأي شكل من الأشكال (سواء كان عاطفي أو مادي أو جسدي) او يسيطر عليا أو يقولي حياتي المفروض تمشي ازاي!

اي علاقه مؤذيه ليا، لازم أخرج منها، حتي لو كانت تحت مسمي الحب ...(و حتي لو كنت مابنمش الليل، أو بنامه و دمعتي علي خدي! )...

الحب لو مش بيزوّد من استمتاعي بالحياه و بيحسن من حالتي النفسيه ، يبقي قلته احسن!

و اي علاقه مش مريحه ليا، و مش بتديني القدره علي التطوّر ...يبقي قِلتها احسن!

ارحموا الحب من اللي انتوا بتتهموه بيه في كل علاقه مؤذيه...

و ارحموا نفسكم ..من اللي بتعملوه فيها تحت اسم "الحب"!

#الحب

#علاقات_عاطفيه

#علاقات

#علاقات_خطره

#منير_الشاذلي

YouTube: Monir El Shazly

Facebook page: @monirelshazlyspiritual

Instagram: monir.elshazly

On inner peace !

من خلال كل السنين اللي اتعلمت فيها و اللي اشتغلت فيها في مجال العلاج النفسي و الكوتشينج، عمري ماشوفت حد وصل لسلام مع نفسه او مع الحياه و هو عنده غضب كبير ناحية ابوه و امه!

و مش مهم ابوه و امه كانوا اهل مثاليين او كان عندهم مشاكل...

و مش مهم همَّ عايشين او ميتين...

و لا مهم انهم يتغيروا... او يغيروا طريقة معاملتهم ....

المهم أن الشخص نظرته ليهم تتغير ... علشان شعوره ناحيتهم يتغير ( و قلبه يفتح ليهم اكتر) !

لأن من غير سلام نفسي مع الاب و الام... مفيش سلام نفسي ممكن يستمر معانا ناحية الحياه... #منير_الشاذلي

"مهما حاولت تسافر بعيد عن ابوك و امك...

او حاولت تبعد عنهم...

حتفضل دايما واخدهم معاك!" - #اندرا_تورسن

"No matter how far away you move or how hard you try to rid yourself of your parents, you always take them with you!" - #Indra_Torsten

You can't achieve complete #peace in #life, without being at peace with your #parents. And it doesn't matter if they are dead or alive...

Whether they were great parents, ordinary or poor ones...

And they don't need to come and change the way they treat you ...

what matters is how you feel about them!.

There's no inner peace without reconciliation with parents!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

عن الحقيقه !

معظم الناس بتدوَر علي الحقيقه ،

حقيقة نفسها...حقيقة الناس اللي حواليها...

حقيقة #الدنيا ..و دورنا فيها!

و طبعا السؤال ده مش حينفع يتجاوب عليه هنا ... بس الخطوه الاولي لمعرفة الحقيقه هي أن الواحد يبطّل يمسك في معتقداته و آرائه... و يشوفها هي الصح ..او هي الحقيقه المطلقه !

لأن آرائنا و معتقداتنا الصارمه (اللي لا تقبل النقاش) هي اللي في معظم الأحيان بتخلينا مانشوفش الحقيقه! #منير_الشاذلي

"ماتدورش علي #الحقيقه ،

بطّل بس تفضل ماسك في معتقداتك !" - مقوله من الزن

"Don't seek for the #truth ...

Just stop cherishing opinions!" - #Zen proverb

While most people want to know the truth!..

The truth of themselves...those around them ...of #life...and of their role in life ..

This question is not to be answered here, but the first step is to stop taking your #opinions and #beliefs for granted! For our opinions are often the veil between us and the truth!.

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: Monir.elshazly