خلي بالك !

انت في المكان اللي انت محتاج تكون فيه دلوقتي...

ماتخليش عقلك يحسسك بأنك ضحية ظروف او انك كنت تستاهل احسن...

الناس اللي دايما حاسه انها ضحية، عمر ما حياتها بتتغير...

اتحمل مسئولية حياتك... و مسئولية تغييرها لو عايز...

و اعرف ان مافيش حاجه حتتغير في حياتك الا لما تعرف ان مسئولية التغيير دي بتاعتك انت و تبطل تلوم اي حد تاني علي اللي انت فيه ...

ابتدي ... و اطلب من ربنا المساعده ...

#منير_الشاذلي

"خلي بالك ... ماتخليش عقلك يصورلك انك تستاهل من الدنيا احسن من اللي انت فيه!" - #كتاب_المعجزات

"Beware of the #temptation to see yourself unfairly treated" - #A_course_in_miracles.

You are now EXACTLY where you should be!

Don't let your #ego victimize you!.

Take #responsibility for your life and for how you respond to what happens in it...

and ask #God for guidance.

#Monir_El_Shazly

YouTube: Monir El Shazly

Facebook page: monirelshazlyspiritual

Instagram: Monir.elshazly

Some points to remember in case of divorce ... For the benefit of children !

بمناسبة البوست اللي حطيته الاسبوع اللي فات و بقي ڤيرال علي تيكتوك و انستاجرام ...

ناس كتيره طلبت مني اني اتكلم علي مثال في حالة الطلاق (و الانفصال )، ايه احسن حاجه ممكن نعملها علشان اقلل من الأضرار علي الاولاد ...

للناس المهتمه ...في حالة الطلاق او الانفصال مهم جدا أننا نفتكر عدة نقاط رئيسية:

1. الزوجين ممكن ينفصلوا ...و ممكن شكل العائله يتغير ؛انما الام و الاب ..حيفضلوا الام و الاب لأولادهم ( و ده محتاجين نقوله للاولاد).

2. الحضانة بتروح لأحد الوالدين، و ده مش بيخلي وصول الوالد الآخر إلى أطفاله سهل . علشان كده مهم أننا نفتكر أن كلا الوالدين يفضلوا محتفظين بجميع حقوقهم وجميع التزاماتهم... و مانخليش العند يدخل علي حساب مصلحة الاولاد .

3. لا يمكن للأطفال أنهم يقفوا ضد أحد الوالدين من غير ما حاجه في روحهم و نفسيتهم تتأثر ... الاطفال لازم يعرفوا أن اللي بيحصل دي حاجه بين الام و الاب ... و ان حتي لو الام و الاب مش عايزين يعيشوا مع بعض ...إنما لازم كل واحد فيهم يحترم أن الزوج (الزوجه) السابق هو والد (والدة) اولادي ...

4. الأطفال محتاجين يعرفوا أن الام و الاب حيفضلوا ام و اب... والاهل محتاجين يعرفوا أن إكرام واحترام الزوج/الزوجه السابقه من إكرام الاولاد .

5. مش دور الأطفال أنهم يشيلوا اسرار اهلهم ..ولا المفروض أن الاهل يتعاملوا مع أطفالهم و يشيّلوهم أسرارهم. حتى الأطفال البالغين مش المفروض انهم يتحطوا في الموقف ده خالص ... لو حد من الأهل عايز يشتكي، ممكن يشتكي او يشارك حزنه وغضبه مع الاصدقاء او الاقارب او ابوه و أمه .. او يروح لمعالج نفسي ... و لكن مايشتكيش للاطفال (حتي لو كانوا بالغين او سنهم كبير )

6. الأبناء مش المفروض يكونوا مرسال أو وسيط بين الوالدين.

الام و الاب ممكن يتواصلوا مع بعضهم بدون استخدام الأطفال.

...حتي لو مش عايزين يشوفوا أو يتكلموا بعض علي التليفون، فيه ايميل و فيه واتس اب او تيليجرام!

7. و اخيرا ...لو قولت للطفل "أنت زي أمك/ أو انت شبه ابوك" يبقي لازم ده في سياق مدح لصفه من صفاته (مش في نطاق الهزار أو الاهانه) ...يا اما ماتقولش الكلمه دي .... خالص !

In case of Divorce /Separation

It’s important to remember several key points:

The couple is separating; parents do not divorce their children.

Many times custody is awarded to one parent, limiting the other parent’s access to his or her children. So it’s crucial to remember that both parents keep all their rights and all their obligations.

Children cannot take sides against one parent without part of their soul being affected. They need to know that whatever is happening is being experienced between adults. They need to know that even if you now dislike your ex-spouse, you are happy that your soon to be ex-spouse is the child’s other parent.

The children need to know that you will both continue to be their parents, and that in him (or her) you honour your ex-spouse.

Children are not their parent’s confidants. Even grown children should never be put in this position… please find a therapist, a support group or friends with whom you can share your grief, your anger and your resentment.

Children are not messengers or go-between the parents. Adults can communicate with each other without using the kids. Fortunately, there’s email and Messenger, so you don’t necessarily have to do it in person or on the phone.

Saying “You’re just like your mother/father” should be heavenly praise for a child, not an insult.

YouTube: Monir El Shazly

Facebook page: @monirelshazlyspiritual

Instagram: Monir.elshazly

TikTok : @monir.el.shazly

انت مش نظرة الناس ليك !

زمان و انا صغير.. كان بيلفت نظري الكلام اللي من نوعية "الانسان ايه غير سمعته؟".... و "الناس حتقول عليك ايه؟ ".

و الحقيقه انا عشت جزء (الحمد لله مش كبير) من عمري خايف من كلام الناس و بحاول ارضيهم ... لغاية ما اكتشفت انّي مش محتاج اعمل كده.... و ده كان واحد من اكبر نُقَط التحول في حياتي!.

الحقيقه ان الناس اللي بتتكلم عنك كويس انهارده علشان كلامك و افعالك و قناعاتك عاجباهم ..همّ نفس الناس اللي ممكن تتكلم عنك وِحِش بكره، لو ارائك او افعالك خالفت رأيهم و توقعاتهم منك!.

علشان كده أنت لازم تسأل نفسك ، هل انا محتاج أبني سعادتي علي رأيهم.... اللي ممكن يتغيّر بين يوم و ليله ؟

لو سألتوا ناس عليا... ممكن تلاقوا ناس بتتكلم عني كويس جدا... و ممكن بردو تلاقوا ناس مابتحبّنيش و ناس تانيه ممكن تكون شايفاني انسان مختلف (بطريقه مش عاجبهم)...

فيه كلام ممكن أقوله و الناس تعتبره اضافه كبيره لحياتها و بيفتح مجالات ادراك مختلفه، و فيه كلام ممكن يتفهم بشكل غير كده تماما...

ناس ممكن تكون معتبراني شخصيه مُلهِمه ليهم ... و ناس تانيه ممكن تكون معتبراني انسان أفكاره خطيره، و ممكن يخافوا منه!

طب انا مين فيهم ؟... ممكن نقول إن زيي زي كل الناس... فيا حاجات كويسه...و اكيد فيا حاجات لسه محتاج اشتغل عليها... اكيد عملت حاجات كويسه في حياتي... و اكيد عملت حاجات ممكن تكون ضرّت حد في يوم من الايام (حتي لو مش واخد بالي!)

لا انا محتاج اكون كامل... و لا هدفي ده...

و لا انت مش محتاج تكون كامل ... و لا محتاج تنول رضا الناس كلها .. لأن ده عمره ما حيحصل...

ولا محتاج تقنع الناس بأفكارك (حتي لو كنت متأكد انها صح و حتفيدهم)

ولا حتي محتاج انك تظهر بشكل مثالي قدام اهلك...لأنهم غالبا حيفصلوا يحبوك حتي لو انت مش كامل الاوصاف ( و حتي لو انت مش فاكر كده :-) )

بدل ما تسجن نفسك في سجن " الناس حتقول ايه".. اطلع بره السجن و خليك صريح مع نفسك!

إقبل نفسك و حاول تطوّرها لو محتاحه تطوير...

خلي علاقتك بربنّا مبنيه علي اللي انت حاسس بيه... مش اللي اتقالك عليه! ...

اعرف ربنا معرفه شخصيه... بدل ما تسمع عنّه من الناس...

ِحِب نفسك و إتقبلها ... لأنك عمرك ما حتعرف تحب الناس بجد.. لو انت عايش في سجنهم .!.

#انت_مش_سمعتك

#منير_الشاذلي

#Monir_El_Shazly

(إعادة نشر)

YouTube: Monir El Shazly

Facebook page: @monirelshazlyspiritual

Instagram: monir.elshazly