فائدة الوقت الصعب !

...لما خيط الكمنجه بيتشد... اكيد الخيط بيتألم

بس بعد ما بيتشد، صوته بيتظبط علشان يلعب النغمه بتاعته!... ساعتها بيعرف ايه فايدة الشده - #تاجور #طاغور

ممكن تكون الشده اللي انت فيها حتخليك تلعب #موسيقي احسن...

اتعلم منها...

و اعرف ان خطة ربنا ليك احسن من خطتك!.

#منير_الشاذلي

"When the string of the violin was being tuned it felt the #pain of being stretched, but once it was tuned then it knew why it was stretched"- #Tagore

Maybe you will play better #music after you have been stretched!

Learn to be open ...to learn! #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: Monir.elshazly

ظِل راجل... يدّيكي حُريتِك!

ظِل راجل... يدّيكي حُريتِك!

---------

كنت نشرت قبل كده بوست بأعلق فيه علي راجل بيكلم ست (المفروض أنه بيحبها) بيقولها انها "بتاعته"، و علشان كده مش عايزها تشتغل علشان ماحدش يشوفها غيره، و لا عايزها تخرج مع اصحابها لو هو مش فاضي علشان "لما توحشه" و هو قاعد مع اصحابه، اول مايرجع يلاقيها موجوده و مستنياه ... و كلام كتير من النوعيه المتسلطه و اسلوب التعامل النرجسي ده ( و انا هنا بأستخدم الكلمه دي لأن كل كلامه بيركز علي نفسه و ايه اللي حيبسطه، بدون اي اعتبار لإحتياجات الست اللي معاه خالص) ...

و طبعا كان فيه ردود افعال كتيره من الستات و الرجاله اللي معظمهم كان مستغرب البوست و مستنكر البنت اللي مستحمله الراجل ده، انما فيه رد غريب جدا باعتتهولي بنت و قالت فيه "انه كويس انه مديها حريتها! "... و بيحبها!

الغريب ان فيه بنات شايفه ان حد ممكن "يديها حريتها".. مش عارف علي اعتبار ان ده تفَضّل منه؟.... و لا علي اعتبار انها مولوده علشان حد يتحكم فيها لغاية ما تموت، و لما يجيله مزاج... "يديها شوية حريه تلعب بيهم!"

رأيي الشخصي لكل #بنت أو ست : انتي مش محتاجه حد يديكي حريتك...

لأنك لو مش عارفه (ومتأكده) انك حره... ما حدش حيحرّرك (ولا حيحترمك كفايه!)

انتي مش محتاجه "ضٍل #راجل " ولا "ضٍل حيطه"... انتي محتاجه تثقي في نفسك.. و تعرفي انك مش محتاجه تقفي في "ضٍل حد" !

احترامك لحد بيبتدي من احترامك لابوكي و امك... احتراما لدورهم انهم ربوكي لما كنتي مش قادره تقفي علي رجلك! . انما مش معني كده انك تفضلي تدوري علي حد تحطيه في مكانه مش بتاعته، و تطلبي منه السماح و الحريه!

عمر ما المجتمع حيتغير الا لو الست ازداد وعيها و احترامها لنفسها... لأنها ببساطه حتكون #الام اللي حتربي في يوم من الايام.

(اعادة نشر)

#وعي_المرأه

#female_awareness

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: @monir.elshazly

The rise and fall

في ناس كتير بتفرح بهيّبره لما الدنيا بتكون ماشيه زي ما هي عايزه...

و بتزعل بهيستيريا لما الدنيا مابتمشيش علي هواها ...

المشكله ان مافيش حاجه دايمه...

جزء من #الحياه حيمشي زي ما انت عايز.. و جزء مش حيمشي زي ما انت عايز ...

لما تمشي زي ما انت عايز....استمتع بيها ...

و لما ماتمشيش زي ما انت عايز... اتعلم منها

الناس السعيده، هي الناس اللي فاهمه كده!

و فاهمه "ان كل حاجه حتعدّي"

و الناس الاكثر سعاده، هي الناس اللي عارفه انها مش محتاجه نعرف كل حاجه... و مستريحه و هي مش عارفه!

#منير_الشاذلي

"الشخص العادي بيفرح لما بيطلع لفوق و بيكبر، و بيزعل لما بيقع ... الشخص الحكيم بيعرف أن الطلوع و الوقوع (القبض و البسط)، هما وجهين لعمله واحده ..اسمها الحياه!" - #عنايات_خان

" While man rejoices over his rise and sorrows over his fall, the #wise man takes both as the natural consequences of #life" - #Inayat_Khan

Nothing is permanent!. The highs and low of life are just two sides of the same coin.

If you wanna be happy, stay centered; enjoy the highs and learn from the lows!.. because "this too shall pass!"

And if you wanna be happier, teach yourself to become comfortable with "not knowing" ... because this is where freedom is! #Monir_El_Shazly

YouTube: Monir El Shazly

Facebook page: @monirelshazlyspiritual