احترموا بناتكم... و خلوهم يحترموا انوثتهم و يفخروا بيها !

احترموا بناتكم... و خلوهم يحترموا انوثتهم و يفخروا بيها !

(إعادة نشر)

________

إحترموا بناتكم و علموهم انهم مش اقل اهميه من ولادكم و انهم مش مجرد (حتة لحمه) الرجاله عايزه تخطفها....

ولا انها حد ضعيف محتاج حد يحميه و تتسند عليه علشان هي لوحدها مش كفايه...

او حاجه محتاجه تتلف في ورق سوليفان و تتحرك من بيت ابوها لبيت العَدَل .

الست مش محتاجه تقول انها "سترونج اندبندنت" (strong, independent)... علشان هي اصلا ربنا خلقها كده... ماخلقهاش تابعه لحد و محتاجه تمسك في ديله!!!

لو البنت ماعندهاش ثقه في نفسها و في تفكيرها و في اختياراتها و في قدرتها علي التعامل مع الحياه، ازاي حترّبي بعد كده اطفال عندهم ثقه في نفسهم؟

احترموا بناتكم... و خلوهم يحترموا أنوثتهم !

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

اصل انا بحبه!

اصل انا بحبه!/ اصل انا بحبها!

(إعادة نشر)

-------

كتير بقابل في الشغل بتاعي ناس في علاقات غريبه ، و مضرّه ليهم بشكل كبير... و لما اسألهم " طب ايه اللي مقعّدكوا؟". دايما الاجابه : "اصل انا بحبه/بحبها ، و مش قادر استغني عنها ! "

(و طبعا بتكون الكلمه دي هي نهاية الحوار بالنسبالي معاهم).

لكن الحقيقه ان مفتاح الحل هو في جملة "ماقدرش استغني عنه/عنها ". لان الحب الحقيقي (في مفهومي) ما فيش فيه تعلّق بالشخص... فكرة ان حد مايقدرش يعيش من غير حد فيها تعلّق كبير... و علي الرغم من ان الفكره يبان شكلها رومانسيه و جميله.... الا ان في معظم الاحيان الشخص اللي بيقول كده بيبقي مش قادر يعيش (او يستغني) عن نوع معيّن من الاهتمام او الشعور اللي الشخص التاني بيديهولو... و عايز الشخص يفضل بنفس الشكل. و يدّيله نفس الاهتمام !. اما لو الشخص ده اتغير ، او ابتدي مايعملش نفس الافعال اللي كان بيعملها.. فالشخص (اللّي كنا مش قادرين نعيش من غيره ) بيتحول في نظرنا لشخص اناني و مش شايف اِلا نفسه... و... و... و...

و طبعا ده معناه ان اللي احنا سميناه "حب" و اقنعنا نفسنا بيه ، هو في اكتره نوع من التعلّق بشخص علشان بيديلي حاجات انا محتاجها و مش قادر اديها لنفسي ( زي الشعور بالاهميه ،او غيره).

خلاصة اللي عايز اقوله هو ان عقلنا بيستخدم كلمة "انا بحبه و ماقدرش اعيش من غيره " حجه علشان مايشتغلش علي نفسه و يشوف ايه المشاكل بتاعته و يحلها (او بتاعت العلاقه و ينهيها)، و يستسهل انه يعيش في دور ضحية الحب و شهيد الغرام.

لو انت في علاقه و حاسس ان العلاقه دي فيها كتير من الظلم او قلة الاحترام... ماتخلّيش كلمة " انا بحبك" تضحك عليك....

لأن الحب الحقيقي مافيهوش لا تعلّق ... و لا شروط.... و لا توقعات... و قبل كل ده فيه احترام للنفس و للغير !

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

What do you wanna be ?

لما كان عمري خمس سنين ، أمي كانت دايما بتقولّي إن #السعادة هي سر الحياة.

و لما رحت المدرسة، سألوني ... عايز تبقي ايه لما تكبر ؟ . قولتلهم "سعيد". ...

قالولي "إنت مافهمتش السؤال" ، فقلتلهم "أنتوا اللي مافهمتوش الحياة" - #جون_لينين

مش مهم انت شغال ايه، عايش فين ، او معاك كام.... لو مش سعيد و راضي بحياتك يبقي كل ده مالوش لازمه!

سعادتك دي مسئوليتك انت!

و بتيجي عن طريق الرضا ..و تغيير نظرتك للحياه و للحاجات اللي فيها !

#منير_الشاذلي

"When I was 5 years old, my mother always told me that #happiness was the key to life.

When I went to school, they asked me ...what I wanted to be when I grew up.

I wrote down ‘happy’. ...

They told me I didn’t understand the assignment, and I told them they didn’t understand life!" - #John_Lennon

It doesn't matter what you do, where you live or how much you make... if it doesn't make you happy and at peace. It is not worth it!.

Your happiness is your own responsibility.

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly