Treat yourself well!

حِب نفسك و عاملها كويس!

-----

“إذا أراد المرء أن يغيّر الطريقة التي يعامله بها الناس، فيجب أن يغيٌر أولاً الطريقة التي يعامل بها نفسه. وإذا لم يتعلم كيف يحب نفسه، حبًا كاملاً صادقًا، فلا توجد وسيلة يمكنه فيها أن يُحَب حقا" - #شمس_التبريزي

لو مش شايف نفسك تستاهل انك تحب و تتقبل نفسك، ازاي تتخيل حد حيلاقيك تستاهل تتحَب؟

انت مخلوق من ربنا، جزء من حكمته في الأرض... عامل نفسك من خلال كده!

#منير_الشاذلي

"If you want to change the way others treat you, you should first change the way you treat yourself. Unless you learn to love yourself, fully and sincerely, there is no way you can be loved!" - #Shams_Tabrizi

If you don't find yourself worthy of your own love, how could anyone find you worthy?

Cherish your Divinity, you were made by God.... for a reason, as part of a Divine plan!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

On "who you are !"

طول ما أنت بتدور علي نفسك (او هويتك) بره نفسك.... (في شغلك ...في شكلك الاجتماعي... في عربيتك... في المكان اللي انت عايش فيه....او حتي في رأي الناس فيك ) .... عمرك ما حتلاقي نفسك......و حتفضل دايما في مكانه ممكن اي حاجه تهزها ...

.

جواك بس ممكن تعرف انت مين ... و تحس بالقوه اللي مافيش حاجه تقدر تهِزّها... و ده بس بيحصل لما تكون مستريح مع نفسك و راضي عنها! #منير_الشاذلي

"Riches and power may vanish because they are outside ourselves; only that which is within can we call our own" - #Inayat_Khan

As long as you are holding on to something outside of you for identity... you will always be in a shaky place!. Only that what's inside of you can give you the power of #peace.

#Monir_El_Shazly

(Repost)

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

Family constellations practices

عن ال family constellations

----

بعد البوست اللي حطيته امبارح علي الجزء التاني من مسلسل another self علي Netflix، ناس كتيره بعتتلي و قالتلي أنهم عملوا جلسات بتقنية الوقوف العائلي (او family constellations ) مع ناس مختلفه (سواء في مصر او بره مصر)، و "أنهم حسوا أنهم احسن بعد السيشن، إنما ماحسوش بتأثير كبير بعد كده"...و ان التغيير اللي "كانوا متخيلين أن ال constellation حتعمله ، ماحصلش!"...

و ناس تانيه قالتلي أن الجلسات كان فيها "دراما كتير" و أنهم ماحسوش براحه خالص و هما بيعملوها !

انا بس حابب أوضح شوية نقط ليها علاقه بموضوع ممارسات ال family Constellations (مش بس في مصر، و لكن في العالم)

١- ال family Constellations ممكن اعتباره تقنيه من تقنيات العلاج النفسي ، و هي (و ان كانت تقنيه عظيمه جدا في رأيي) الا أنها مش سحر ... و لازم الكلاينت (طالب العلاج) يتحمل مسئولية حياته و قراراته، انما فكرة أن انا حروح اعمل constellation سيشن و كل حاجه حتبقي تمام، دي فكره طفوليه، و غير واقعيه... و مابتأديش لأي تغيير في وعي طالب العلاج .

و حتي اللي اتفرج علي شغل Bert Hellinger (مؤسس التقنيه دي) أو حضر ليه اي سيشن، حيعرف أن الجانب الأساسي في التحسن، مرتبط بطالب العلاج و التزامه علي مستوي العقل الواعي !

٢- ساعات كتيره ال constrllator /space holder / المُعالج بالتقنيه دي بيحس بحاجات أو بيبقي عنده insights عن اساس المشكله ممكن يبقي ايه، إنما ده مش معناه أن الحاجات اللي هو حاسسها دي حقيقه... و دور المُعالج أنه يختبر الحاجات اللي هو حاسسها دي في السيشن ، و بعدين علي أرض الواقع ...

لأن مش كل ال insights اللي بيحسها المُعالج صح، و لا كل حاجه هو عارفها محتاج يقولها (حتي لو كانت صح)... و ده مش كلامي ..ده كلام Bert Hellinger نفسه !

٣- التقنيه دي هدفها أن الشخص يعرف حاجات عن نفسه علشان يطورها و يبقي عنده سلام نفسي ...مش هدفها اني "اشوف حاجات أو اعرف حاجات عن الناس اللي في النظام العائلي بتاعي أو بتاع ناس تانيين" " ..أو اني "افتح المندل" و اشوف لو جوزي فيه حد تاني في حياته! ... لو عايزين نكشف المستور أو نعرف اسرار ...يبقي ده مش family constellation... و لا المكان بتاعه هنا!

٤- ال constellation مش أساسها أن المعالج يشوف حاجات، أو أن ال representative يحس بحاجات و هو في ال field...

فيه اساسيات اسمها orders of love ...اتكلم عنها Bert كتير في شغله ، من غير ما المعالج يعرف ال orders of love (اللي ممكن نعتبرها قواعد ال constellation )، اي شغل constellation حعمله، مش حيساعد... و ممكن يضر ...

٥- الconstellation هي تقنية علاج و تطور للوعي، إنما مش سحر... بمعني ان لو انت عندك مشكله في شغلك مع مديرك...ممكن يكون السبب النظامي بتاعها في الأصل هو علاقتك مع باباك، و ممكن تتحل عن طريق التقنيه دي، إنما لو فضلت تروح الشغل كل يوم متأخر ، و تلعب games علي الموبايل، و تقول أنا عملت constellation و كل حاجه حتبقي تمام... حتترفد 😁

نفس الفكره أن لو عندك مشاكل ماديه، و عملت constellation، ممكن الشغل يساعد أنه يفتح شوية ابواب جديده كانت مقفوله لأسباب مرتبطه بالنظام العائلي بتاعك، إنما لو انت مادخلتش في الابواب دي و بذلت مجهود ، و قررت تقعد في البيت مستني حد يخبط عليك و يديك شنطة فلوس... يبقي اوعدك انك حستني كتير ....قوي

٦- الفكره من ال constellation هو اني اشتغل علي نفسي ، مش اني احل مشاكل العالم، أو اني اشتغل علي حد من وراه، فلو حد رافض أنه يشتغل علي نفسه ( و عنده القدره العقليه أنه يفكر لنفسه ) ماينفعش اروح اعمل جلسه عليه من وراه...

بمعني آخر ماينفعش اشتغل بالنيابه عن جوزي أو عن امي أو حتي عن اولادي ( الا لو كان سنهم أقل من ١٦ سنه) أو أي حد تاني غير نفسي! و اي محاوله لتغيير حياة حد علشان "احنا شايفين اننا فاهمين اكتر منه" ...يبقي مش من حقنا ( حتي لو احنا شايفين أن اللي بنعمله ده في مصلحته!)

تاني ...ال constellation مش سحر ولا حاجه حنعملها و كل حاجه بعدها حتبقي تمام (لو كانت الحياه كده كان حيبقي فيلم كوميدي ! )، ال constellation ده علم، و زي ما محتاج ان يكون المعالج بالتقنيه دي كويس ، زي ما طالب العلاج لازم يكون عنده الالتزام و تحمل المسئوليه اللي عليه في العلاج ...

اتمني أن كلامي ده يكون واضح ، لأني قريت و سمعت عن ممارسات كتيره تحت اسم ال family constellation و هي بعيده جدا عن اساس الشغل اللي عمله Bert Hellinger... لدرجة أن فيه حد جالي و قالي أنه عمل سيشن بره مصر و وصفلي ايه اللي حصل ...و الموضوع كان أشبه ما يكون بمسرحيه هزليه ...مش تقنية علاج !.

(إعادة نشر )

#منير_الشاذلي

#Monir_El_Shazly

#familyconstellations

#familyconstellationtherapy

#familyconnections

#berthellinger

#anotherself

#Another_Self

#تشكيلات_العائله

#انظمة_العائله

#وقوف_عائلي

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual