top of page

thoughts & notes

For my YouTube videos,

categorized by topics

Please click here

Ocean
  • Writer: Monir El-Shazly
    Monir El-Shazly
  • Jul 15, 2024

عن ال family constellations

----

بعد البوست اللي حطيته امبارح علي الجزء التاني من مسلسل another self علي Netflix، ناس كتيره بعتتلي و قالتلي أنهم عملوا جلسات بتقنية الوقوف العائلي (او family constellations ) مع ناس مختلفه (سواء في مصر او بره مصر)، و "أنهم حسوا أنهم احسن بعد السيشن، إنما ماحسوش بتأثير كبير بعد كده"...و ان التغيير اللي "كانوا متخيلين أن ال constellation حتعمله ، ماحصلش!"...

و ناس تانيه قالتلي أن الجلسات كان فيها "دراما كتير" و أنهم ماحسوش براحه خالص و هما بيعملوها !


انا بس حابب أوضح شوية نقط ليها علاقه بموضوع ممارسات ال family Constellations (مش بس في مصر، و لكن في العالم)


١- ال family Constellations ممكن اعتباره تقنيه من تقنيات العلاج النفسي ، و هي (و ان كانت تقنيه عظيمه جدا في رأيي) الا أنها مش سحر ... و لازم الكلاينت (طالب العلاج) يتحمل مسئولية حياته و قراراته، انما فكرة أن انا حروح اعمل constellation سيشن و كل حاجه حتبقي تمام، دي فكره طفوليه، و غير واقعيه... و مابتأديش لأي تغيير في وعي طالب العلاج .

و حتي اللي اتفرج علي شغل Bert Hellinger (مؤسس التقنيه دي) أو حضر ليه اي سيشن، حيعرف أن الجانب الأساسي في التحسن، مرتبط بطالب العلاج و التزامه علي مستوي العقل الواعي !


٢- ساعات كتيره ال constrllator /space holder / المُعالج بالتقنيه دي بيحس بحاجات أو بيبقي عنده insights عن اساس المشكله ممكن يبقي ايه، إنما ده مش معناه أن الحاجات اللي هو حاسسها دي حقيقه... و دور المُعالج أنه يختبر الحاجات اللي هو حاسسها دي في السيشن ، و بعدين علي أرض الواقع ...

لأن مش كل ال insights اللي بيحسها المُعالج صح، و لا كل حاجه هو عارفها محتاج يقولها (حتي لو كانت صح)... و ده مش كلامي ..ده كلام Bert Hellinger نفسه !


٣- التقنيه دي هدفها أن الشخص يعرف حاجات عن نفسه علشان يطورها و يبقي عنده سلام نفسي ...مش هدفها اني "اشوف حاجات أو اعرف حاجات عن الناس اللي في النظام العائلي بتاعي أو بتاع ناس تانيين" " ..أو اني "افتح المندل" و اشوف لو جوزي فيه حد تاني في حياته! ... لو عايزين نكشف المستور أو نعرف اسرار ...يبقي ده مش family constellation... و لا المكان بتاعه هنا!


٤- ال constellation مش أساسها أن المعالج يشوف حاجات، أو أن ال representative يحس بحاجات و هو في ال field...

فيه اساسيات اسمها orders of love ...اتكلم عنها Bert كتير في شغله ، من غير ما المعالج يعرف ال orders of love (اللي ممكن نعتبرها قواعد ال constellation )، اي شغل constellation حعمله، مش حيساعد... و ممكن يضر ...


٥- الconstellation هي تقنية علاج و تطور للوعي، إنما مش سحر... بمعني ان لو انت عندك مشكله في شغلك مع مديرك...ممكن يكون السبب النظامي بتاعها في الأصل هو علاقتك مع باباك، و ممكن تتحل عن طريق التقنيه دي، إنما لو فضلت تروح الشغل كل يوم متأخر ، و تلعب games علي الموبايل، و تقول أنا عملت constellation و كل حاجه حتبقي تمام... حتترفد 😁

نفس الفكره أن لو عندك مشاكل ماديه، و عملت constellation، ممكن الشغل يساعد أنه يفتح شوية ابواب جديده كانت مقفوله لأسباب مرتبطه بالنظام العائلي بتاعك، إنما لو انت مادخلتش في الابواب دي و بذلت مجهود ، و قررت تقعد في البيت مستني حد يخبط عليك و يديك شنطة فلوس... يبقي اوعدك انك حستني كتير ....قوي


٦- الفكره من ال constellation هو اني اشتغل علي نفسي ، مش اني احل مشاكل العالم، أو اني اشتغل علي حد من وراه، فلو حد رافض أنه يشتغل علي نفسه ( و عنده القدره العقليه أنه يفكر لنفسه ) ماينفعش اروح اعمل جلسه عليه من وراه...

بمعني آخر ماينفعش اشتغل بالنيابه عن جوزي أو عن امي أو حتي عن اولادي ( الا لو كان سنهم أقل من ١٦ سنه) أو أي حد تاني غير نفسي! و اي محاوله لتغيير حياة حد علشان "احنا شايفين اننا فاهمين اكتر منه" ...يبقي مش من حقنا ( حتي لو احنا شايفين أن اللي بنعمله ده في مصلحته!)


تاني ...ال constellation مش سحر ولا حاجه حنعملها و كل حاجه بعدها حتبقي تمام (لو كانت الحياه كده كان حيبقي فيلم كوميدي ! )، ال constellation ده علم، و زي ما محتاج ان يكون المعالج بالتقنيه دي كويس ، زي ما طالب العلاج لازم يكون عنده الالتزام و تحمل المسئوليه اللي عليه في العلاج ...


اتمني أن كلامي ده يكون واضح ، لأني قريت و سمعت عن ممارسات كتيره تحت اسم ال family constellation و هي بعيده جدا عن اساس الشغل اللي عمله Bert Hellinger... لدرجة أن فيه حد جالي و قالي أنه عمل سيشن بره مصر و وصفلي ايه اللي حصل ...و الموضوع كان أشبه ما يكون بمسرحيه هزليه ...مش تقنية علاج !.


(إعادة نشر )




YouTube: Monir El Shazly


Facebook page: @monirelshazlyspiritual


Instagram: monir.elshazly.spiritual


  • Writer: Monir El-Shazly
    Monir El-Shazly
  • Jul 13, 2024

مافيش حد دوره في الحياه انه *ينقذك* !

____________


ممكن يكون عندك اصحاب...

و ممكن ربنا يبعتلك ناس تحبك و تخاف عليك...

و دايما حيكون ليك عيله انت جيت منها .....

و ممكن كمان يكون فيه حد بيحبك و نفسه يشوفك مبسوط! ..

انما مافيش حد دوره انه ينقذك !


حتي لو شايف ان حياتك اتفرضت عليك. و ان مالكش دخل انت اتولدت فين، و دينك ايه، و لأب و أم عاملين ازاي... و في ظروف ماديه شكلها ايه ...

انما ازاي تتعامل مع كل ده... ده دورك انت!


قراراتك في الحياه دي مسئوليتك انت... لو ماشيلتش المسئوليه دي، عمرك ما حاتحس انك حر!


اللي بيحصل في الدنيا..مش بتاعك...

انما تشوفه ازاي و تحس ناحيته بأيه ...و ازاي تتعامل معاه......ده كله بتاعك انت.... دنيتك انت... و مسئوليتك انت !

(إعادة نشر)


-----


No one is here to *save you*!


"Remember, you will always have #friends, guides, and maybe even ones who #love you, but no one is here to *save you.*- Anonymous


What happens in your #life, may be out of your hands, but how you react to it is your choice!

Take responsibility for how you react to what life brings you...

Either that or you will never be #free ... And no one will save you!


YouTube: Monir El Shazly


Facebook page: @monirelshazlyspiritual


Instagram: monir.elshazly.spiritual

ازاي ابني/بنتي مايطلعش حاسس أنه ضحيه!

(إعادة نشر)

----


كنت كتبت من شوية عن #مفهوم_الضحيه ، و ازاي ناس عايشه طول عمرها بتلعب الدور ده (علي الرغم من التعاسه اللي هما فيها بسببه) و ازاي ان الموضوع مرتبط بالطريقه اللي اتربوا بيها، و اللي خليتهم يبتعدوا يلعبوا الدور ده من و هم صغيرين، و بعدين لقيت ناس بتسألني ازاي يربوا أولادهم بطريقه علشان مايطلعوش يلعبوا الدور ده لما يكبروا ... و علي الرغم من أن ده موضوع كبير و يطول شرحه، إلا أن في رأيي ده تلخيص للي الاهل محتاجين يعملوه علشان ده مايحصلش :


1. أنهم يحبوا أولادهم من غير توقعات ولا شروط للحب – و ده معناه أن الأطفال مايحسوش انهم محتاجين يعملوا حاجه معيّنه (ينجحوا، يطلعوا اوائل الدفعه... يكسبوا مسابقه... يعزفوا بيانو ....)او اي حاجه تانيه معينه علشان يحسوا انهم يستاهلوا حب اهلهم !

2. مايقارنوش بينهم و بين اي حد تاني ( ولاد خالتهم، ولاد اصحابهم، و طبعا مايقارنوش بين الاخوات و بعض). المقارنه بتعمل مشاكل بين الاخوات و بعض ، و بتحسس الطفل الأقل أنه ضحيه (لأنه ما إتحَبّش كفايه)


3. لازم الاطفال يتعودوا أنهم يبقوا مسؤولين عن أفعالهم – و ده معناه عدم محاولة حمايتهم زياده عن اللزوم من الحياة وتجاربها ... و عدم تحمل مسئولية اعمالهم او عواقب اعمالهم بالنيابة عنهم (بمعني اخر، ماتلمّوش ورا أولادكم لما يعملوا مشاكل، و خليهم يواجهوا نتيجة أفعالهم)...


و أهم حاجه ..


4. لازم الاهل يبقوا المثَل و القدوه (ما يبقوش هم نفسهم ضحايا)


الاولاد مش بس بيتعلموا من اهاليهم ، في أحيان كتيره بيحاولوا (بشكل لا ارادي) انهم يشيلوا مشاكل اهاليهم (حزنهم و غضبهم و معاناتهم النفسيه )بالنيابة عنهم.


بمعني اخر...لو ولادك شايفينك ضحيه، لازم يطلعوا يا إما ضحايا ..يا اما حيطلعوا جناه (و دول بردو ضحايا في الاصل )


Don't make a victim out of your #children!

---


A friend of mine asked me some weeks ago...how can we raise our children not to be victims... here's my answer


As far as i'm concerned, all you need to do is:


1. Just love them without #expectations - which means they don't need to do something (succeed, achieve things and so on) to earn your love and approval!

2. Never compare your children to anyone (and specially to their siblings). That type of comparison causes major problems between siblings and make the *underdog * child feels not worthy of love!.

3. Make them accountable for their actions - which means don't try to protect them by shielding them from life and its experiences... or bare the consequences of their actions on their behalf...


and more important..


4. Set yourself as an example (do not be a #victim yourself).

Since children, not only learn from their parents; they always want to energetically carry out the suffering of their parents on their behalf.


Which means that if you feel like a victim yourself, your children will always display something related to that in their behaviour. (They will either grow up to be victims, or grow up to be perpetrators (which are usually victims at the beginning )



YouTube: Monir El Shazly


Facebook page: @monirelshazlyspiritual



Instagram: monir.elshazly.spiritual

Contact

​​Tel: +20 111 447 4649

monir.shazly@gmail.com

  • Black Facebook Icon
  • Black Twitter Icon
  • Black Instagram Icon
  • Black YouTube Icon

Name *

Email *

Subject

Message

Success! Message received.

© 2023 by Constellation Therapist. Proudly created with Wix.com

bottom of page