Between acceptance and suffering !

اِتعلم الحاجه اللي الناس الحكيمه ( المستنيره) عارفاها...

اول ما تتقبل الصعوبات اللي ربنا حطها في طريقك ( من غير ما تزعل او تصعَب عليك نفسك)... باب الحل بيتفتح (و الدرس بيبان). #جلال_الدين_الرومي

اتعلم تتقبل اللي ربنا بيديهولك (و تعمل اللي عليك)... حتتطوَّر اسرع و حتلاقي سلامك النفسي بيزيد !

#منير_الشاذلي

"Learn the alchemy only enlightened human beings know. The moment you accept what troubles you've been given, the door opens" - #Rumi

Accept... do your job... and you will evolve quicker ... and find peace in the process! #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

كان احلي وقت في حياتي!

"كان احلي وقت في حياتي!"

____________

كلمه بسمعها كتير من الناس (سواء و انا بشتغل معاهم أو في حوارات عاديه) ... بيوصفوا وقت كانوا فيه صغيرين... أو وقت جميل قضّوه ...او وقت مع حد كانوا بيحبوه و الموضوع خلص.

في معظم الاحيان الناس مابتاخدش بالها من الوقت اللي هم عايشين فيه و الحاجات الحلوه اللي موجوده ساعتها .. و دايما بيدوروا علي *حاجه ممكن تحصل في المستقبل* ، علشان متخيلين ان ساعتها حيكونوا "سعداء و مبسوطين ".

و كتير من الناس دي بتقوللي انهم كان نفسهم حد يقولهم اد ايه هم كانوا في نِعمه ساعتها... علشان يستمتعوا بالسعاده دي قبل ما تروح!.

محتاجين نعلّم نفسنا نفكّر في الحاجات الجميله اللي في حياتنا و نشكر ربنا عليها... و نحمد ربنا علي الناس القريبين مننا اللي بنحبهم و بيحبونا... الناس اللي وجودهم لوحده بيجيبلنا سعاده... حتي لو فيه ازمه ماديه او أزمات صحيه!

محتاجين نعلّم نفسنا نحس بالسعاده قبل ما تروح، و مانأجلش سعادتنا و احنا بنستني حاجه ممكن تحصل... او ممكن ماتحصلش....

السعاده مش بكره ...

#السعاده_دلوقتي لأن الحياه بتحصل دلوقتي!

#منير_الشاذلي

#Monir_El_Shazly

( إعادة نشر)

YouTube: Monir El Shazly

Facebook page: @monirelshazlyspiritual

Children after divorce

ناس كتيره سألتني عن حاجات ياخدوها في اعتبارهم لما يحصل #طلاق او انفصال بينهم و بين الزوج/ الزوجه، مع وجود اطفال مشتركين!

دي لسته بحاجات *بسيطه* ممكن يعملوها: (طبعا دي مش كل حاجه، بس دي حاجات بسيطه ممكن تساعد علي النمو النفسي الصحيح للطفل):

- من المهم أنهم يستمروا في التواصل مع الطليق بشكل مباشر ( مش من خلال الأطفال) - الاطفال مش دورهم يشتغلوا مراسيل في النص!

- لازم الطفل يشوف الاب او الام اللي مش عايش معاه بشكل دوري

- شجع الطفل او الطفله انه يعلق صورة ابوه او امه في اوضة نومه

- لازم الاهل يحاولوا يظهروا الاحترام لبعض (ده بيريح الأطفال جدا)

-ممنوع تماما انهم يهزروا مع اولادهم و يقولوا ان الصفات السيئه اللي هما واخدينها دي جايه من ابوهم او امهم - و لو امكنو يحاولوا لما يبصوا للطفل يفتكروا اللحظات الحلوه مع الزوج/الزوجه السابقه... مش الحاجات الوحشه!

- حتي لو الطرف الآخر تصرفاته ماكانتش فيها وعي أو نضوج، لازم احط في اعتباري أن دي مش خناقه بيني و بينه، و اخد بالي أن تصرفاتي ماتأثرش علي مصلحة الاولاد .

و اخيرا، ستات كتيره بيشوفوا أن الراجل مش *مسئول* علشان مش بيتصرف *بالشكل اللي هما شايفين أنه المفروض يتصرف بيه* . كل طرف من حقه أنه يكون ليه وجهة نظر مختلفه في الصرف و في التربيه، و ده لازم يتحط في الاعتبار. لو العلاقه محترمه، يبقي التفاهم علي اسلوب التربيه، و أوجه الصرف مهم جدا ، مش الحل اني *اصرف علشان هو مابيصرفش* او *انا أمهم و عارفه مصلحتهم اكتر منه*!

#منير_الشاذلي

(إعادة نشر)

I was asked by several friends to write down some tips to help them deal with their children when they separate from their parent. here are some things that might help:

- It is important they communicate with each other directly rather than through their children.

- It is important to let the child see their parent regularly where possible

- Each might want to make a gesture such as hanging up a photo of the other parent in the child’s bedroom

- They should show respect for each other (which will be a great relief for the children)

- They should avoid being reminded of the bad things about a former partner that their children carry after them (for the children will always carry qualities and behaviours from both of the parents and display them). Instead they should try to see in the children reminders of the nicest moments of a former

marriage

- Even if the other parent behaves immaturely, they should always be focused on the well-being of the children, not that it is a fight with their former spouse that they need to win!

Finally , some women think their former spouses are irresponsible, just because they have different views with regards to raising their children, or the types of spending they should do! Communication between divorcee parents is very important, and attitude such as *I will spend, since he doesn't* or *I'm their mother and I know better* should be avoided!

#Monir_El_Shazly

(Repost)

Inspired by Indra Torsten's" Family Constellations Revealed"

#بعد_الطلاق

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual