Don't seek the truth !

معظم الناس بتدوَر علي الحقيقه ،

حقيقة نفسها...حقيقة الناس اللي حواليها...

و حقيقة الدنيا ..و دورنا فيها!

و طبعا السؤال ده مش حينفع يتجاوب عليه هنا ... بس الخطوه الاولي لمعرفة الحقيقه هي أن الواحد يبطّل يمسك في معتقداته و آرائه... و يشوفها انها الصح ..او انها الحقيقه المطلقه !

لأن آرائنا و معتقداتنا الصارمه (اللي لا تقبل النقاش) هي اللي في معظم الأحيان بتتحول لسجن و بتخلينا مانشوفش الحقيقه! #منير_الشاذلي

"ماتدورش علي الحقيقه ،

بطّل بس تفضل ماسك في الآراء بتاعتك !" - مقوله من الزن

"Don't seek for the truth ...

Just stop cherishing opinions!" - #Zen proverb

While most people want to know the truth!..

The truth of themselves...those around them ...of life...and of their role in life ..

This question is not to be answered here, but the first step is to stop taking your opinions and beliefs for granted! For our opinions are often the veil between us and the truth!.

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

Photo credit: ©Monir El Shazly

اصل انا عصبي !

اصل انا عصبي و لازم تستحملوني!

-----

كتير قوي بسمع من الناس الجمله دي، "اصل انا عصبي، و لما بتنرفز مابشوفش اللي قدامي! " و ناس كتير بتاخدها حجه علشان تتصرف تصرفات او تقول كلام جارح للناس التانيه من غير ماتتحاسب عليه.... و السبب "انهم عصبيين".

الغريبه ان الناس "العصبيين " دول في كتير من الاحيان بيكونوا رجّاله ... كأن الرجاله عندهم "إعاقه معينه" مابتخليهومش يعرفوا يتصرفوا في انفعالاتهم ( طبعا ده مش حقيقه..الحقيقه ان كتير منهم علشان المجتمع اللي احنا فيه طلعوا متدلعين في البيت و لما اتنرفزوا ماحدش وقّفهم عند حدهم) ... و كتير من الرجاله اللي اتعلموا يحترموا الآخرين من و هما صغيرين طلعوا "سبحان الله" مابيتعصبوش علي الناس التانيه!

الغريبه كمان ان الناس "العصبيه " دي بيعرفوا يمسكوا نفسهم و يتحكموا في عصبيتهم لما بيتعاملوا مع المديرين بتوعهم او مع حد همَ عايزين منه حاجه.. انما عدم التحكّم في العصبيه ده بيطلع بس مع الناس اللي هم حاسيين انهم اضعف منهم ، او حيستحملوهم لسبب او لآخر.

الاغرب كمان ان فيه بوستات غريبه بتبرر عصبية الناس بلاقي مكتوب فيها أن الإنسان العصبي ده من جواه انسان طيب و خدوم، كأن ده سبب كافي اني استحمل الشخص العصبي ده علشان هو "طيب"!

و مع اعترافي أن طبعا الكيمياء بتاعت المخ ليها تأثير كبير، و أن ساعات امراض زي ارتفاع ضغط الدم أو السكر بيكون ليها تأثير علي العصبيه، و ساعات كمان حاجات نفسيه زي اضطراب فرط الحركه (ADHD) او اضطراب الثنائية القطبيه (bipolar) ممكن يكون ليه تأثير شويه علي عصبية الناس، الا ان الحقيقه اللي بشوفها كتير هي ان الكلام ده بيتاخد عند كتير من الأشخاص العصبيين كوسيله للهروب من مسئولية افعالهم و تصرفاتهم، و ان معظم الناس اللي متشخّصه كده لما بتكون في موقف محتاجين فيه انهم يمسكوا نفسهم بيمسكوها و بيتصرفوا بشكل طبيعي فيه احترام للآخرين و لنفسهم (او علي أسوأ الفروض بيكتموا عصبيتهم و مابيطلعوهاش علي الناس )

الخلاصه ...

لو انت شخص عصبي و شايف ان الناس لازم تستحملك علشان انت عصبي و "غَلّاط"، يبقي احسنلك تقعد لوحدك في البيت من غير ماتتعامل مع الناس لغاية ماتتعلم ازاي تعاملهم.

و لو انت اب او ام و الدكتور قالك ابنك عنده "اي حاجه " تخليه يتعصّب، ماتخليش ده حِجه علشان تدلعه و ماتعلموش يحترم الناس التانيه .. لأنه ممكن يتعلم يتعامل مع الناس بإحترام بردو بغض النظر عن "الحاجه اللي عنده"!

اما لو انت/انتي في علاقه مع حد و بيعاملك وحش و بيقل ادبه تحت مسمي انه مابيعرفش يمسك نفسه، علميه حدودك لغاية فين و خليه يعرف انه لو عدّاها لازم ياخد الباب في ايده و هو خارج!

الناس بتمسك نفسها لما تتعصب لما تكون عارفه ان حيبقي فيه رد فعل و توابع سيئه لتصرفاتها...إنما لو كل مره حد اتعصب عليك و انت استحملت و سكتت، تأكد أن ده حيحصل تاني و تالت ...

و العلاقات اللي مافيش فيها احترام للطرف الاخر.. او فيها تكرار اهانه من طرف لطرف تاني ... قلتها احسن!

(إعادة نشر)

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

Learn ...and move on !

لو بنعدّي بنفس التجارب في حياتنا، و وبنقع كتير. بدل مانفكّر ازاي ننتقم من اللي ممكن يكونوا اذونا، و بدل ما تِصعب علينا نفسنا... محتاجين نسأل نفسنا ايه اللي ممكن نتعلمه من التجارب دي... و من الناس دول!

احنا ممكن نتعلم حاجات كتير من الناس اللي سبّبولنا اذي او وجع في حياتنا، لو بطّلنا نبصلهم كأعداء عايزين ننتقم منهم، و ابتدينا نبصّلهم كمدرسين ربنا بعتهم علشان يعلمونا حاجات في حياتنا كنا محتاجين نتعلمها!.

و لما ده يحصل، مش حنحتاج نتعلم نفس الدرس تاني، من مدرسين تانيين!

#ابو_الحسن_الشاذلي كان بيقول " يُخدم المرء علي يد عَدوه"...

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual