انت مش نظرة الناس ليك !

زمان و انا صغير.. كان بيلفت نظري الكلام اللي من نوعية "الانسان ايه غير سمعته؟".... و "الناس حتقول عليك ايه؟ ".

و الحقيقه انا عشت جزء (الحمد لله مش كبير) من عمري خايف من كلام الناس و بحاول ارضيهم ... لغاية ما اكتشفت انّي مش محتاج اعمل كده.... و ده كان واحد من اكبر نُقَط التحول في حياتي!.

الحقيقه ان الناس اللي بتتكلم عنك كويس انهارده علشان كلامك و افعالك و قناعاتك عاجباهم ..همّ نفس الناس اللي ممكن تتكلم عنك وِحِش بكره، لو ارائك او افعالك خالفت رأيهم و توقعاتهم منك!.

علشان كده أنت لازم تسأل نفسك ، هل انا محتاج أبني سعادتي علي رأيهم.... اللي ممكن يتغيّر بين يوم و ليله ؟

لو سألتوا ناس عليا... ممكن تلاقوا ناس بتتكلم عني كويس جدا... و ممكن بردو تلاقوا ناس مابتحبّنيش و ناس تانيه ممكن تكون شايفاني انسان مختلف (بطريقه مش عاجبهم)...

فيه كلام ممكن أقوله و الناس تعتبره اضافه كبيره لحياتها و بيفتح مجالات ادراك مختلفه، و فيه كلام ممكن يتفهم بشكل غير كده تماما...

ناس ممكن تكون معتبراني شخصيه مُلهِمه ليهم ... و ناس تانيه ممكن تكون معتبراني انسان أفكاره خطيره، و ممكن يخافوا منه!

طب انا مين فيهم ؟... ممكن نقول إن زيي زي كل الناس... فيا حاجات كويسه...و اكيد فيا حاجات لسه محتاج اشتغل عليها... اكيد عملت حاجات كويسه في حياتي... و اكيد عملت حاجات ممكن تكون ضرّت حد في يوم من الايام (حتي لو مش واخد بالي!)

لا انا محتاج اكون كامل... و لا هدفي ده...

و لا انت مش محتاج تكون كامل ... و لا محتاج تنول رضا الناس كلها .. لأن ده عمره ما حيحصل...

ولا محتاج تقنع الناس بأفكارك (حتي لو كنت متأكد انها صح و حتفيدهم)

ولا حتي محتاج انك تظهر بشكل مثالي قدام اهلك...لأنهم غالبا حيفصلوا يحبوك حتي لو انت مش كامل الاوصاف ( و حتي لو انت مش فاكر كده :-) )

بدل ما تسجن نفسك في سجن " الناس حتقول ايه".. اطلع بره السجن و خليك صريح مع نفسك!

إقبل نفسك و حاول تطوّرها لو محتاحه تطوير...

خلي علاقتك بربنّا مبنيه علي اللي انت حاسس بيه... مش اللي اتقالك عليه! ...

اعرف ربنا معرفه شخصيه... بدل ما تسمع عنّه من الناس...

ِحِب نفسك و إتقبلها ... لأنك عمرك ما حتعرف تحب الناس بجد.. لو انت عايش في سجنهم .!.

#انت_مش_سمعتك

#منير_الشاذلي

#Monir_El_Shazly

(إعادة نشر)

YouTube: Monir El Shazly

Facebook page: @monirelshazlyspiritual

Instagram: monir.elshazly

اعرف نفسك!

"كل حاجه انت اخدتها ... اخدتها هنا (في الحياه) ...

و كل حاجه انت عملتها... عملتها هنا (في الحياه)...

كل حاجه اخدتها... اخدتها من ربنا...

و كل حاجه اديتها... اديتها ليه!

انت جيت بأيديك فاضيه...

و حتمشي بأيديك فاضيه...

الحاجه اللي بتاعتك دلوقتي، كان بتاعت حد تاني امبارح.... و حتروح لحد تاني بكره...

انت بس اللي مش فاهم صح، و مستمتع بفكرة انها "بتاعتك"...

و السعاده اللي مش حقيقيه دي هي السبب في كل الألم و الحزن بتاعك بعد كده! ". -#بهاجاڨاد_جيتا

لما تعرف حقيقتك...

و تعرف انها مش في الحاجات اللي بتملكها، او الحاجات اللي بتحققها.. او اللي انت بتبني لنفسك هويّه من خلالها ...

ساعتها حتعرف تلاقي السعاده الحقيقيه! #منير_الشاذلي

"Whatever you have, you received from here (in this #life).

Whatever you have given, you have given only here (in this life).

Whatever you took, you took from #God.

Whatever you gave, you gave to Him.

You came empty handed,

And you will leave empty handed.

What is yours today,

belonged to someone else yesterday, and

will belong to someone else tomorrow.

You are mistakenly enjoying the thought that this is yours.

It is this false happiness that is the cause of your sorrows." - #Bhagavad_Gita

When you know who you really are... and you don't mistake it with your achievements, your possessions or your successes... that's the day when you will know true bliss!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

On opening your heart!

انا عارف ان الكلام ده ممكن "ييجي علي الجرح" بتاع ناس كتير ، بس انا علي طول بشوف في شغلي ان نجاحنا في حياتنا (الشخصيه و العمليه)، و قدرتنا اننا فعلا نكون سعداء فيها مابيحصلش من غير ما نِقبَل اهلنا زي ما هما و قلبنا يفضل مفتوح ليهم.

من غير ما نقبلهم و نفتح قلبنا ليهم بيفضل دايما فيه حاجه ناقصه في حياتنا و فيه حته بتتألم فينا (مهما حاولنا نقول انها مش موجوده و انهم مش فارقين معانا).

اللي كمان بشوفه كتير ان كل ما منقبلش حاجات في اهالينا و نرفضها، كل ما في الأخر بنشدّ الحاجات دي في حياتنا عن طريق عقلنا الباطن ... ساعات عن طريق اننا نتصرف زيهم لما نكبر(و احنا مش واخدين بالنا)،او نكرر تصرفاتهم اللي ضايقتنا مع اولادنا، و ساعات كمان بأننا ندوّر علي اشخاص فيها صفات زي اللي بتضايقنا في اهلنا و نتجوزهم او نتعلق بيهم! ( طبعا ده بيحصل عن طريق عقلنا الباطن)

الحل في أننا نقبلهم زي ما هما، بكل اللي قدروا يِدّوهولنا (و كل اللي ما قدروش يِدّوه)... ساعتها بس حنبقي أحرار!

#منير_الشاذلي

I know this might make a lot of people angry ...but i found out that "only by accepting our parents' personality facets in ourselves can we realize our own potential and allow ourselves to make choices that are not entangled with our parents' choices " - #Monir_El_Shazly

(Repost)

YouTube: Monir El Shazly

Facebook page: @monirelshazlyspiritual

Instagram: monir.elshazly