Articles and Videos | Monir El Shazly

thoughts & notes

For my YouTube videos,

categorized by topics

Please click here

عن تبديل الاقدار !

Monir El-Shazly
Sep 28, 2024

عن "تبديل الاقدار"!

----

واحده من الدعوات المنتشره الايام دي بكثره، " اللهم بدّل اقدارنا الي اجملها" ...

و طبعا ده بيعكس عدم رضا عن الواقع اللي الناس عايشه فيه، و الحياه اللي ربنا كاتبهالهم...

و ده في رأيي أحد "وصفات التعاسه" المؤكده ... رفض اللحظه الحاليه ....

بدل ما نطلب من ربنا يبدل (أو يغير) اقدارنا الي اجملها ... لو حاولنا نتقبل و نحترم اقدارنا (و اقدار اهالينا و اختياراتهم فيها )...

و نحترم حكمة ربنا (اللي ممكن مانكونش فاهمينها في الاقدار دي) ... حنلاقي نظرتنا ليها بتتغير ... و حنشوف الحكمه (و الفائده) لينا من وراها ...

و حنبقي في سلام نفسي اكبر بكتير !

#منير_الشاذلي

(إعادة نشر )

Instead of wanting to change your fate, try to honor your fate, (and that of those you love) and the wisdom of God behind it...

And your perception of that fate will change.. and you will find peace !

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: @monir.elshazly.spiritual

لما بتكلّم علي العلاقه مع الام (و الاب) و ان اي مشاكل فيها بتأثر علينا.. ناس كتير يبفتكروا ان المشاكل معناها اني مابحبهومش او اني مابكلمهومش.... بس الحقيقه ان فيه كمان مشاكل ممكن تكون راجعه لأني بالعب دور مش دوري معاهم , زي مثلا اني اكون واقف بينهم و بحاول احل المشاكل بتاعتهم مع بعض علي طول ... او اني بالعب دور الام او الاب ليهم (بدل ما هم بيلعبوه معايا) و ساعتها بتكون علاقتي بيهم شكلها كويس من بره, بس فيها حاجات من جوه محتاجه تتظبط!.

لو انت شايف ان علاقتك بامك (او ابوك) كويسه.. بس و انت بتتكلم عنهم بتقول جمله من الجمل دي، ده ممكن يبقي معناه ان فيه حاجه في علاقتك بيهم محتاجه تتصلح :

* اصل انا و امي (او ابويا) قريبين قوي ، انا بحس انها بنتي او اختي الصغيره اللي محتاج اخد بالي منها

*اصل انا امي (او ابويا) ماعندهمش خبره، و بيتضّحك عليهم بسهوله. فلازم اعمل كل حاجه ليهم بنفسي !

* انا مش عايز اكون عبئ علي امي (او ابويا) ، فمابلجألهمش في اي حاجه علشان مضايقهمش

* انا اقرب بكتير ل جدتي (او جدي) ، انا بحس انها هي امي (او هو ابويا) اكتر من امي.

* انا مش متعود اطلب من ابويا أو امي حاجات... بأحس اني مستغرب قوي اني اطلب منهم اي حاجه!

*اصل انا امي و ابويا كبروا في السن، و مابقوش عارفين يعملوا حاجه لو ياخدوا قرارات صح، فلازم انا اللي اخد القرارات المصيرية بالنيابه عنهم !

* انا بكلّم امي (او ابويا) علي طول و باسأل عليهم، طبعا لازم الواحد يعمل اللي ربنا بيقول عليه (بس لو ربنا ما كانش قال ، ماكونتش حتعمل كده من نفسك)

كل الجمل دي فيها حاجه مش مضبوطه في العلاقه مع الابوين.

الحاجه دي بتبقي مستخبيه اكتر من المشاكل التانيه ، بس في النهاية بتأثر علي العلاقه الصحيه معاهم.

دايما خليك الابن (او البنت) لابوك و امك. ماتلعبش اي دور تاني معاهم، لأن اي دور تاني حتلعبه، كيعملّك مشاكل في علاقاتك... العاطفيه، و مع اصحابك كمان!

#منير_الشاذلي

If you frequently say any of these sentences, you are probably not standing in your right place in your relationship with your parents!.

* My mom (or dad) and I are very close, she's like my little girl (or my small sister)

* My mom (or dad) doesn't have much experience in life, I have to step in, or anyone could take advantage of her!

* I don't want to be a burden on my mother (or father), so I don't open up with them, otherwise they will worry about me

*I'm not used to asking my parents for help, I find it weird to ask for their support!

* I'm much closer to my grandmother (or grandfather ) she's like my real mother!.

*My parents are old now, they can't make sound decisions, so I will need to make decisions for them!

* I call my parents frequently, God said that I should be close to them and I'm following his rules!.

If you say any of these words frequently, this provably indicates you are standing in the wrong place in relation to your parents.

Always be the son (of daughter) to your parents, don't play any other role in your relationship with them, for any other role will always cause you problems in your life and in your relationships (with both; partners and friends)

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: @monir.elshazly.spiritual

Photo credit unknown