If you think you are spiritual

- لو فكرت إنك بقيت "روحاني" أكتر علشان بقيت نباتي، بتشتري أكل أورجانيك، وبتعمل يوجا وبتتأمل،

بس بعدين بدأت تحكم على الناس اللي مش بيعملوا كده،

يبقى للأسف، الايجو بتاعك لعب بيك.

- لو حسيت إنك "أرقى" علشان بتروح شغلك بعجلة علشان تحافظ علي البيئه،

بس بتبص للناس اللي راكبين عربيات على إنهم أقل منك،

فده برضو حركه من حركات الايجو.

- لو بطّلت تتفرّج على التلفزيون علشان شايف إنه بيبوّظ المخ،

بس بقيت بتحكم على اللي لسه بيتفرجوا،

يبقى ده ego trap تاني.

- لو بطّلت تقرأ جرايد أو تتفرج علي الاخبار علي ال Facebook علشان شايف إنك أرقى،

بس بقيت تستخف باللي بيعملوا كده،

ده برضو ego trap تاني

- لو بتسمع موسيقى كلاسيك أو أصوات الطبيعة،

وبتشوف اللي بيسمعوا أغاني تجارية أو اغاني بترقص على إنهم "مش روحانيين كفاية"،

يبقى الايجو بتاعك هو اللي بيتكلم.

- خد بالك دايمًا من الإحساس إنك "أحسن" من غيرك.... ده أكبر علامة إنك وقعت في فخ الأنا.

الـ ego بيستخبى في أفكار شكلها نضيف ومحترم —

زي إنك تبقى نباتي أو انك شخص مسئول ( اكتر من التانيين) ،

وبعدين فجأة يتحوّل الإحساس ده لنوع من التعالي على الناس اللي مش ماشين في نفس الطريق بتاعك."

— #موچي

“If you think it's more "spiritual" to become a vegetarian, buy organic foods, practice yoga and meditate, but then you find yourself judging those who don't do all these things, you fell into an ego trap.

If you think it's more "spiritual" riding a bike or public transport to work, but then you're judging those in the car, you fell into an ego trap.

If you think it's more "spiritual" to stop watching tv because it cancels your brain, but then you're judging those who still watch it, you fell into an ego trap.

If you think it's more "spiritual" to avoid reading newspapers and gossip magazines, but then you judge those who read them, you fell into an ego trap.

If you think it's more "spiritual" listening to classical music or sounds of nature, but then you're judging who listens to commercial music, you fell into an ego trap.

You always have to be careful about the feeling of "superiority".

It is the most important clue we have to realize that we are dealing with an ego trap.

The ego is cleverly hidden in noble thoughts - like to start a vegetarian diet or use the bicycle,

and then turn into a sense of superiority towards those who do not follow the same spiritual path."

- #mooji

YouTube: Monir El Shazly

Facebook page: @monirelshazlyspiritual

Instagram: Monir.elshazly

اصل انا بحبه !

اصل انا بحبه!/ اصل انا بحبها!

(إعادة نشر)

-------

كتير بقابل في الشغل بتاعي ناس في علاقات غريبه ، و مضرّه ليهم بشكل كبير... و لما اسألهم " طب ايه اللي مقعّدكوا؟". دايما الاجابه : "اصل انا بحبه/بحبها ، و مش قادر استغني عنها ! "

(و طبعا بتكون الكلمه دي هي نهاية الحوار بالنسبالي معاهم).

لكن الحقيقه ان مفتاح الحل هو في جملة "ماقدرش استغني عنه/عنها ". لان الحب الحقيقي (في مفهومي) ما فيش فيه تعلّق بالشخص... فكرة ان حد مايقدرش يعيش من غير حد فيها تعلّق كبير... و علي الرغم من ان الفكره يبان شكلها رومانسيه و جميله.... الا ان في معظم الاحيان الشخص اللي بيقول كده بيبقي مش قادر يعيش (او يستغني) عن نوع معيّن من الاهتمام او الشعور اللي الشخص التاني بيديهولو... و عايز الشخص يفضل بنفس الشكل. و يدّيله نفس الاهتمام !. اما لو الشخص ده اتغير ، او ابتدي مايعملش نفس الافعال اللي كان بيعملها.. فالشخص (اللّي كنا مش قادرين نعيش من غيره ) بيتحول في نظرنا لشخص اناني و مش شايف اِلا نفسه... و... و... و...

و طبعا ده معناه ان اللي احنا سميناه "حب" و اقنعنا نفسنا بيه ، هو في اكتره نوع من التعلّق بشخص علشان بيديلي حاجات انا محتاجها و مش قادر اديها لنفسي ( زي الشعور بالاهميه ،او غيره).

خلاصة اللي عايز اقوله هو ان عقلنا بيستخدم كلمة "انا بحبه و ماقدرش اعيش من غيره " حجه علشان مايشتغلش علي نفسه و يشوف ايه المشاكل بتاعته و يحلها (او بتاعت العلاقه و ينهيها)، و يستسهل انه يعيش في دور ضحية الحب و شهيد الغرام.

لو انت في علاقه و حاسس ان العلاقه دي فيها كتير من الظلم او قلة الاحترام... ماتخلّيش كلمة " انا بحبك" تضحك عليك....

لأن الحب الحقيقي مافيهوش لا تعلّق ... و لا شروط.... و لا توقعات... و قبل كل ده فيه احترام للنفس و للغير !

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

عامل نفسك كويس !

خليك حنين مع نفسك ... و عاملها كويس!

-----

“إذا أراد المرء أن يغيّر الطريقة التي يعامله بها الناس، فيجب أن يغيٌر أولاً الطريقة التي يُعامِل بها نفسه. وإذا لم يتعلم كيف يحب نفسه، حبًا كاملاً صادقًا، فلا توجد وسيلة يمكنه فيها أن يُحَب حقا" - #شمس_التبريزي

لو مش شايف نفسك تستاهل انك تحب و تتقبل نفسك، ازاي تتخيل حد حيلاقيك تستاهل انك تتحَب؟

انت مخلوق من ربنا، جزء من حكمته في الأرض... عامل نفسك من خلال كده!

#منير_الشاذلي

"If you want to change the way others treat you, you should first change the way you treat yourself. Unless you learn to love yourself, fully and sincerely, there is no way you can be loved!" - #Shams_Tabrizi

If you don't find yourself worthy of your own love, how could anyone find you worthy?

Cherish your Divinity, you were made by God.... for a reason, as part of a Divine plan!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly