Change your thoughts

زمان و انا صغير ابويا قالي " لما تعمل حاجه (بطريقه معينه) مرتين تلاته و تطلع النتيجه مش زي ما انت عايز.. يبقي لازم تغير الطريقه بتاعتك !"

و رغم ان الكلام يبان انه طبيعي.. الا اني اكتشفت ان معظم الناس مابتعملش كده خالص !.

معظم الناس بتعمل نفس الحاجه.. هيّ هيّ .. و بتستني نتيجه مختلفه !

علي الرغم انه طبيعي جدا انك لو عملت الحاجه مره و مرتين و تلاته...

و طلعت النتيجه هيّ هيّ ... يبقي ماتستغربش لما تعملها تاني...و تطلع النتيجه بنفس الشكل...

لو عايز تغير حيانك... غير افكارك ... غير قراراتك ....و الاهم.. انك تغيّر نظرتك و تعاملك مع المواقف...

لأنك لو فضلت تعمل اللي انت بتعمله....

"حتاخد اللي دايما بتاخده !"

If you do what you’ve always done,

you’ll get what you’ve always gotten! . ..

A simple fact :)

(اعادة نشر)

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: Monir.elshazly

The (so called) good and the (so called) bad

في ناس كتير بتفرح بهيّبره لما الدنيا بتكون ماشيه زي ما هي عايزه...

و بتزعل بهيستيريا لما الدنيا مابتمشيش علي هواها ...

المشكله ان مافيش حاجه دايمه...

جزء من الحياه حيمشي زي ما انت عايز.. و جزء مش حيمشي زي ما انت عايز ...

لما تمشي زي ما انت عايز....استمتع بيها ...

و لما ماتمشيش زي ما انت عايز... اتعلم منها

الناس الاكتر #سعاده، هي الناس اللي فاهمه كده!

و فاهمه "ان كل حاجه حتعدّي"

#منير_الشاذلي

"الشخص العادي بيفرح لما بيطلع لفوق و بيكبر، و بيزعل لما بيقع ... الشخص الحكيم بيعرف أن الطلوع و الوقوع (القبض و البسط)، هما وجهين لعمله واحده ..اسمها #الحياه!" - #عنايات_خان

" While man rejoices over his rise and sorrows over his fall, the wise man takes both as the natural consequences of life" - #Inayat_Khan

Nothing is permanent!. The highs and low of life are just two sides of the same coin.

Stay centered; enjoy the highs and learn from the lows!.. because "#this_too_shall_pass!"

#Monir_El_Shazly

(إعادة نشر)

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

نهاية العلاقات

عن نهاية العلاقات!

-----

مفيش شخص كويس علي طول الخط أو وِحش علي طول الخط ...

حتي الإنسان اللي أفعاله غالبا مؤذيه، ساعات بيعمل أفعال مختلفه عن العادي بتاعه ... و حتي الإنسان اللي بيميل أنه يكون "طيب" ممكن يكون مؤذي ساعات ...

كل إنسان ليه دوافعه اللي ساعات بتخلي تصرفاته ممكن تؤذي شخص معين، في وقت معين علي الرغم من أنه مش بالضروره يكون ناوي يأذيه أو يضره بالافعال دي.

ناس كتيره بتجيلي في شغلي و بتسألني "ليه فلان عمل كده؟" او "ازاي شخص معين هان عليه يعمل فيهم كده!"، و دائما بتكون اجابتي أن الناس مش مُسطَحَه ... و الدوافع اللي بتخليهم يعملوا حاجات معينه، ممكن تكون اكتر من دافع عكس بعض و في وقت واحد، و مش شرط حنعرف الدوافع دي كلها...

علشان كده أننا نستني موضوع ال "#closure" او "اللقطه الختاميه" اللي بتقول ليه حد عمل كده او اتصرف بالشكل ده، او أننا نستني الشخص ييجي يقول "انا اسف" و "يعترف بكل حاجه عملها"، دي لقطه غير منطقية و ممكن تخلينا نضيع عمرنا في الانتظار، بدون ما تحصل... لأن في أحيان كتيره حتي الشخص نفسه اللي قام بالفعل ساعات مابيبقاش عارف هو عمل كده ليه، و ساعات بيبقي اصلا مش مهتم أنه ييجي يعتذر أو يشرح!.

لو العلاقه مش مريحه ..و بقالها كتير مش مريحه لينا، او لو حاسّين أننا بنحط فيها مجهود اكتر بكتير من اللي الشخص التاني بيعمله، او أن اللي بنعمله مش متقدر كفايه من الشخص التاني و دائما بيحاول يحسسنا بالتقصير، يبقي احنا اللي لازم ناخد الخطوه و نطلع براها، من غير ما نستني الشخص التاني ييجي و يشرح أو يفسر !

الحل في النهايات بيبقي دايما عندنا، مش عند اي حد تاني، و لما بنعرف نوصلّه و نوصل لسلام نفسي مع اللي حصل، ساعتها بس النهايات، بتتحول لبدايات لقصص جديده!

#منير_الشاذلي

* الكلام ده ينطبق علي كل العلاقات، ماعدا العلاقه مع الام و الاب!

YouTube: Monir El Shazly

Facebook page: @monirelshazlyspiritual

Instagram: monir.elshazly