كل واحد حر

لو حد ليه افكار أو قناعات معينه مختلفه عن أفكارك و عن معتقداتك...ده مش معناه أنه مايبفهمش أو عنده مشكله في الإدراك و محتاج يروح مستشفي المجانين ...

و لو حد مش عاجبه شكلِك ..مظهرك، لبسِك او جسمك ... و شايفِك مش حلوه كفايه... ده مش معناه أنه تافه و مابيبصش غير علي المظاهر...

و لو واحده مش عاجبها مستواك المادي ...او شايفاك فقير، أو مش مناسب ليها ...ده بردو مش معناه انها انسانه وحشه و ماديه...

كل واحد من حقه أنه يكون ليه أفكاره و معتقداته ...

و كل واحد من حقه أنه يعجبه حاجات و مايعجبوش حاجات ...

اللي مش من حقه أنه يفرض عليك رأيه و يبقي عايزك تتحرك و تعمل زي ما هو عايز....

أو يجبِرك علي انك تكون صوره من اللي هو عايزه ...

او يضغط عليك علشان تخطط حياتك علي حسب ما هو عايز...

انت مش دورك انك تعجب كل الناس ...

اذا كان كل الناس شايفه ربنا في صور مختلفه و معتقدات مختلفه ...

و حتي الحياه (اللي ربنا اداهالنا ) معظم الناس مش عاجباها و عايزه تغيرها ...

هل تعتقد أن كل الناس لازم تتفق معاك علي آراءك أو معتقداتك ...

أو انهم كلهم يجمعوا علي مظهرك أو جمالِك...

او علي اللي المفروض تعمله أو اللي ماتعملوش؟

ماتفتكرش انك صح في كل آراءك أو معتقداتك ...و لا تفتكر أنها شطاره انك تتمسك بيها لو حسيت انها مش صح ...

انت حر في أفكارك و معتقداتك ..و حياتك...طالما مااذيتش حد و لا أجبرته عليها ...

و الناس حره ...تعمل اللي هي عايزاه ...طالما أفعالها مااذيتكش ...

بس المهم ...ماتخليش رأي حد فيك يحسسك انك قليل!

#منير_الشاذلي

YouTube: Monir El Shazly

Facebook page: @monirelshazlyspiritual

Instagram: @monir.elshazly

لو عايز تكون مستعد !

لو عايز تكون مستعد.... ماتقولش "اصل الكلام سهل"

------

بمناسبة البوست اللي حطيته امبارح علي فكرة الناس اللي شايفه نفسها "جاهزه و مستعده" بس الحاجات اللي عايزاها مابتحصلش.

ناس سألتني ازاي يعرفوا انهم جاهزين فعلا....

الاجابه بسيطه... "لما الحاجه تحصلّك ، ده معناه ان انت كنت جاهز ليها 🙂 ".

غير كده فيه علامات ان الواحد "قرّب يكون جاهز او مستعد "...

- الناس المستعده دايما بتدور علي اسباب تساعد ان الحاجات تحصلّها... مش اسباب "ليه الحاجات مش حينفع تحصل!"

-الناس المستعده مابتدورش علي اعذار.... الكلام اللي من نوعية "اصله صعب".... "اصل الكلام سهل "... "اصل الكلام مش زي التنفيذ" عمرك ما حتلاقيهم بيقولوه.

- الناس المستعده دايما ثقتها في الله كبيره (بالفعل مش بس بالكلام)، و دايما واثقه ان اللي ربنا عايزه فيه خير ليهم!.

-الناس المستعده بتبقي غالبا عايشه في الحاضر، مش سايببن الحاضر و عايشين في حلم لمستقبل عايزينه يحصل علشان يكونوا سعداء! .الكلام اللي من نوعية " سيستجيب " و " بكره احلي من النهارده" مش حتلاقيهم بيضيعوا وقت فيه كتير!

- الناس المستعده لأنهم يشوفوا الحاجات الحلوه في الحياه، و انهم يستقبلوا الحاجات الحلوه( ability to receive and be open) بيبقوا غالبا مفتوحين للحياه، مش قافلين علي نفسيهم ، بيميلوا لأنهم يشوفوا الجوانب الايجابيه في كل موقف، مش الجوانب السلبيه!

في رأيي الشخصي ، الحاجات الحلوه موجوده في حياتنا كل يوم...بشكل او بأخر ...و معظم الحاجات دي حاجات صغيره، غالبا بناخدها مسلّم بيها ....

الناس السعيده ، هي اللي بتشوف الحاجات دي و بتبقي شاكره ليها!

#منير_الشاذلي

Those who are "ready to receive" almost always find reasons for things to happen, and not excuses for things "not to happen" !.

#Monir_El_Shazly

(Repost)

YouTube: Monir El Shazly

Facebook page: @monirelshazlyspiritual

Instagram: @monir.elshazly

كلنا مستعجلين

كلنا مستعجلين :-)

------

اللي شايفه نفسها لوحدها و مستغربه هي ليه مش في علاقه!

و اللي شايف نفسه يستاهل يترقي و يكبر في الشغل..

و اللي حاسس ان "المفروض" دلوقتي يكون عمل فلوس اكتر او بقي في مكان احسن...

و اللي شايف نفسه بقاله كتير شغال علي نفسه و مش عارف ازاي لغاية دلوقتي حاجات لسه بتزعّله او بتأثر فيه ...

الفكره ان "افتراضك " ان انت مستعد و "جاهز" ان حاجه تجيلك او ان شئ معين يحصلك ده "افتراضك" انت....

لو انت مستعد و جاهز... الحاجه حتحصل لوحدها...

الشخص اللي عايزه تبقي معاه.... و الشغل اللي انت عايزه....

و التطور اللي انت نفسك فيه....

اللي انت شايفه و "مفترضه" مش هو الصح....

الصح... هو ببساطه اللي بيحصل (اللي ربنا شايفه و مقدّره)....

و لما تبقي جاهز ليه فعلا.... حيحصل!

علشان كده سيبك من التفكير ف ده ليه ماحصلش و ده ليه كان مفروض يحصل....

سيب ده لربنا.... و خليك في نفسك (و إشتغل علي انك تطوّرها و تتخلص من المشاكل اللي ممكن تكون عندك و مأخره التطور بتاعك في الحياه)

#منير_الشاذلي

"لما الطالب بيكون جاهز، المدرس بيظهر" - مثل من "الزن"

"When the student is ready, the teacher appears "- #Zen_proverb

Let go of wanting things to happen NOW!

When you are ready, they will happen!.

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: @monir.elshazly