اوعي تصعب عليك نفسك

#روحانيات_صوفيه - اوعي تصعب عليك نفسك!

"الشفقة على الذات هي أسوأ فقر؛ و مصدر للتعاسه!" - #عنايات_خان

فكرة أن يصعب عليك نفسك هي اسوأ حاجه ممكن تعملها في نفسك! و بتخليك مش شايف الحاجات الحلوه اللي في حياتك، و الحاجات "اللي انت ممكن تعملها" علشان حياتك تبقي احسن!

حياتك ربنا مقدرهالك، بس مديك حرية الاختيار في حاجات فيها،

لما بنقعد نلوم الحياه و تصعب علينا نفسنا، بنفضل في مكاننا و مفيش حاجه بتتغير ...

الشكوي المستمرة و طلب العطف من الآخرين

دائما بيخلي حياتنا اسوأ ...و مابيخليناش ناخد مواقف احنا محتاجين ناخدها في حياتنا.

تتعاطف مع نفسك و تعاملها كويس، اه ...

إنما تصعب عليك نفسك ...لأ

#منير_الشاذلي

"Self-pity is the worst poverty" - #Inayat_khan

Self-pity is a major source of all unhappiness and blinds us to all what we could be thankful for. The habit of constant complaining and the tendency to demand sympathy from others bring the greatest misery into our life! We become dependent upon the sympathy of others, which blinds us to the actions we need to take to make our life better!

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

عن ليلة القدر

عن ليلة القدر

بقالي يومين تلاته بتجيلي رسايل من اصدقاء، و بشوف بوستات علي ال Facebook بمناسبة ليلة القدر. و الكلام كله عن ان الواحد لازم يكثِّف جهوده في العشره الاواخر من رمضان و يعمل حسنات زياده (او "يِطَلّع دعوات من بق ابوه و امه ليه" زي مابتقول بعض الڨيديوهات المتتشره) علشان الدعوات دي حتضرِب في ١٠٠٠ و علشان الجهود دي حتبقي كأنك عملتها لمدة ٨٤ سنه! ( اللي هو ١٠٠٠ شهر علي ١٢ في السنه يعني ...و ده بناء علي أن {ليلة القدر خير من الف شهر} )..

و علي الرغم من ان الحاجات اللي بتتكلم عنها الرسايل بصفه عامه حاجات جميله (زي بر الوالدين، و الصلاه و الذكر) ، و علي الرغم من أن ليلة القدر ربنا ميزها زي ما السوره بتقول:.

(إِنَّا أَنزَلْنَاهُ فِي لَيْلَةِ الْقَدْرِ (1) وَمَا أَدْرَاكَ مَا لَيْلَةُ الْقَدْرِ (2) لَيْلَةُ الْقَدْرِ خَيْرٌ مِّنْ أَلْفِ شَهْرٍ (3) تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ (4) سَلَامٌ هِيَ حَتَّىٰ مَطْلَعِ الْفَجْرِ (5).) ...الا ان مفهوم التجاره و الضرب في ١٠٠٠ علشان "اجمّع حسنات اكتر " هو مفهوم في رأيي بيبعد الواحد عن الهدف من العباده.

هل الهدف من الدعاء و المجهودات هو "تجميع الحسنات"، او "الدخول للجنه" او "الخوف من النار"... ولا الهدف هو القرب من ربنا ؟

في حديث ل "علي بن ابي طالب" بيقول ...

«إن قوما عبدوا الله رغبة، فتلك عبادة التجار،

وإن قوما عبدوا الله رهبة، فتلك عبادة العبيد،

وإن قوما عبدوا الله شكرا، ( او في روايه اخري، ابتغاء وجهه) فتلك عبادة الأحرار» - #علي_بن_ابي_طالب

بمعني، أن فيه ناس عايزه الجنه ...و ناس خايفه من النار، و فيه ناس عايزه ربنا، و الجنه و النار مش هما السبب الرئيسي اللي بيعبدوا ربنا علشانه!.

دي انواع من العباده (او مستويات فهم مختلفه للعباده) ... و كل نوع مرتبط بنظره معينه عن ربنا ... و علاقه مختلفه بيه!

اما عن موضوع ليلة القدر ...ف دي قصه قصيره عنها :

"قيل ل #ابو_الحسن_الشاذلي :

يا إمام : ما هي ليلة القدر؟

فقال : أيَّة ليلة تقصدون؟

قالوا : الليلة التي تستجاب فيها الدعوات ..

فقال : وفي أي ليلة لا يُستجاب فيها الدعاء ؟ !!

فقالوا : يا إمام الليلة التي يغفر الله فيها ..

فقال : وأي ليلة لا يغفر الله فِيهَا ؟ !!

فقالوا : يا إمام الليلة التي تنزّل فيها الملائكه..

قال : وفي أي ليلة لا تنزّل فيها الملائكه ؟ !!!

قال : لا أعرف ما تقولون !!!... نحن قومٌ ليالينا بالله كُلَّها قدر"

طبعا من حق كل واحد أنه يدعي ...و طبعا انا شاكر و ممتن لكل واحد بعتلي، بس انا احب اقول ان علاقتي بربنا مش مبنيه علي جدول الضرب و تجميع الحسنات... علاقتي بربنا مبنيه علي الحب... الحب لربنا، و الرغبه في معرفته، مش في طلبات منه ...

الحب اللي لسه ما وصلش بس اتمني انه في يوم من الايام يوصل انه يكون غير مشروط!...زي ما قال #البسطامي و هو بيدعي ربنا "اريد ان لا اريد...غير ما تريد!"

ربنا يرزقنا حبه و معرفته!

#منير_الشاذلي

*برجاء قراءة البوست تاني جيدا ، لأن البوست ده بالذات بيزعل ناس كتير (علشان رأيي مختلف عن الرأي السائد)، و انا مش دايما بيبقي عندي القدره علي الرد علي كل واحد بيعلق ..و لا بحب اني اجادل أو اقنع اي حد بوجهة نظري

و كل رمضان (و #ليلة_القدر) و انتم طيبين

YouTube: Monir El Shazly

Facebook page: @monirelshazlyspiritual

Instagram: monir.elshazly

عن تقبل المصاعب

#روحانيات_صوفيه - عن تَقَبُل المصاعب!

#sufivibes

"إتعلم حكمة الحياه اللي ناس قليله عارفاها…

في اللحظه اللي بتتقَبِّل فيها اي مشاكل ربنا بيحطها في طريقك... باب الحل بيتفتح! " #جلال_الدين_الرومي

تقَبُلنا للحاجات اللي بتحصل اللي مالناش قُدره علي تغييرها هو اول طريق التطور النفسي و الروحاني!

لو فيه حاجه في ايدك انك تغيرها حاول تغيرها ...

إنما مقاومتنا للحياه (و اللي بيحصل فيها) مش بس بيبطأ التطور بتاعنا… كمان بيخلينا بعيد عن معرفة السبب في الحاجات دي ليه بتحصل و ايه اللي ممكن نتعلمه منها !. #منير_الشاذلي

"Learn the alchemy few humanbeings know.

The moment you accept the troubles you've been given; adoor opens." - #Rumi

Acceptance is the first step to spiritual evolution!. #Resistance only delays the process and keeps you away from realizing the reason or the purpose!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly