Now is the time !

طول ما انت مستني وقت ييجي (أو حاجه تيجي ) علشان تستمتع بحياتك، عمرك ما حتبقي مسئول عن سعادتك...ولا حتستمتع بيها!

الحياه مش بكره، ولا امبارح... الحياه بتحصل بس في اللحظه اللي انت فيها!

#منير_الشاذلي

"عمرك ما حتعرف تبقي مسئول عن حياتك، من غير ما تبقي مسئول عن اللحظه اللي انت عايش فيها دلوقتي!.

لأن الحياه بتحصل دلوقتي!. (مش في اي وقت تاني)" - #ايكهارت_تول

"Ultimately you are not taking responsibility for life until you take responsibility for this moment - Now. This is because now is the only place where life can be found". - #Eckhart_Tolle

As long as you are waiting for some moment to enjoy your life, you will not take responsibility for it (your life). You can't find happiness except in this moment ;NOW! #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: @monir.elshazly.spiritual

احسن حاجه نقدمها لأولادنا

احسن حاجه نقدمها لأولادنا

------

بمناسبة اني اتكلمت كتير في الفتره اللي فاتت علي العلاقه مع الاولاد... ناس كتير سألتني ايه هي احسن حاجه ممكن نقدمها لولادنا ..

احسن ٣ حاجات في وجهة نظري هم :

١- انك تشتغل علي نفسك!. وده لأن لما تشتغل علي نفسك و تحل مشاكلك ده حيخليك ما تحولش مشاكلك عليهم ولا تشيلهالهم! .

علي النقيض من كده ، لما تكون مليان مشاكل ، كل ده حيأثر علي تعاملك معاهم و حيروحلهم بشكل مباشر او غير مباشر

٢- الحاجه التانيه اللي تقدمها هي وقتك...واهتمامك بيهم و وجودك معاهم اهم بكتير من انك تجيبلهم لعب و تدخلهم احسن مدارس و تطلعهم ابطال جمهوريه.

الطفل اللي بيحسّ انه مش متشاف من اهله ( مش واخد اهتمام كفايه) بيطلع عنده مشاكل كتيره من اول قلة الثقه في النفس لصعوبة انه يقول لا في حاجات او ياخد قرارات... ده طبعا غير انه بيعيش طول عمره بيدور علي الاهتمام ده في ناس تانيه (و مابيلاقيهوش)

٣- الحاجه الثالثه أن كل واحد من الأبوين يحترم التاني ... سواء كانوا مع بعض أو منفصلين!...

كل ما الطفل بيحس أن أهله بيحترموا بعض، ده بيديله شعور بالأمان و الحريه أنه مسموحله يحب كل واحد فيهم ... و أنه مش محتاج ياخد صف امه ضد ابوه (علشان امه ماتزعلش)..أو العكس.

الطفل اللي أهله مابيحترموش بعض، بيبقي دائما محتاج ياخد صف حد فيهم ضد التاني ، و ده اسوأ اختيار لأي طفل!

احسن التعليم... احدث iPhone ... اغلي لبس.. كل الكلام ده مش حيخليهم سعدا في الحياه ... لو الحاجات اللي قولتها دي مش موجوده!.

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: Monir.elshazly

سيستجيب ...بيستجيب !

لكل الناس اللي مستنيه ربنا ينزل من السما و يغيّرلها حياتها.. او يفرحها "فرحه عمرها ما شافتها قبل كده" زي ما فيه بوستات كتير مكتوبه الايام دي...

و كمان بوستات "سيستجيب" اللي الناس ماليه ال Facebook بيها...

الكلام ده في رأيي كلام مسكنات لا بيودٖي و لا بيجيب... و بيضُر اكتر ما بينفع!

"ان الله لا يُغَير ما بقوم حتي يُغَيروا ما بأنفسهم! ".

اشتغل علي نفسك...

غيّر نظرتك للحياه...

و بطّل تشوف نفسك ضحيه... حتلاقي ربنا بيساعدك علي كده... و علي حاجات تانيه كتير!

اما عن موضوع الاستجابه.. فربنا بيستجيب علي طول... بس الاستجابه مش معناها انه يديك اللي انت عايزه دايما، لأن ربنا بيديك الصح ليك و اللي انت محتاجه... و مش دايما الصح ليك هو اللي انت عايزه... في الوقت اللي انت عايزه...

ربنا بيستجيب بالمناسب ليك ... في الوقت المناسب...

إنما الجو بتاع "فرحه ماشوفناهاش قبل كده" و "سيستجيب" ده، مش حيجيبلك غير الإحباط و الاكتئاب، حيخليك دائما مش عاجبك الحاضر و مستني "حاجه تحصل في المستقبل "... و دي هي وصفة الإحباط في الدنيا ...

#الحياه_بتحصل_دلوقتي ...اشتغل علي نفسك دلوقتي ...و طوّر من نفسك و من حياتك للاحسن ...و لو عايز تدعي علشان بكره ادعي، بس اعرف ان اللي حيخليك سعيد، هو نظرتك للحياه ..و رضاك عنها ... و علاقتك ب "اللحظه الحاليه" !

#التغيير_بيبتدي_من_جوه

#ربنا_بيستجيب_علي_طول

(إعادة نشر)

#منير_الشاذلي

To anyone who's waiting for God to come from the sky to change their life,

"God doesn't change what's happening to anyone unless they change what's inside of them first! " - Quraan

Work on yourself,

Change the way you look at your life,

Stop seeing yourself a victim...

And God will guide and support you!

Anything shorter than that is just wishful thinking, that doesn't bring except disappointment!

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: @monir.elshazly