الحياه !

لو عجباك... #الحياه زي ما هيّ ..

ولو مش عاجباك. .. الحياه بردو زي ما هيّ!

الحاجات اللي في ايدك انك تغيرها ... اشتغل علي انك تغيرها!

امّا الحاجات اللي مش في ايدك تغيرها ... اتقبّلها دلوقتي ...لأن فيه حكمه من وراها انت مش عارفها ...و سيبها علي ربنا !

#منير_الشاذلي

If you like them, things are the way they are! ...

But if you don't like them ...things are the way they are !

Consider the things you can change, and work on changing them...

And leave the things you can't change...to God!

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

Just walk your path and make your decisions!

و انا صغير ..كان عندي مشكله كبيره في الكلام ...و كنت "بتأتأ" كتير جدا و انا بتكلم لدرجة اني كنت ساعات بخاف اتكلم علشان مازهّقّش الناس اللي حواليا، او علشان مايبصوليش بظرة شفقه!

و مش محتاج اقول ازاي الموضوع ده كان مأثر علي ثقتي في نفسي و علي نظرتي لقدراتي!

رحت لدكاتره نفسيين كتير (من ضمنهم ناس مشهوره ) و ماحدش عرف يعالجني ولا حسيت بأي تحسن ملحوظ معاهم.

لغاية ما في يوم و انا عندي ١٥ سنه جه واحد من اصحابي و قالي أنه عايز يمثل مسرحيه في النادي، و طلب مني اني اروح معاه علشان اشجعه و هو بيعمل اختبار تمثيل ...و رُحت معاه ..و بعدين كان فيه دور صغير في المسرحيه و ماحدش كان عايز يمثله، فطلب مني المخرج اني اجرب امثله علشان يشوف انفع ولا لأ!.

حاولت اقوله اني عندي مشكله في الكلام و اني ممكن ابوّظلهم المسرحيه، انما الراجل اصرّ.

و سبحان الله، عملت الامتحان و الراجل اتبسطت مني جدا و قال اني مناسب جدا للدور .. مع ان الدور كان لراجل فلاح و بيقول نكت و بيعلّق علي تصرفات الناس في المسرحيه ( و انا لا عمري عشت في الفلاحين، و لا بأعرف اقول نكت... ولا كنت عايش في مصر اساسا و انا صغير 😄).

الظريف بقي اني كان ليا ابن خاله بحبه جدا، و كان رئيس فريق التمثيل في جامعته، و روحت طلبت منه أنه يديني شوية نصايح علشان الدور، فطلع أنه عمل الدور ده نفسه قبل كده ، و اداني شوية نصائح خلت الدور كِبِر و سمّع في المسرحيه و مع الناس اللي بتتفرج !

و عملت المسرحيه و نجحت جدا لدرجة أن اتعاد عرضها اكتر من مره و بحضور ممثلين كبار زي عبد المنعم مدبولي و يحيي الفخراني و طبعا ده كان ليه تأثير كبير جدا في تحسن موضوع الكلام عندي و ارتفاع ثقتي في نفسي و تحسن قدرتي علي الكلام.

و بعدها ب سنتين تلاته وقع في أيدي كتاب اسمه "قوة العقل الباطن " (The power of your subconscious mind) ، و الكتاب ده فرق معايا جدا بردو ، مش بس في موضوع الكلام ، انما في نظرتي لنفسي و قدراتي و تغيير الحوار السلبي اللي كان دائما بيدور جوا عقلي عن نفسي و إمكانياتي.

و تلِف الايام، و اشتغل شغلانات كلها ليها علاقه بالكلام ، بدايه من شغلي الاولاني في مجال الاستشارات، مرورا بالتدريب و التدريس في الجامعه، لغاية شغلي الحالي في مجال العلاج النفسي.

الخلاصه من اللي عايز اقوله هنا أن البدايات الصعبه ، مش شرط يكون معناها أن الحاجه مش حتنفع، ممكن يكون معناها أن الوقت المناسب لسه ماجاش ... و أن الواحد محتاج يمر بتجارب معينه قبل ما يبقي مستعد أنه يوصل للحاجه اللي قلبه حاسس أنه المفروض يعملها ...

كمان أن لولا مروري بتجربة مشاكل الكلام ، كان ممكن مايبقاش عندي تعاطف كفايه مع الناس اللي بتجيلي و عندها مشاكل و مش عارفه تتخلص منها، ولا يبقي عندي القدره اني اساعدهم علشان يخرجوا من "مفهوم الضحيه"، و يبقوا اقوي و عندهم رغبه اكتر في تطوير نفسهم .

و الاهم من كده، أن فيه حاجات صغيره بتيجي في حياة الواحد ، و بتعمل فرق كبير ، لأن لولا صديقي جه و قالي اروح معاه لامتحان التمثيل، و لولا اني وافقت اني اروح معاه علشان أشجعه ، و بعديها وافقت اني اجرب الدور الصغير علي الرغم من خوفي الكبير ساعتها...لولا أن انا اخدت القرارات الصغيره دي ، ماكانتش حياتي حتتغير بالشكل الكبير ده .... و غالبا حاجات كتيره في قصة حياتي كانت اتغيرت😊.

كل حاجه بتيجي في وقتها، حتي لو مش فاهمين حكمة التوقيت ده دلوقتي!

الحمد لله

(إعادة نشر)

#منير_الشاذلي

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

افتح قلبك !

الحياه دايما بتعلمنا!

بس مافيش حاجه بتتطور، بتنكمش علي نفسها و يقل حجمها !

اي تعليم و تطوّر بييجي دايما مع أننا نكبر و نتمدد ...

زي الشجره لما بتكبر.. بتطوَل.. و جذورها بتمد في الارض اكتر ..

و الطيور لما بتكبر بتخرج بره العش بتاعها ..و تطير في السما...

في وقت محتاجين فيه نتعلم ..و بعديه حييجي وقت اننا نشوف اللي اتعلمناه .. و نستفيد بيه في حياتنا...

افتح قلبك للحياه... علشان تاخد اللي ربنا بيديهولك

الدروس الصعبه...اتعلم منها...

و الحاجات الحلوه ...استمتع بيها... ( بس من غير ماتتعلق!)

#منير_الشاذلي

" خلي قلبك مفتوح للحياه و حتلاقيها اسهل بكتير.

لو حطيت معلقة ملح في كباية مياه مش حتعرف تشربها... انما لو حطيت نفس المعلقه في بحيره، مش حتحس بيها!. #بودا

"Let yourself be open and life will be easier. A spoon of salt in a glass of water makes the water undrinkable. A spoon of salt in a lake is almost unnoticed" ~ #Buddha

Growth in Life is all about expansion! Whatever that makes you close-off doesn't allow you to grow!

There's a time for learning, but when the lesson is learnt, expansion is the way forward...

Open yourself up to receive and connect (without attachment)! #Monir_El_Shazly

Photo credit: Monir El Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual