الافكار زي الضيوف

الافكار زي الضيوف...اختار تعزم مين عندك !

_______

"#الحكمة هي انك تعرف ايه اللي تفكر فيه...و ايه اللي تتجاهله " - #جلال_الدين_الرومي

ما تستهلكش تفكيرك في الحاجات اللي حتضايقك ...او تخليك مُكتئب ...اختيار اللي تفكر فيه !

الافكار زي الضيوف... امسك بس في اللي انت بتحبه و بيخليك مبسوط و اقعد معاه شويه ... الباقي لو مامسكتش فيهم... حيمشوا بسرعه .

#منير_الشاذلي

"The art of #wisdom is knowing what to ignore" - #Rumi

Don't consume your thoughts on ideas that will bring you down...choose what to entertain! #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

استقبل ربنا!

استقبل ربنا !

_________

فضّي نفسك من الغضب و الخوف و الكراهيه...

فضي عقلك من الافكار اللي اتقالتلك عليه و اقتنعت بيها من غير ما تفكّر فيها ...

علشان قلبك يبقي قادر انه يستقبل... ربنا! #منير_الشاذلي

"القلب لازم يكون فاضي... علشان يستقبل المعرفة الالهيه " - #عنايات_خان

"The #heart must be empty in order to receive the knowledge of #God" - #Inayat_Khan

Empty yourself of hatred, fear and resentment...

Of all the thoughts you were told about God ...

So that your heart is ready.... To receive God!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

Lessons for mother's to teach their daughters !

دروس كل ام محتاجه تعلمها لبنتها و هي بتكبر !

١- مش مشكله أنها تكون شكلها حلو او ان الرجاله تُعجب بيها، المهم انها تعرف أن ذكائها في التعامل و ثقتها في نفسها (و روحها ) هي نوع الجاذبيه اللي ممكن يستمر!

لما تشتغل و تطور من نفسها، و تتخلص من مخاوفها و من محاولة إرضاء الناس ...ده هو اللي حيخليها جذابه و حيساعدها في حياتها بصفه عامه و في علاقاتها بصفه خاصه !

٢- من حقها تقول "لأ" لو حاجه مش عاجباها، من غير ما تحس بالذنب أو أنها محتاجه تشرح نفسها أو تبرر موقفها.

و لو حد اتضايق من الحدود اللي هي حاطاها ، فدي مشكلته هو ...و هي مش مضطره تبررله و لا محتاجه تشرحله أو تقنعه ! لأن اكبر حمل ممكن الإنسان يتخلي عنه، هو الحمل بتاع "إرضاء الناس علي حساب النفس " !

٣- انها مش محتاجه تعمل زي ما الناس بتعمل علشان تبقي cool و مقبوله ...

لو هي عندها ثقه في نفسها و في اختياراتها، الناس حتحترم اختياراتها حتي لو مختلفه عنهم !

٤ - لازم تعرف أن فيه وقت حيبقي عندها أصحاب ..و وقت ممكن تتخدع في اصحاب تانيه ...

وقت حتقع فيه في أخطاء ...و حتتعلم منها

وقت حتحب حد ...و وقت ممكن تتألم لما الشخص يمشي...

وقت ممكن تنسي فيه نفسها ...بس ترجع تاني تلاقيها ...

و ان الحياه عباره عن خبرات و تجارب بنمر بيها ...إنما المهم انها تعرف قيمة نفسها و ماتسمحش لأي حد أو اي تجربه أنها تقلل منها، أو من نظرتها لنفسها !

٥- قبل ما تفكر تتجوز ...لازم تدور علي شخص من مستوي ثقافي و اجتماعي و مادي متناسب معاها ...

و محتاجه تتكلم معاه في شكل الحياه، اسلوب تربية الاولاد، اسلوب الصرف، مين المسئول عن البيت ماديا ، و نوع المسئوليات المشتركه بينهم في تربية الأطفال ... عن طموحات الشغل و المشاكل النفسيه اللي مر بيها ..و كمان مفاهيمه عن المرأه و دورها في الحياه !

مش بس كده، لازم يكون الشخص عنده قناعات مشابهه ليها عن ربنا و عن مفهوم التدين..و عن الأفكار اللي حيحبوا يدوها لأولادهم

٦- لازم تعرف انها محتاجه تكون مستريحه مع نفسها (حتي لو محتاجه تتعالج نفسيا من صدمات مرت بيها ) قبل ما تقرر تخلف ...

علشان ماتسببش لاولادها مشاكل يتعالجوا بسببها!

٧- و في النهايه ...لازم كل ام تعرّف بنتها أنها ممكن تلجأ ليها في أي وقت ..مهما حصل ...و ان حبها ليها موجود ...و مفيش حاجه ممكن تغيره ...خالص!

(منقول - مع تغيير )

#منير_الشاذلي

YouTube: Monir El Shazly

Facebook page: @monirelshazlyspiritual

Instagram: monir.elshazly