Life is short !

#الحياه قصيره ...

قرّب من الناس اللي انت حاسس بروحهم ...

عبّرلهم عن حبك بالافعال و بالكلام (ماتقولش هم عارفين اني بحبهم) ...

ماتشيليش منهم أو تفضل مخاصمهم مده طويله (و انت فاكر انك بكده بتعاقبهم)...

استمتع بوجود الناس الجميله في حياتك ...لأن في يوم حد فيكم حيمشي!..

حاول تخلّي الحياه مكان احسن بعد ما جيت فيه ...

و تسيب الناس و هم بيحبوك و فاكرينك بالخير ...

#منير_الشاذلي

"كلنا زوار...في الوقت ده ...و في المكان ده... و حنمشي بعد كده!.

دورنا اننا نتعلم ..اننا نرتقي بنفسنا ... اننا نحب (و ندّي حبنا للناس) ...و بعدين ...نرجع للمكان اللي جينا منه! - (حِكمه من القبائل الاستراليه)

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

On true love

"حتى بعد كل الوقت ده ، الشمس عمرها ما بتقول للارض ؛" أنا عملتلك كذا و كذا ، و انتي مدينه ليا بالحاجات دي! "

شوفوا حب حقيقي زي كده بيعمل ايه، بينوَّر السماء كلها " #حافظ_الشيرازي

#الحب_الحقيقي مافيش فيه أنا عملتلك ايه و انت عملتلي ايه، و مافيش فيه "انت لازم تكون بتاعي" و "لازم تعمل الحاجه اللي انا شايف انها صح ليك" ... لو بتحب حد فعلا، حتبقي عايزه يكون سعيد في اللي هو اختاره ... من غير ما تفرض وصايتك عليه ...

ايا كان اختياره ايه .. طالما ده اختياره! #منير_الشاذلي

"Even after all this time, the sun never tells the earth; "you owe me!"

See what happens with a love like that, it lights up the whole sky" - #Hafez

True love doesn't happen through "I did that to you and you did that to me!". And it doesn't include " you should do what I think is right for you!".

When you truly love someone, then you want them to be happy in whatever they choose to do... and that includes whether they choose to be with you, alone, or with someone else!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

اوعي تصعب عليك نفسك!

واحده من اهم النصائح اللي سمعتها في حياتي

" be careful of the temptation to see yourself unfairly treated "

أو ببساطه " اوعي تصعب عليك نفسك " ...

و لما بتفرج علي الناس اللي حواليا ، بلاقي أن كل الناس المبسوطه منهم هي الناس اللي عمرها مابتتكلم عن أنها تستحق اكتر من اللي هي واخداه و صعبان عليها نفسها ، أو حاسه انها مقهوره بأي شكل من الأشكال ...

علي الناحيه التانيه، لو بصينا علي الناس التعيسه في حياتها، حنلاقيها دائما ناس حاسه بالقهر، و شايفه أنها مظلومه ( أو اتظلمت ) ، و دائما عندها شعور انها تستاهل من الدنيا اكتر من اللي هي واخداه ...

و علشان كده، اغاني زي "#رياح_الحياه " ...و " #اختياراتي_مدمره_حياتي " ( مع حبي لأغاني كتيره لأحمد سعد و شوية اغاني بردو لحمزه نمره) ، بتخلق حاله من الصعبانيات عند سامعها (غير أنها بتخلي الناس عايزه تقطع شراينها 😊) ، و مع ترديدها بشكل مستمر، الكلام بتاعها حيبتدي يظهر ( أو يستمر ) في حياة اللي بيسمعوها (طبقا لقانون الجذب و لقانون الاسقاط)...

كنت كتبت انا قبل كده علي خطورة الافلام و الاغاني في تشكيل الوعي الجمعي عند الناس ... و علي خطورة أن الواحد يحاوط نفسه بمود الصعبانيات و مود السلبيه ....

و اديني بكتب تاني علشان الناس اللي ماخديتش بالها اول مره 😊

عامل نفسك كويس ...اه

بس تصعب عليك نفسك ...لأ

#منير_الشاذلي

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual