Female empowerment!

المشهد الأول

ـــــــــــــــــــــ

الأم لابنتها: حبيبتي غيري هدومك وأدخلي روقي أوضة أخوكي وحضريله العشا عقبال ما يجي من الجامعة

..

نفس الأم لزوجها : حرام عليك أنا خلاص مش قادرة٬ أنت بتيجي من شغلك تنام٬ وأنا باجي من الشغل مش شايفة قدامي ومطلوب مني أطبخ وأغسل وأروق وأخد بالي من الأولاد.. حراااام !!

.

المشهد الثاني

ــــــــــــــــــــــ

الأم ترى صورة ابنها مع صديقته على فيسبوك٬ تعجب بالصورة وتعلق “ربنا يخليكم لبعض يا حبايبي”٬ ولما رأت صورة ابنتها في صورة جماعية مع أصدقائها في الجامعة طلبت منها مسح الصورة مبررة “عيب٬ الناس تقول عليكي إيه” !!!

..

نفس الأم تشتكي غيرة زجها المفرطة٬ ورفضه لعملها٬ ومعارضته بأن تضع أي صورة لها على السوشيال ميديا والتي اشترط عليها إسم مستعار حتى تستطيع استخدامها.

.

المشهد الثالث

ـــــــــــــــــــــــ

الأم ناصحة ابنتها التي تشتكي عصبية خطيبها وصوته العالي: “يا حبيبتي عدي وفَوّتي لوعايزة المركب تمشي٬ الرجالة كلهم كدا”

..

نفس الأم تتصل بإحد الشيوخ في أحدى الفضائيات تشتكي وتسأل عن حكم ضرب الزوج لزوجته !!

.

المشهد الرابع

ــــــــــــــــــــــــ

البنت شاكية لأمها: “يا ماما كاتب أسمي على الموبايل “البيت”٬ وبيناديني بأسم أبننا في الشارع٬ وبيقول عليا “الجماعة" قدام الناس !!!

الأم: معلش يا حبيبتي٬ جوزك وبيخاف عليكي

..

نفس الأم تشتكي تهميش زوجها لها وعدم إحترامه لشخصيتها وكيانها !!

.

المشهد الخامس

ــــــــــــــــــــــــــ

الأم ناصحة ابنتها المتزوجة: “وفيها إيه يعني لما يقولك إلبسي إيه وماتلبسيش إيه٬ جوزك وبيغير عليكي

..

نفس الأم تشتكي تحكم زوجها وفرض سيطرته وسلطته عليها بحكم أنه “الراجل” !!

.

المشهد السادس

ـــــــــــــــــــــــ

البنت: يا ماما جوزي عايزني أسيب الشغل٬ وبيقولي إنه شغله كفاية

الأم: فيها إيه يا حبيبتي٬ ما ربنا موسعها عليه٬ وبعدين هو عايز يعززك في بيتك

..

نفس الأم تشتكي الوحدة والفراغ٬ وبُخل زوجها بعض الأحيان٬ إضافة إلى تحكمه المفرط في البيت وعدم الأخد إلا برأيه فقط بحكم أنه "من يصرف على البيت" !!

.

الخلاصة

ــــــــــــــــ

١- المجتمع الذكوري الذي تشتكين منه؛ لا يصنعه الذكور وحدهم، بل تساهم فيه اماهتهم بالجانب الاكبر!

٢- لا يمكن أن تتحرر فكريا قبل أن تستقل ماديا٬ فمن ينفق عليك (غالبا) يحكمك بقوانينه ويفرض عليك أفكاره.

٣- المشكلة الحيقية ليست في الرجل الذي لايزال ينظر للمرأة بأنها كيان يحتاج للتوجيه والزجر والمنع والتغطية٬ إنما في المرأة التي ربت بناتها على سيادة الرجل ووصايته، و الابنه التي خضعت لهذه المفاهيم و اعتبرتها دستورا لها!

(منقول مع تصرف )

لو مش عاجبِك تهميش الرجل للمرأه... بطلي تهَمّشي بنتك و تعَظّمي ابنك !

#منير_الشاذلي

#Monir_El_Shazly

#توعية_المرأه

#female_awareness

#female_empowerment

YouTube: Monir El Shazly

Facebook page: monirelshazlyspiritual

Instagram: monir.elshazly

اسمع رسائل ربنا!

"زي ما شعاع الشمس مابتقدرش تشوفه الا لما بيعدي علي ذرات تراب في الجو او ينور حاجه كانت مش باينه ... ربنا بردو بيخلي كل حاجه تبان... بس هو مش باين!...

علشان تعرفه، لازم تشوفه و تختبره في كل حاجه بتحصلّك...(لأن مش كفايه انك تعرف عنه من كلام اتقالك عليه)" - #نسرجاداتا_ماهاراچ

اعرف ربنا ...

اسمع رسايله ليك في كل حد بيتعامل معاك ...و كل حاجه بتحصلك!

اسمع صوت ربنا جواك... في الصلاه (في السكون!)

#منير_الشاذلي

(إعادة نشر)

"Just like a ray of light is never seen unless intercepted by specs of dust, so does #God makes everything known, yet He Himself remains unknown. To know Him, is to experience Him." - #Nisargadatta_Maharaj

Experience God,

See Him in everyone you come in contact with ...and everything that happens to you...

Listen to His voice.... inside of you... in silence - #Monir_El_Shazly

YouTube: Monir El Shazly

Facebook page: monirelshazlyspiritual

Instagram: monir.elshazly

خلي بالك انت بتفكر في ايه ؟

بمناسبة غلاء الأسعار و صعوبة المعيشه (و كمان التقلبات السياسيه الغريبه )، كم الطاقه السلبيه اللي بقي موجود في كل حته مابقاش طبيعي... كل ما اتكلم مع حد أو اقعد في قعده، الاقي المواضيع دي اتفتحت و الناس ابتدت تشتكي ... لدرجة اني لاحظت أني بقيت بدون ما اخد بالي ادخل في الحوارات دي و "اتكلم عن ايام الرخص و الحياه اللي كانت سهله و السفر اللي كان متاح في أي وقت! " ... و طبعا بدون ما اخد بالي مودي العام اتأثر، و بقيت "مقريف"... علي عكس طبيعتي ! ..

خلوا بالكم انك ماتدخلوش في حوارات كتيره من النوع ده، و ماتتكلموش طول الوقت عن الحاجات اللي مضايقاكم، لأن ده حيأثر عليكم بشكل سلبي و حتلاقوا نفسكم مش طايقين نفسكم ..و لا حياتكم ...النوع ده من الحوارات رغم أنه يبان أنه بيساعد...إنما ضرره اكتر بكتير من نفعه ....

معظم الناس دماغها دايما واخداها للأفكار اللي بتضايقها!.

بتقلق و بتخاف... و بتعمل قصص من الحاجات اللي حصلت في حياتها و بتصدقها ...

او خايفه من الحاجات اللي حتحصل ...

خلّي الافكار تعدّي في دماغك... و امسك بس في الافكار اللي عاجباك علشان تقعد اكتر شويه ...

بس حتي الأفكار دي، ماتاخدهاش علي انها حقيقه!

هل معني كده أني اعيش في الوهم و أتخيل ان الحياه كلها بقت ورديه ؟ ..اكيد لأ ... إنما اختار اركز تفكيري علي ايه ...و نوع الحوارات اللي ادخل فيها، و نوعية الطاقه اللي ابقي حواليها ..

مهم اني اركز علي الحاجات اللي بحبها ...و ما احطش تركيزي علي الحاجات اللي بتضايقني أو بتأثر عليا بشكل سلبي ..

خلوا بالكم .... النوع ده من الفضفضه...مؤذي جدا !

"من الحكمه انك تتجنب تركز في الافكار اللي بتضعفك (أو بتضايقك)!" - #رومي

#منير_الشاذلي

#افكارك_بتأثر_علي_حياتك

#النوع_ده_من_الفضفضه !

YouTube: Monir El Shazly

Facebook page: monirelshazlyspiritual

Instagram: monir.elshazly