كل معاناتك في الحياه !

" كل معاناتك في الحياه جايه من انك فاكر انك تعرف اكثر من ربنا!" - #حافظ_شيرازي

معظم الناس فاكره انها عارفه اكتر من ربنا!

و عندها رغبه انها تتحكم في حياتها تمشي ازاي و ايه اللي يحصل فيها،

و عندها *يقين* انها عارف ايه الكويس ليها!

الناس دي بتعاني ..و دائما الخوف و القلق مسيطرين عليها!

لما تعمل اللي انت شايف انه صح... و تسيب كل حاجه علي ربنا... ساعتها بس...حتبطّل تعاني! #منير_الشاذلي

"Almost all your sufferings are from believing, that you know better than God!" - #Hafez

You think you know better than God?

Relax, let go of your egoistic need to control things the way you think is better for you!...

Do what you think is right...leave the rest to God... and end your suffering!. #Monir_El_Shazly

YouTube: Monir El Shazly

Facebook page: @monirelshazlyspiritual

احنا و الحياه ...

احنا ممكن ما نقدرش نغيّر اللي بيحصل في الدنيا، زي الحاجات اللي بنمرّ بيها في حياتنا او القَدَر بتاعنا... بس لما بنغيّر احنا بنشوف الحاجات دي ازاي، و احساسنا ناحيتها ايه، بنعرف نتعامل معاها احسن ... و ممكن كمان نتعلّم منها !.

و ده في حد ذاته قوه كبيره جدا... لو عرفنا نستغلها.

قدرتنا علي إستخدام عقلنا و السيطره عليه دي حاجه مهمه جدا، لأنها بتغير نظرتنا للحياه ككل......

إنما العقل لو اتساب براحته، ممكن "يسحلنا وراه"...

#منير_الشاذلي

"انت لا تملك التحكّم في ما يحدث خارجك، و لكنك تملك التحكم في ما يحدث داخلك (ردود أفعالك و نظرتك لما يحدث)" -#وين_داير

"You cannot always control what goes on outside. But you can always control what goes on inside." #Wayne_Dyer

You may not be able to change what happens in the world around you now, or your fate... but you can change how you perceive it, feel about it, how you react to it... And what you could learn from it...

and that's quite a great power to have!.

Use your mind, don't let it use you!

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

مفهوم الضحيه و الصعبانيات

"مَلعون ابو الناس العُزاز"....

مفهوم الضحيه و الصعبانيات!

-------

من شوية ايام، كنت داخل اشتري حاجه من محل، و سمعت الاغنيه دي، الاغنيه دي بقالها حوالي ٧ أو ٨ سنين، و اول ما طلعت، لقيت "الفيس بوك " اتملي بالجمله السخيفه دي... و ابتدا معظم الناس يرددوها و يحطوها status علي البروفايل بتاعهم !...

طبعا كل واحد حُر يقول او يعمل اللي هو عايز يعمله...

اللي انا بس احب اسأله لكل واحد حط ال ستاتس دي عنده، او مقتنع بالجمله دي ... يا تري ايه شعورك وانت بتقولها او بتفكر فيها ...و شعورك و انت بتقراها وواخدها حكمه في حياتك؟

لو كان شعورك ان الحياه حلوه و حسيت انك مُقبل علي الدنيا و متفائل.. يبقي خير... حُطها و العن الناس اللي حواليك زي ما انت عايز!

انما لو كان شعورك انك صعبان عليك نفسك و حاسس ان "الدنيا غداره... و مافيش حد ممكن تثق فيه ابدا" ، يبقي خلي بالك ان هو ده بالظبط اللي انت حتشوفه في حياتك الفتره الجايه.

بمعني اخر ، لو انا لابس نظارة ان "الناس كلها ملعونه و زباله و مفيش حد ممكن اثق فيه حتي اقرب الناس" ، هل ده حيخلي تصرفاتي مع الناس تخليني اقرّب منهم او اعرفهم ؟... هل ده حيخلّي حياتي احسن ؟... هل ده حيخلّيني متحمس اتعامل علي الناس اللي ربنا حيحطهم في حياتي ؟...

لما تفضل لابس النظاره دي، حياتك حتفضل كلها متلونه باللون ده ،... و ماتستغربش بعد كده انك وحيد و تعيس و ماحدّش عايزك في حياته.

لو عايز تشوف الحاجات الكويسه في "الناس العزاز " ، بطّل تلعنهم ...و دور علي الحاجات الكويسه فيهم ...و افتكر الذكريات الحلوه...

و لو مش عايز تكون ضحيه، بطّل تِصعَب عليك نفسك... و بطل تشوف نفسك ضحيه الناس و الحياه ...

اه، و بطّل تسمع اغاني الصعبانيات :-D

*شكرا لكل واحد مر في حياتي ....

و شكرا جدا ل *الناس العُزاز*

(إعادة نشر)

#منير_الشاذلي

#Monir_El_Shazly

#شكرا_للناس_العزاز

YouTube: Monir El Shazly

Facebook page: @monirelshazlyspiritual

Instagram: monir.elshazly