احضنوا ابوكم و امكم... و افتحوا حضنكم لأولادكم !

(إعادة نشر)

-------

في دراسات كتير طلعت بتتكلم علي اهمية ان الاب و الام يحضنوا ولادهم ، و علي ان الاحضان دي بتساعد علي افراز هرمونات النمو للاطفال اللي بتساعد علي نموهم البدني و العقلي... و النفسي السليم.

و فيه دراسات تانيه طلعت بتتكلم الي اهمية الاحضان بين الناس اللي بتحب بعض و علي قد ايه الاحضان بتساعد في انهاء الخلافات الزوجيه و تقريب وجهات النظر بين الطرفين.

انما ماشفتش لغاية دلوقتي (للأسف) دراسات علي اهمية الاحضان بين الابناء و بين ابوهم و امهم (بالنسبه للأبناء بعد مابيكبروا)، علي الرغم من انّي بشوف كتير في الشغل بتاعي قد ايه الابناء (مهما كبروا) بيبقي كتير منهم عندهم امنية (ممكن من ايام الطفوله) ان اهلهم يحضنوهم، و فيه ناس بتعيش حياتها كلها تدوّر علي حضن ابوها او امها اللي كان نفسها فيه و هي صغيره ( و لما مابتلاقيهوش بتدور عليه عند ناس كتير)!.

فيه اهالي كتير ماتربوش علي انهم يتحضنوا من ابوهم و امهم... و علشان كده ماكانوش بيحضنوا ولادهم و هم صغيرين... و علي الرغم من ان الاهالي دي بيستغربوا لما ولادهم بيحضنوهم فجأه ( بعد ما بقول لأولادهم انهم يعملوا كده) ..الا ان كتير منهم بعد شويه بيبتدوا يعبّروا لولادهم اكتر و بيبتدوا يقربوا منهم اكتر بعد كده.

كلنا نفسنا حد يقولنا انه بيحبنا و يحسّسنا بكده. ماتخافوش تحضنوا اولادكم. ماتتكسفوش تحضنوا الناس اللي بتحبوهم... والاهم... #احضنوا_اهلكم (و عبرولهم انكوا بتحبوهم).. قبل فوات الاوان!.

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

يعني ايه "قلبي مفتوح لأهلي "؟

كتير لما بتكلم عن ان الواحد يبقي "قلبه مفتوح لأبوه و أمه" , الناس بتسألني: "ازاي اعرف اذا كان قلبي مفتوح ليهم ولا لأ ؟"...

و رغم ان السؤال نفسه غالبا معناه ان فيه حاجه مش مستريحه قوي ... الا ان ده تمرين صغير ممكن يعرفك انت قلبك مفتوح ليهم قد ايه :

غمض عينيك, و تخيل مامتك و باباك واقفين قدامك ...

• هل حاسس انك بترحب بوجوجدهم و لا لأ؟

• هل حاسس أنهم بيرحبوا بيك؟

• هل حاسس أنك أقرب لحد منهم اكتر بكتير من التاني؟

• هل جسمك مسترخي و انت بتفكر فيهم، و لا حاسس انك اتعصبت و جسمك اتوتر؟

• لو تخيلت انهم حيدوك حاجه عندهم و انت عايزها، تعتقد حيدوك كام في الميه من اللي عندهم : 5 في الميه؟ 25 في الميه؟ 50 في الميه؟ 75 في الميه؟ أو 100 في الميه؟

لو حاسس في جسمك اي شعور بالتوتر او الغضب... يبقي غالبا فيه حاجه محتاج تشتغل عليها في علاقتك بيهم!

#منير_الشاذلي

When i talk about "having an open heart" when it comes to your parents, i often get asked, "but what does this mean?"... here are some questions that will help you see how open you are to your parents:

Visualize your biological parents standing in front of you...

• Do you welcome them or do you shut them out?

• Do you sense them welcoming you?

• Do you feel closer to one way more than the other?

• Is you body relaxed or tight as you visualize them?

• if there are offering you something they have, and you want, how much out of 100 are they offering: 5 percent? 25 percent? 50 percent? 75 percent? Or a full 100 percent?

if you feel tensed, irritated or angry after this exercise, it probably means they are certain things you need to work on, in your relationship with them!

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

لما الخوف بيخلص !

الحياه بتبتدي... اول ما الخوف بيخلص!

"#Life begins where #fear ends!" . - #Osho

And not only life in terms of enjoyment of it... but also in terms of getting out of your comfort zone, and going through new experiences.

And it only happens when the will to live, triumphs the stagnation of fear!. #Monir_El_Shazly

YouTube: Monir El Shazly

Facebook page: @monirelshazlyspiritual