بين الاعجاب و اللوم!

ماتخليش الايجو بتاعك يلعب العابه عليك!

------

اعجاب الناس، زيه زي انتقادهم، ممكن يكون ليه تأثير خطير علي الواحد ، لو ما اخدش باله انه مايبنيش سعادته او تعاسته عليهم (انهم مايوصلوش للايجو بتاعه)!

خلي بالك ان الايجو بتاعك مايلعبش العابه عليك و تبني لنفسك هويه من كلام الناس عنك ....و حتلاقي حياتك بقت اسعد كتير! #منير_الشاذلي

زي ما الصخره الكبيره مافيش هوا بيحركها... الشخص الحكيم (المستنير) مابيتهزش من المدح ولا من اللوم! "- #بودا

"Just as a solid rock is unshaken by the wind, so are the wise not shaken by praise or blame" - #Buddha

Praise and blame are both dangerous, they are gateways to your #ego!

Tame your ego... and your #life will be a hundred folds better. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

ناس كتيره شايفه انها محسوده !

ناس كتيره شايفه نفسها محسوده !

و ان كل المشاكل اللي في حياتها دي علشان فيه ناس تانيه حاطاها في دماغها و بتنام و تقوم تفكر فيها و في اللي عندها .. و هارياها اعمال سفليه مدفونه جوه بطن الحوت اللي في القطب الشمالي!

الظريف بقي انك لما تشوف الناس دي، حتلاقيها بصفه عامه غالبا ناس مش ناجحه قوي، و كسلانه تطوّر من نفسها و حاجات كتير في حياتها بايظه منها، و علاقاتها بناس كتير من اللي حواليها وحشه و فيها مشاكل!.

الناس الناجحه مابتبصش لمين بصّلها ازاي، و مين حسدها و مين حاططها في دماغه...

و لما بتلاقي نمل عندها في البيت مابتقولش "علشان حد حاسدني "...إنما بتروح تنظف البيت علشان النمل مايجيش ...

و لما بتلاقي فار مابتقولش "علشان حد حاططني في دماغه"... إنما بتعرف أنها محتاجه تشيل اي اكل بره و تسد الفتحات اللي الفار ممكن يدخل منها ...

و لما بتحصلهم مشكله في الحياه مابيبصوش لمين مضطهدهم ، و مين حسدهم، بيبصوا لأيه اللي هم محتاجين يعملوه علشان يطلعوا من المشكله دي، و ايه اللي محتاجين يتعلموه منها!

اه #الحسد مذكور في القرآن، و اه فيه جن و شياطين... انما ربنا خلقك علشان تحاول تطور من نفسك و تشتغل عليها .

لو عايز تولع بخور... ولَع

و لو عايز تحط قرآن في البيت و تكتب "من شر حاسد اذا حسد" ...حُط...

انما قبل كل ده، نقي قلبك من الكراهيه و الشعور بالظلم و الاضطهاد ..

و اشتغل علي نفسك و طور حياتك و علاقاتك بالناس اللي حواليك . .

لأن طول ما انت شايف نفسك محسود (و #ضحية عيون الناس و قَرّهم عليك) مافيش حاجه في حياتك حتتغير للأحسن!

"أن الله لا يغير ما بقوم حتي يغيروا ما بأنفسهم"

(إعادة نشر)

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

Guard your thoughts !

خلي بالك من افكارك و معتقداتك...

عن نفسك...عن #الحياه ... وحتي عن ربنا

افكارك زي ما ممكن تخدمك، زي ما ممكن تسببلك مشاكل كتير ...

و #العقل زي ما ممكن يكون اداه مفيده... زي ما ممكن يكون سبب في تعاسه كبيره ...

لو افكارك عن الحياه، او عن نفسك مش مخلياك سعيد ...يبقي ممكن محتاج انك تعيد النظر فيها ... مش عيب انك تعمل كده! . #منير_الشاذلي

"زي ما القمر مالوش اي ضوء لوحده ، عقلك مالوش اي قوي عليك، الا عن طريق اقتناعك بأفكاره" - #موچي

"Same as the moon doesn't have light by itself, so does the mind ; doesn't have the power except when you grant it to it by your #beliefs!." #Mooji

Be careful of your thoughts and your beliefs.

About yourself, #Life...and even #God!

The #mind can be tamed and used for your benefit, and it can also lead you astray!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual