هل العلاقات العاطفيه هي الهدف ؟

كتير بلاقي ستات و بنات كتير بتجيلي علشان موضوع العلاقات...

كتير منهم بيبقي الهدف من شغلهم علي نفسهم أنهم يدخلوا في علاقه مناسبه ( و يتعافوا من علاقات سابقه مضره في وجهة نظرهم)

بس اللي لاحظته أن كتير منهم اول ما بيدخلوا في علاقه بيبطلوا ييجوا أو يشتغلوا علي نفسهم، و كأن الهدف من اي علاج نفسي اني ادخل في علاقه ...

"و كأنهم بيعرفوا هويتهم من خلال "هل هم في علاقه ولا لأ

و طبعا للاسف ...لو الشخص معتمد علي العلاقه (اي علاقه) ...علشان ياخد منها هويته ...بيفضل دائما مش عارف هو مين ...و بيفضل دائما تحت رحمة الطرف التاني في العلاقه

و مع احترامي لأهمية العلاقات العاطفيه في حياتنا ...انما الهدف من شغلي علي نفسي مش اني "ادخل علاقه سليمه" ... الهدف ان يكون عندي سلام نفسي ...و ساعتها العلاقات المناسبه هي اللي (غالبا) حتجيلي لوحدها ...مش انا اللي حدور عليها!

#منير_الشاذلي

YouTube: Monir El Shazly

Facebook page: @monirelshazlyspiritual

Instagram: Monir.elshazly