نصيحه لكل واحده عايزه تخش في علاقه مع راجل ( تصاحب/تتخطب/تتجوز..)
- Monir El-Shazly
- Jul 5, 2017
- 1 min read
بحكم طبيعة شغلي ، و بحكم ان معظم الناس اللي بتجيلي علشان تشتغل علي نفسها ستات. فيه ناس كتير بيسألوني عن #العلاقات و مشاكل العلاقات…. و رغم اني بصفه عامه بأشتغل مع الافراد لوحديهم (individuals ) وما بشتغلش مع couples الا ان فيه نصيحه عامه لكل واحده عايزه تخش في علاقه. لو لقيتي الراجل اللي انتي معجبه بيه بيتكلم وحِش عن امه…، او مابيحترمهاش…. اطلعي اجري. ( لأن لو هو مابيحترمش امه او دورها في الحياه يبقي عمره ما حيحترم اي ست. ) و لو لقيتي علاقته بأمه فيها اعتماد كبير عليها ( مابباخدش قرارات من غيرها ، او هيّ اللي بتقولّه يعمل ايه و مايعملش ايه) يبقي اعرفي انك داخله في علاقه احتمالية نجاحها ضعيفه جدا (و بردو اطلعي اجري 🙂 ). الاحتمال الاكبر لنجاح العلاقه مع اي راجل انه يكون بيحترم امه ، بس علاقته بيها مافيهاش تعلّق زايد.. و ده مش معناه انه حيبقي هو التوأم الروحي بتاعك… معناه بس ان اساس شخصيته مافيهوش عقّد مع الستات. الكلام ده ينطبق علي الرجاله بردو ( و نظرة الست لأبوها و احترامها ليه)..بس ده حنتكلم عليه مره تانيه! هل لكل قاعده شواذ؟.. اه طبعا…… بس انا الحقيقه من سنة ٢٠٠٨ ( من ساعة ما ابتديت اشتغل في الكلام ده) ما صادفتش اي شواذ للقاعده دي! 😀 #منير_الشاذلي
Comentarios