نصيحه لكل واحده عايزه تخش في علاقه مع راجل
- Monir El-Shazly
- Jul 5, 2018
- 1 min read
#نصيحه لكل واحده عايزه تخش في علاقه مع راجل… تصاحب/تتخطب/تتجوز..
(اعادة نشر)
——-
بحكم طبيعة شغلي ، و بحكم ان معظم الناس اللي بتجيلي علشان تشتغل علي نفسها ستات. فيه ناس كتير بيسألوني عن #العلاقات و مشاكل العلاقات…. و رغم اني بصفه عامه بأشتغل مع الافراد لوحديهم (individuals ) وما بشتغلش مع couples الا ان فيه نصيحه عامه لكل واحده عايزه تخش في علاقه مع راجل،
لو لقيتي الراجل اللي انتي معجبه بيه بيتكلم وِحِش عن امه…، او مابيحترمهاش…. اطلعي اجري علي طول ( لأن لو هو مابيحترمش امه او دورها في الحياه يبقي عمره ما حيحترم اي ست. )
و لو لقيتي علاقته بأمه فيها اعتماد كبير عليها ( مابباخدش قرارات من غيرها ، او هيّ اللي بتقولّه يعمل ايه و مايعملش ايه) يبقي اعرفي انك داخله في علاقه احتمالية نجاحها ضعيفه جدا (و بردو اطلعي اجري 🙂 ).
الاحتمال الاكبر لنجاح العلاقه مع اي راجل انه يكون بيحترم امه ، بس علاقته بيها مافيهاش تعلّق زايد ، و ده مش معناه انه حيبقي هو التوأم الروحي بتاعك و ان الحياه حتبقي وردي معاه… معناه بس ان اساس شخصيته مافيهوش عقّد مع الستات ، فالعلاقه حيبقي ليها نسبة نجاح كويسه
الكلام ده ينطبق علي الرجاله بردو ( و نظرة الست لأبوها و احترامها ليه)..بس ده حنتكلم عليه مره تانيه!
هل لكل قاعده شواذ؟.. اه طبعا…… بس انا الحقيقه من سنة ٢٠٠٨ ( من ساعة ما ابتديت اشتغل في الكلام ده) ما صادفتش اي شواذ للقاعده دي! 😀 و رأيي الشخصي لكل واحده فاكره ان الراجل اللي عارفاه ده حيبقي هو القاعده…. ” كل الناس اللي لبسوا في الحيطه كانوا فاكرين كده ” 🙂
YouTube: Monir El Shazly
Facebook page: Inspired Being Coaching
Comments