مفهوم الضحيه !
- Monir El-Shazly
- Jun 26, 2023
- 2 min read
مفهو
-------
في البدايه احب اقول ان... لو انت شايف نفسك #ضحيه، الكلام ده مش حيعجبك :-)
الناس اللي شايفه نفسها ضحيه معظم الوقت بيبقوا غالبا ناس بيبرروا لنفسهم تصرفات همَ بيعملوها ( تحت مسمي انهم غلابه و ان الناس هي اللي وحشه و هم اللي ابتدوا الاول و ظلموهم ) ... و علشان كده ، مش غريب انك تلاقي حد وقفت جنبه كتير (و هو عايش في دور الضحيه) بيتخلي عنك عند اول ناصية شارع أو بيتكلم عنك وِحِش .. تحت مبرر انك عاملته وِحِش و هو (او هي) مش قادره تستحمل اكتر من كده.... او ان انت اللي خليته يعمل فيك كده!
علشان كده لما حد بيقول لي أنه إتقَرَص من حد كان قريب منه و كان دائما بيساعده ماباستغربش، لأن كتير من الناس اللي عايشه في #دور_الضحيه بيتصرفوا كده!
طيب لو كده، ايه احسن طريقه في التعامل مع الضحايا؟...
في رأيي ان احسن حاجه تعملها مع #الضحيه انك دايما تركز علي ايه اللي *هم* محتاجيين يعملوه علشان يحلوا مشاكلهم (مش *انت* ممكن تعملهم ايه) ... بمعني انك تخليهم يركزوا علي الحلول، مش علي الشكوي !
السبب في كده أن الضحيه غالبا مش عايز يِحِل مشاكله...علشان هو في معظم الاحوال من جواه عمل لنفسه *هويه* من انه مظلوم و ان الناس هم اللي دايما وحشين. ... و علشان كده هو من جواه في أحيان كتيره مش عايز المشاكل بتاعته تتحل، و بيدور علي الأسباب اللي تخلي مشاكله دي تفصل عايشه معاه علي طول و بيقنع نفسه بيها ... و حتي لو انت ساعدته ... ففي معظم الاحوال حيدوّر علي حاجه تعطّل الحلول و يطلع كل الاسباب اللي تخليها ماتنفعش!
بشكل مبسّط.. .انت عمرك ماحتغير الضحيه( حتي لو كان الشخص ده اقرب شخص ليك). .. لازم هو اللي يحس انه محتاج يتغير... و لازم هو (او هي) تاخد الخطوه و تبقي مسئوله عن التغيير ده !.
غير كده انت بتضيع وقتك و مجهودك علي الفاضي!
اه...و علي فكره.... طريقة تربيتنا و طريقة تفكيرنا في المجتمع المصري و العربي بتطلّع ناس كتيره بيحبوا يلعبوا دور الضحيه!...
فلو عندك اصدقاء كتير ضحايا... انفء بجلدك ...
(إعادة نشر )
YouTube: Monir El Shazly
Facebook page: @monirelshazlyspiritual
Instagram: monir.elshazly.spiritual
Comments