مجموعه من النصائح اللي ممكن تساعد في موضوع العلاج النفسي و التطور الروحاني

مجموعه من النصائح اللي ممكن تساعد في موضوع العلاج النفسي و التطور الروحاني

١- مش كل شخص متضايق منه أو بتكرهه أو كل اب أو أم كانت قاسيه معاك تبقي "شخص نرجسي"

٢- مش كل تجربه صعبه مريت بيها تبقي "trauma "

٣- العلاقات العاطفيه مبنيه علي تبادل الاحتياجات ... مش لازم كل شخص نبقي محتاجين منه حاجه نسمي العلاقه "حب"

٤- طريق العلاج النفسي و التطور الروحاني مش سهل، و مفيش حد ممكن يمشيه ليك غير نفسك ... بس لما بتمشيه حتلاقي مع الوقت حياتك كلها بتتغير ...للاحسن

٥- الحياه مش صعبه ..ولا سهله ...الحياه زي ما انت عايز تشوفها (و إدراكك ليها ممكن يغير شكلها في عينيك تماما! )

٦- ال "affirmations" مش حيشتغلوا الا لو غيرت طريقة تفكيرك و ادراكك اتغير ...

٧- مش كل مشكله بتمُر بيها معناها أن ربنا غضبان عليك... احنا بنمُر بتجارب علشان نتعلم منها في الحياه و نتطور!

٨- دعاءك لربنا مش مُلزِم ليه، و إجابة دعاءك مش شرط تكون باللي انت عايزه، إنما دائما بالخير ليك

٩- بُعدك عن امك و ابوك و مشاكلك الكتير معُاهم ...بتجيب غضب و تقلبات مزاجية علي المدي القصير، و اكتئاب علي المدي الطويل.

العلاقه مع الاهل هي أهم علاقه في حياتك... و هي النموذج اللي بتجتذب علي اساسه معظم العلاقات التانيه (سواء بالسلب أو الايجاب)

١٠- مش دورك انك تنقذ اي حد في الدنيا... و لا دور اي حد أنه ينقذك ...

ممكن تساعد اي حد او اي حد يساعدك ..إنما ماحدش حينقذ حد، غير نفسه!

١١- انك تروح الهند او انك تروح retreat او تاخد كورسات كوتشينج، او تغير اسمك لأسم هندي بعد ما تخلص كورس اليوجا، مش معناه انك "وصلت" و بقيت "enlightened"...

الموضوع بياخد وقت و شغل علي نفسك ...

و دلالة التطور الروحاني حتبان عليك لما تلاقي عندك سلام نفسي و غضبك اختفي ...

١٢- الموضوع مش سباق علي مين اللي حيوصل الاول ... لو حاسس أنه هو سباق، يبقي انت لسه قدامك شغل كتير علي نفسك !

١٣- اننا اروح ل ٣ أو ٤ معالجين في وقت واحد ، أو اخد كورس كل اسبوع غالبا حيجيب نتيجه عكسيه... لازم ادي لنفسي فرصه اني استوعب اللي انا بستقبله ... الفكره مش في عدد الكورسات أو المعالجين ...الفكره فيك انت و في استيعابك ....

١٤- تشخيص اي therapist او كوتش ليك أو لحد تاني مش معناه أنه صح ... ناس كتيره بتحب تقول كلام كبير ..بس مش كل الكلام صح ...

و حتي لو التشخيص صح، المهم هو التحسن مع العلاج، مش التشخيص!

١٥- مفيش اي therapist أو كوتس او معالج حيبقي معاه عصابه سحريه علشان تخف علي طول ... ساعات التحسن بيبقي سريع، و ساعات بيبقي ابطأ... و ساعات بيبقي مستمر...و ساعات بيبقي بداية التحسن زياده في الالم (بنسميها pains of recovery )... طالما روحت لحد (و سألت عليه ) ادي للعلاج فرصه أنه يشتغل !

١٦- اي علاج بالطاقه، من غير مايكون معاه تغيير في طريقة التفكير و النظره للحياه، غالبا حيبقي علاج وقتي... لازم الوعي يتطور علشان العلاج يجيب نتيجه مستديمه!

١٧- العِبره مش بكام شهاده المعالج اخدها، ولا كام كورس حضره، و لا العبره أنه "بيقول كلام كبير و مصطلحات اجنبيه انت مش فاهمها "... في رأيي الشخصي مهم اني اشوف الناس اللي إشتغل معاهم شكلهم عامل ازاي (بعد شويه) نتيجة الشغل ده ... و هل المشكله اللي عندهم اتحلت و لا لأ نتيجه للشغل ده .... و اهم حاجه، هل انت مستريح نفسيا للمعالج اللي انت رايحله و لا لأ. الراحه النفسيه مع المعالج من الحاجات المهمه جدا في العلاج

و اخيرا

١٨- الحُب كلمه معظم الناس بتقولها علشان تدّي لنفسها مبرر تستمر في اي علاقه مؤذيه ليها ...

الحب مش سبب كافي لأن العلاقه تستمر ...

اهم حاجه في العلاقه هي الراحه (الراحه انك تكون نفسك...من غير خوف أو انتقاد)، و القدره علي انك تتطور في الحياه ...

معظم اللي الناس بتسميه حب، هو شوية تشبيكات نفسيه علي مستوي العقل الباطن ( و ليها علاقه بعلاقتنا مع الام و الاب)

فلو بس علشان بتحبها (او علشان بتحبيه) انت قاعد في العلاقه ...يبقي احسنلك تمشي ... و تشوف ايه سبب "التعلق" ( مش الحب) اللي خلاك تبقي في علاقه زي كده !

#منير_الشاذلي

*Feel free to share

YouTube: Monir El Shazly

Facebook page: Monir El Shazly - Family Constellation

Instagram: monir.h.elshazly.spiritual