“كان احلي وقت في حياتي! “

كلمه بسمعها كتير من الناس و انا بشتغل معاهم… بيوصفوا وقت كانوا فيه صغيرين… او وقت مع حد كانوا بيحبوه و الموضوع خلص.

في معظم الاحيان الناس مابتاخدش بالها من الوقت اللي هم عايشين فيه و الحاجات الحلوه اللي فيه .. و دايما بيدوروا علي حاجه ممكن تحصل في المستقبل ، علشان تخليهم “سعدا و مبسوطين ” . و كتير من الناس دي بتقوللي انهم كان نفسهم حد يقولهم اد ايه هم سعدا ساعتها… علشان يستمتعوا بالسعاده دي قبل ما تروح!.

فكّر في الحاجات الجميله اللي في حياتك و اشكر ربنا عليها… و احمد ربنا علي الناس القريبين منك اللي بتحبهم و بيحبوك… الناس اللي وجودهم لوحده بيجيبلك سعاده… حتي لو ما فيش فلوس و ” مافيش سفر السنه دي علشان الحاجات غليت!.” علّم نفسك تحس بالسعاده قبل ما تروح منك!. ماتأجلش سعادتك لغاية حاجه ممكن تحصل او ماتحصلش….

#السعاده….. دلوقتي

#منير_الشاذلي

#Monir_El_Shazly