عن طلب ربنا ...و الطلب من ربنا !

#روحانيات_صوفيه - عن طَلَب ربنا… و الطَلَب من ربنا!

"من طلب الحقَ وجَده، و من طلب منه، أعطاه و لم يجده". - محيي الدين #ابن_عربي

ساعات كتير بنبقي عايزين حاجات مُعينه من ربنا... حاجات ماديه، حاجات عينيه... صحه، نجاح، فلوس ..و حاجات تانيه كتير... و علي الرغم من أن فكرة الطلب من ربنا فكره مقبوله (لأنه هو الخالق لكل حاجه و المُصَرِّف لكل حاجه)، إلا أن علي المستوي الأعمق، الحاجات اللي بنطلبها من ربنا ممكن تتحول لحجاب بيننا و بينه... و بدل ما نحب نقرب من ربنا لذاته، نبقي عايزين نقرب منه علشان ندخل الجامعه، نشتري العربيه، نتجوز شخص معين ... او حتي علشان ندخل الجنه!.

كل يوم بيجيلي كمية ادعيه مأثوره بمناسبة رمضان، و الفيس بوك اتملي دعوات ... بس يا تري كام واحد كان طالب القُرب من ربنا...و كام واحد كان عايز حاجه من ربنا؟

لو كل حاجه بيننا و بين ربنا هو دعاء و طلب منه، ده بيخللي احتمالية اننا نعرف ربنا معرفه حقه اصعب بكتير ...

فَكّر و انت *بتطلب من ربنا*، انك *تطلب ربنا* نفسه (القرب منه و معرفته لذاته)، لأن المُعطي اهم بكتير من الحاجات اللي بيعطيها!

#منير_الشاذلي

"He who seeks God, finds Him. And he who seeks from God, finds what he seeks, but doesn't find Him!" - #Ibn_Araby

Your prayers and requests for material and non-material things... Or even to go to heaven are legitimate, for God is the creator of everything, and if you need to ask, there's no one but Him to ask from!. However, your requests could may as well act as a veil between you and God, they could stand in the way of truly knowing God!.

Be careful, because the Giver, is more important that what He gives!

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly