عن بر الوالدين !

ايام ما كانت امي عيانه في اخر أيامها هنا ...و كنت بقضي وقت كبير معاها و قاعد تحت رجليها (زي ما بيقولوا) علشان اخدمها ، ناس كتيره كانت بتقول لي أن ده "عمل عظيم"، و اني حدخل الجنه علشان اللي انا بأعمله ده... و كنت بستغرب قوي من الكلام ده ....

لأن اللي انا كنت بأعمله كنت بأعمله بحُب... من غير ما اكون مستني عليه مقابل ...لا في الدنيا ... و لا في الجنه ...

و لو كان اللي انا بأعمله لأمي حيدخلني النار (بدل الجنه)...كنت حأعمله بردو ...علشان انا بحبها ....

مفهوم بر الوالدين اقترن دائما بالرغبه في الجنه، إنما في رأيي هو معناه اني قلبي يكون مفتوح لأهلي ... و عندي شكر و تقدير للي هما عملوه ليا ... و عندي احترام ليهم و لأختياراتهم في الحياه ...

اللي انا عملته لأبويا و امي (سواء كان كبير او صغير) مايجيش اي حاجه جنب اللي هم عملوه ليا ... لأني من غيرهم (و من غير ما ياخدوا بالهم مني و انا صغير) ماكنتش حقدر اعيش ....

هل كان فيه اختلافات بيننا ...طبعا كان فيه ...

هل كان فيه اوقات صعبه و زعل .... كان فيه ....

إنما لما كبرت ..عرفت أن كل حاجه اتعملت ليا ..اتعملت بدافع الحب ...و علي حسب قدرتهم (المعرفيه و النفسيه) ... و ده في حد ذاته ....كفايه جدا 🙏

May their spirits always soar in eternal peace ... And may I always remember them with love ♥️

#منير_الشاذلي

YouTube: Monir El Shazly

Facebook page: @monirelshazlyspiritual

Instagram: @monir.elshazly.spiritual