عن المرأه و المجتمع

فيه رجاله معجبين جدا بحديث (اعتقد انه ضعيف) بيقول ان “الستات ناقصات عقل و دين”. و بيقولوه في كل مناسبه علشان يحقّروا من الستات و ارائهم. لو انت شايف ان الست اللي علمتك ازاي “تخش الحمام” و تمسك المعلقه و انت صغير و كبرتك و ربتك و عرفت منها يعني ايه ربنا و يعني ايه صلاه ….لو انت شايف ان الست دي ناقصة عقل و دين… بيقي يا تري اخبار دينك و عقلك ايه ؟ الناس اللي بتقول #المرأه نص المجتمع…. المرأه مش بس نص المجتمع… المرأه تلات ارباع التربيه.

و حتي في الشغل بتاعي… معظم مشاكل الناس بيبقي الاصول بتاعتها جايه من علاقتهم باهلهم…و خصوصا امهم. المجتمعات اللي مابتحترمش المرأه كلها مجتمعات فيها مشاكل متأصله (لأن المرأه هي اساس التربيه) … و الولاد اللي ماببحترموش #الستات (من وهمّ صغيرين) من الصعب حدأ انهم يطلعوا رجاله اسوياء في تصرفاتهم لما بكبروا. احترموا بناتكم و علموهم انهم مش اقل اهميه من ولادكم و انهم مس مجرد (حتة لحمه) الرجاله عايزاها او حاجه ملفوفه في ورق سوليفان تتحرك من بيت ابوها لبيت العدّل . لو البنت ماعندهاش ثقه في نفسها و في تفكيرها و في اخيتاراتها..ازاي حترّبي اطفال عندهم ثقه في نفسهم. احترموا بناتكم… و خلوهم فخورين انهم ستات !. #منير_الشاذلي #Monir_El_Shazly