عن الاولويات :-)

ناس كتير بيشتكوا من غلاء الاسعار و صعوبة الحياه دلوقتي… و ناس من الكلاينتس بتوعي كلموني و طلبوا مني ما ارفعش اسعاري علشان يقدروا يكملوا الشغل بتاعنا. و فيه ناس تانيين قالولي انهم عايزين ييجوا و بعدين قالولي انهم مش حيعرفوا علشان الاسعار غاليه عليهم و انهم ناويين يأخروا يشتغلوا علي نفسيهم شويه علشان معاهمش فلوس.

الظريف بقي ان فيه ناس كتير من اللي بيشتكوا و بيقولوا كده بيسافروا كل اسبوع الساحل و بيسهروا كل اسبوع مره ولا مرتين( و كلنا عارفين السهر في الساحل عامل ازاي ) و ناس تانيه بيشتكوا من ان اسعار الشنط و الجزم ال designers غليت و انهم بعد ما كانةا بيشتروا الشنطه ب ١٠ او ١٥.. بقت ب ٢٥ و ٣٠ (الف جنيه) كل الكلام ده بالنسبالي كويس.. لأني شايف ان المفروض كل واحد بيعمل اللي شايف انه صح… بس المضحك هنا هو قد ايه الناس حاطّه شغلها علي نفسها في مؤخرة اهتماماتها و بيفضلوا يشتروا شنطه او جزمه او يروحوا يسهروا علي انهم يشتغلوا علي نفسهم و سعادتهم.

المشكله هي ان السعاده اللي بتجيبها السهره او الجزمه هي سعاده لحظيه (لأنها مرتبطه بال ego ) و بتروح اول ما السهره تخلص.. او اول ما الصحاب يشوفوا الشنطه و يقولوا انها حلوه… في مقابل ان السعاده الداخليه هي اللي بتفضل.

الخلاصه ان معظم الناس تعسا و مش مبسوطه من حياتها علشان المجتمع و التربيه مخليانا نبص برّانا علي السعاده و ندور علي حاجات لحظيه علشان تدينا شوية سعاده… رغم ان السعاده (اللي بتفضل) هي السعاده اللي بتيجي من السلام مع النفس…. السعاده اللي من جوا 🙂

#منير_الشاذلي

#Monir_El_Shazly

* ممكن تتابعوا صفحتي Inspired Being… حتلاقوا هناك بوستات تانيه 🙂