عن الأخذ و العطاء في العلاقات !
- Monir El-Shazly
- Nov 20
- 2 min read
كثير من المشاكل اللي بشوفها في الشغل بتاعي بتبقي دايما بسبب اننا مش بنعرف نعمل توازن بين الأخذ و العطاء في علاقاتنا ...
ناس كتيره فاهمه انها لما تدي كتير في أول العلاقه، ده حيخلي الشخص التاني "يقدرهم" و يعوضهم بعد كده ... و طبعا الكلام ده غلط ...تماما ...
بعد الفيديو اللي حطيته قبل كده علي مفهوم العطاء و مشاكل اننا نتعود
ندّي بزياده ...ناس سألتني علي شوية حاجات، احب اوضحها علشان الفيديو ماكانش فيه وقت كفايه لتوضيحها
١- لما كنت بتكلم علي الاخذ و العطاء ، انا هنا كنت بتكلم عن كل العلاقات ماعدا علاقة الاب و الام لأولادهم ...
لأن دور الأهل أنهم يدّوا ..و دور الاولاد أنهم ياخدوا (و يشكروا اهلهم علي اللي اخدوه) ...
كل العلاقات التانيه ...التوازن بين الأخذ و العطاء مطلوب فيها
٢- الافراط اننا نعلم اولادنا أنهم يدوا (علشان مايطلعوش (انانيين) مش حاجه حلوه ...لأنه بيخليهم عُرضه بعد كده لأنهم يدخلوا في علاقات مؤذيه ليهم ...
و طبعا الإفراط في تعليم الاطفال أنهم ياخدوا بيطلع عندهم مشاكل تانيه بردو ...
لازم نعلمهم التوازن في الأخذ و العطاء مع اصدقائهم و مع الناس التانيين
٣- في العلاقات الغير مستمره (الزكاه، الصدقه ...و كل العلاقات العابره ) العطاء حاجه جميله جدا، و العطاء بزياده حاجه هايله ...إنما في العلاقات المستمرة(علاقات رومانسيه، علاقة صداقه ...اخوه ...زماله في الشغل ) ..العطاء الكتير بيعمل مشاكل ...و التوازن مطلوب
٤- ساعات مش بس بيبقي عندنا مشكله في العطاء الزائد، ساعات بيبقي عندنا مشكله في اننا قافلين نفسنا اننا ناخد أو نطلب المساعده! ..و ده بيبوظ العلاقات بعد شويه...
٥- الروح بتبقي عارفه احنا اخدنا ايه و ادينا ايه ...العقل هو اللي دايما بيصورلنا حاجات تانيه
٦- فيه ڤيديو كنت عملته زمان علي قناة اليوتيوب بتاعتي اسمه "مش دايما اننا "ندي اكتر" دي حاجه كويسه في العلاقه " ..حتلاقوه علي القناه
YouTube: Monir El Shazly
YouTube: Monir El Shazly
Facebook page: @monirelshazlyspiritual
Instagram: monir.elshazly
Comments