عن الأحكام في رمضان !

و زي كل سنه

ابتدي يبقي فيه تعاليِ عند بعض الناس اللي بيصوموا علي غيرهم اللي مابيصوموش... علشان اقتناعهم ان "الناس التانيه" دول مذنبين و حيروحوا النار و انهم "اقرب لربنا" منهم علشان صايمين ...

و من الناس اللي مابيصوموش علي اللي بيصوموا... علشان شعورهم انهم كده اتحرروا من معتقدات او شعائر معينه و بقوا progressive ، في الوقت اللي لسه "الناس التانيه" دول اَسري لأفكار معينه قديمه عن الدين و عن الحياه و حتي عن ربنا! 

و طبعا التعالي ده بيمتد لبره رمضان في الحياه العاديه و تلاقي  النباتيين عندهم الشعور ده علي آكلي اللحوم... علي اعتبار ان النباتيين عندهم رحمه و " الناس التانيه" دول  ماعندهومش...

وييجي آكلي اللحوم يبصوا علي النباتيين بتعالي علي اعتبار ان ربنا حلّل اكل اللحوم دي ، و ان "الناس النباتيين دول ناس فاضيه و هايفه" ...

و يفضل مسلسل التعالي من ناس علي ناس و الرد من الناس دي علي الناس التانيه!  ...

انا بس احب اقول ان علاقة الشخص بربنا و بالحياه دي بتاعته لوحده... و مش لازم يفرض علي الناس انها تعمل زيه...

و اختيارات الواحد دي حريه شخصيه و محدش ليه دعوه بيها... لا حد محتاج يتقبلها ...ولا حد محتاج يمشي وراها ...

مش كل حاجه انت شايف انها صح تبقي صح لكل شخص و لكل وقت... 

مهمتك مش انك تهدي الناس ولا انك تحكم عليهم ...

ولا تحط نفسك مكان ربنا و تقرر مين اللي حيخش النار و لا مين حيروح الجنه!

لو انت عايز الناس تقبلك زي ما انت، اقبل "الناس التانيه" زي ما هم...

النقد و إصدار الأحكام علي الناس التانيه ده "شارع رايح، جاي" ..

و التَقَبُل  كمان ...

(إعادة نشر)

* قبل ما حد يقولّي انت ازاي بتقارن بين الصيام "اللي ربنا فرضه" و بين اكل اللحوم و لا اكل النباتات ... احب اقول اني بتكلم في الأحكام و لعب "دور ربنا" بشكل مطلق، و ان اللي استخدمته هنا هي امثله للنوع ده من الأحكام

#خليك_في_نفسك

#منير_الشاذلي

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual