عن أهمية ممارسة التأمل

Monir El-Shazly
May 2
2 min read

عن أهمية ممارسة التأمل ( و ان الواحد يبقي عنده وقت لنفسه! )

On the importance of meditation (and have time for oneself! )

------

كتير لما ناس بتسألني علي نصيحه واحده اديهالهم في حياتهم ...أو حتي في العلاج ...بقولهم يتعلموا يعملوا ميديتيشن (تأمل) !

و هنا مش قصدي guided meditation مره كل اسبوع ، قصدي #meditation يعملوه بنفسهم ..كل يوم ...لمدة نص ساعه علي الاقل ...

و لما الناس بتستغرب ازاي نصيحتي مش انهم يعملوا تقنية #نظام_العائله (family constellation) اللي انا دائما بستخدمها و بنصح بيها كطريقه علاجيه، بقولهم أن ال family constellation كطريقه علاجيه محتاجين يعملوها مع حد ، و مش اي حد...حد كويس و تقيل في المجال ده... و يسيبوا فرق بين كل جلسه جماعيه (مش كل يوم او اتنين يعملوا جلسه) ...

إنما الميديدتيشن ، هم بس محتاجين يتعلموا طريقه كويسه ..و يعملوه كل يوم كأسلوب حياه ...

و ان حتي الناس اللي بتجيلي و بتعمل ميديتيشن ، تطورهم و سرعة استجابتهم للعلاج بتبقي اسرع بكتير !

ناس كتيره دلوقتي بقت بتموت فجأه في سن صغيره ...و ناس بقي عندهم امراض قلب و سكر و ضغط و هم في التلاتينات من عمرهم ...

و ناس كتيره من الناس دي بيبقوا شايلين الهم...أو عندهم حاجات قلقانين منها ...و ناس كتيره منهم عندهم مشاكل في النوم ...

و ناس كتيره كمان سريعي الغضب و بيتنرفزوا من اي حاجه ....

الزعل و الهم و الحزن و الغضب ممكن نقول أنهم بيعملوا stress علي الجهاز العصبي ... اللي بيتحكم في كل الوظائف بتاعة الجسم ...

و كل الدكاتره تقريبا أجمعوا علي خطورة ال stress ده علي حياتنا و علي وظائفها الحيويه ...

و ناس كتيره من الناس المُعَرضه لضغط نفسي عالي في شغلها ( أو بسبب طريقة تفكيرها) بيبقوا اكتر عُرضه للاصابه بالأمراض عن الناس التانيين ...امراض من نوعية

-الجلطات الدماغية و القلبيه

- امراض الشيخوخه المبكره

-الصغط

-السكر

-امراص الغدد

-امراص الجهاز المناعي

-امراض الجهاز الهضمي

-امراض الجهاز التنفسي

- مشاكل النوم

- و زيادة معدلات الوفاه

اللسته مرعبه ..و كل ده بسبب أن الشخص عنده #stress!

بس الفكره أن ال stress ده مش حاجه ممكن نمسكها، هو مجرد طريقه تعاملنا و نظرتنا لحياتنا و لمشاكلنا هو اللي بيعمل عندنا ال stress ده ...