بين التعاطف ..و ال shadow !

في بوست منتشر الايام دي عن أن واحده قالت لمصطفي حسني ان عينيها بتدمع و قلبها بيوجعها لما بتشوف مواقف معينه ...و بتسأل "هل لين القلب بيتاخد عليه اجر؟ "

و كان رده أن دي من صفات اهل الجنه ...و ان فيه حديث عن الرسول بيقول فيه "أن المؤمنين قلوبهم مثل افئدة الطير " ...و ان الناس دي ممكن تعاني في حياتها شويه، إنما حتدخل الجنه من غير حساب ...

ده غير أن كمان فيه بوستات بقالها شويه بتتكلم علي قد ايه الشخص ال empath شخص كويس ..إنما حيعاني في حياته علشان حيفضل يحس بمشاكل الناس و حيفضل دائما متأثر بيها

انا بس احب اقول ان لين القلب و التعاطف ( compassion) دي صفه عظيمه ...و من علامات تطور الوعي أن الشخص تعاطفه مع الناس التانيه و مع الحيوانات و حتي مع النباتات بيزيد ...إنما التأثر الشديد في مواقف معينه بتمر بيها أشخاص تانيه، أو حتي التأثر الشديد في الافلام أو في ردود أفعالنا لقصص بتاعت ناس تانيه ، ده معناه أن المواقف ده بتسمّع عندنا في حاجه محتاجين نشتغل عليها في نفسنا ...

في علم النفس بيسموا ده "الظل"...أو "المنطقه المظلمه" (shadow)، ..و ده ممكن يكون ليه علاقه بتجربه شخصيه مرينا بيها احنا (حتي لو مش فاكرينها) ، أو ممكن يبقي ليه علاقه مرتبطه بنظام العائله عندنا (systemic issue)... و في الحالتين ...دي معناها أن فيه حاجه فينا محتاجين نشتغل عليها ...

ففكرة اني اكون شخص عندي تعاطف (empathy أو compassion ) دي فكره هايله ...إنما فكرة اني اكون بتأثر بشكل كبير في مواقف معينه ...دي حاجه تانيه خالص ... و محتاج ابص عليها 😊

#منير_الشاذلي

YouTube: Monir El Shazly

Facebook page: Monir El Shazly - Family Constellation

Instagram: monir.h.elshazly.spiritual