الشتيمه في السر !

ناس كتيره مبسوطه من "الفتوي" دي ...

طبعا انا متخيل أن الكلام ده جزء مقطوع من فتوي..او تحريف لفتوي ...لأن لو دي فتوي لدار الإفتاء تبقي "كارثه" في رأيي ...

"ان الله لا ينظر إلي اجسامكم، ولا الي صوركم... و لكن ينظر إلي قلوبكم!" - حديث شريف

فكرة اني اشتم في سِري ممكن تكون احسن من اني اشتم الناس في العَلَن و تقوم خناقه... و لكن ده مش معناه أن دي حاجه "مفيش فيها مشكله" ... او انه فِعل "عادي" ...

مفهوم "طالما ما حدش شايفك إعمل كل حاجه في السر" ده سبب في كتير من الامراض المجتمعيه اللي احنا عايشينها، و سبب لظهور تدين ظاهري بديلا للتدين الحقيقي ...

طبعا ده غير أن واحده من اول الخطوات للإنسان اللي عايز يرتقي و يتطور روحانيا، أنه ماينفعش يشوف الناس أقل منه، او يشوف نفسه "احسن" من الناس التانيين (مش يشتمهم كمان)... حتي لو دار الإفتاء قالت غير كده !

الاحترام، مش بس احترام خارجي ...الاحترام بيبتدي من القلب !

YouTube: Monir El Shazly

Facebook page: Monir El Shazly - Family Constellation

Instagram: monir.h.elshazly.spiritual