أهمية الميديتيشن!

Monir El-Shazly
May 2, 2023
2 min read

كتير لما ناس بتسألني علي نصيحه واحده اديهالهم في حياتهم ...أو حتي في العلاج ...بقولهم يتعلموا يعملوا ميديتيشن (تأمل) !

و هنا مش قصدي guided meditation مره كل اسبوع ، قصدي #meditation يعملوه بنفسهم ..كل يوم ...لمدة نص ساعه علي الاقل ...

و لما الناس بتستغرب ازاي نصيحتي مش انهم يعملوا تقنية #نظام_العائله (family constellation) اللي انا دائما بستخدمها و بنصح بيها كطريقه علاجيه، بقولهم أن ال family constellation كطريقه علاجيه محتاجين يعملوها مع حد ، و مش اي حد...حد كويس و تقيل في المجال ده... و يسيبوا فرق بين كل جلسه جماعيه (مش كل يوم او اتنين يعملوا جلسه) ...

إنما الميديدتيشن ، هم بس محتاجين يتعلموا طريقه كويسه ..و يعملوه كل يوم كأسلوب حياه ...

و ان حتي الناس اللي بتجيلي و بتعمل ميديتيشن ، تطورهم و سرعة استجابتهم للعلاج بتبقي اسرع بكتير !

و جت وفاة الممثل #مصطفي_درويش (عن عمر ٤٣ سنه) علشان تأكد أهمية كلامي ده !...

غير أن الناس كانت بتتكلم علي قد ايه كان انسان طيب و خيّر، ناس قريبه منه قالت إنه كان حزين و مهموم في آخر أيامه و مش عارف ينام من كتر الزعل ...

الزعل و الهم و الحزن ممكن نقول أنهم بيعملوا stress علي الجهاز العصبي ... اللي بيتحكم في كل الوظائف بتاعة الجسم ...

و كل الدكاتره تقريبا أجمعوا علي خطورة ال stress ده علي حياتنا و علي وظائفها الحيويه ...

و ناس كتيره من الناس المُعَرضه لضغط نفسي عالي في شغلها ( أو بسبب طريقة تفكيرها) بيبقوا اكتر عُرضه للاصابه بالأمراض عن الناس التانيين ...امراض من نوعية

-الجلطات الدماغية و القلبيه

- امراض الشيخوخه المبكره

-الصغط

-السكر

-امراص الغدد

-امراص الجهاز المناعي

-امراض الجهاز الهضمي

-امراض الجهاز التنفسي

- مشاكل النوم

- و زيادة معدلات الوفاه

اللسته مرعبه ..و كل ده بسبب أن الشخص عنده #stress!

بس الفكره أن ال stress ده مش حاجه ممكن نمسكها، هو مجرد طريقه تعاملنا و نظرتنا لحياتنا و لمشاكلنا هو اللي بيعمل عندنا ال stress ده ...