Untitled

انا من الناس اللي غالبا بتبقي ماشيه في الشارع و بتوزع ابتسامات علي العمال اللي في المحلات...و الناس اللي ماشيه لما تيجي عيني في عينهم.

و علي الرغم من أني دايما بلاقي الناس بتقابلني بإبتسامه لما بعمل كده، انما بقالي كتير شايف الناس علي طول مكشره و متجهّمه في كل حته بروحها ...

قلت يمكن زحمة القاهره و الحياه الصعبه هي السبب...بس حتي لما بطلع بره القاهره دلوقتي ...المصريين كلهم مكشرين و غضبانين كأن عليهم "غضب الالهه".

حاجه تحزّن علي شعب كان بيطلق عليه "ابن نكته" و كان معروف زمان بالبشاشه!

انا عارف ان الدنيا بقت صعبه، و أن الظروف المعيشية مخليه الناس شايله الهم علي طول...

بس تفكيرنا في مشاكلنا و تكشيرنا في وش بعض مش حيحسّن من حياتنا...

مصر مرت بأزمات اقتصاديه كتير قبل كده، و العالم تاريخه مليان مشاكل و حروب و اوبئه... أنما المصريين كانوا مختلفين ....

ابدأ بنفسك...

"تَبَسّمَك في وجه اخيك صدقه!"

If you meet one without a smile, give him one of yours!

#منير_الشاذلي

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual

*Photo credit: Louie Armstrong