Support your children!

Monir El-Shazly
Jul 4, 2024
1 min read

خليكم في صف أولادكم!

-----

ساعات في شغلي بقابل "بنات" أو ستات تم استغلالها جنسيا (أو ماديا) خوفا من "الفضيحه"...

و حتي "اولاد" حصلهم تحرش و هم صغيرين و خافوا يتكلموا مع أهلهم.

لما البنت تحس ان خوف أهلها من "الفضيحه" حيبقي اهم و اكبر من خوفهم عليها و حبهم ليها، حتضطر انها تخبي و يتم الاعتداء (او التحرش بيها) او استغلالها بأشكال كتيره.

بلاش نستخبي تحت شعارات اننا مجتمع متدين، و ان دي حالات قليله، نسب التحرش للبنات (و الاولاد كمان) اللي بشوفها في شغلي نسب مرتفعه جدا و بتبين قد ايه احنا مجتمع هش و بيدفن رأسه في الرمل!

نصيحه لكل ام و اب، بدل ماتربوا ولادكم و بناتكم علي الخوف من كلام الناس و "الفضيحه"، عرفوهم انكم بتحبوهم و أن مصلحتهم هي الأهم عندكم (و خلوا اولوياتكم واضحه ليهم في الموضوع ده )...

و لكل بنت (او ولد) تم #التحرش بيها، "الفضيحه" مش في اللي حصل، "الفضيحه" في السكوت عليه ...و أننا نسيبه يحصل و يستمر لينا و لناس تانيه !.

#خليك_في_صف_اولادك

#منير_الشاذلي

*إعادة نشر

*في ڨيديوهين عاملهم علي الكلام ده في القناه بتاعتي علي يوتيوب بعنوان "التحرش" . حتلاقوا اسم القناه في اول رابط

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual