Start with yourself !

انا من الناس اللي غالبا بتبقي ماشيه في الشارع و بتوزع ابتسامات علي العمال اللي في المحلات...و الناس اللي ماشيه لما تيجي عيني في عينهم.

بس بقالي كتير شايف الناس علي طول مكشره و متجهمه في كل حته بروحها ...

قلت يمكن زحمة القاهره و الحياه الصعبه هي السبب...بس حتي دلوقتي لما بطلع بره القاهره ...المصريين كلهم شكلهم مكشر و غضبان .

الاجانب بس هما اللي شويه بيبتسموا (بس مش كلهم)...إنما المصريين عليهم "غضب الالهه".

حاجه تزعّل علي شعب كان بيطلق عليه "ابن نكته" و كان معروف زمان بالبشاشه!

انا عارف أن الحياه بقت صعبه علي ناس كتير ...بس ممكن نساعد بعضنا شويه... لو كل واحد بص في عين التاني و ابتسم في وشه ...ده حيساعد كتير ....

"تبسمك في وجه اخيك صدقه!"

ابتدي بنفسك ....

Start with yourself!

If you meet one without a smile, give him one of yours!

YouTube: Monir El Shazly

Facebook page: @monirelshazlyspiritual

Instagram: Monir.elshazly