On my views !

بألاقي ناس كتيره من اصدقائي أو الناس اللي عاملالي follow و متابعينّي علي Facebook، بيزعلوا و بيتأثروا لما ساعات بأكتب بوستات مش متماشيه مع قناعاتهم الشخصيه او وجهات نظرهم في الدين، في الحياه، او حتي في وجهة نظرهم عنّي أو عن "المفروض" اني اكتبه 😊.

و ناس منهم حتي بيكلموني علشان اغير الكلام اللي قولته أو اشيل بوستات انا حاطتها ..علشان في وجهة نظرهم حتخلي "شعبيتي تتأثر" أو "حتبوّظ الصوره بتاعتي" قدام الناس اللي متابعاني ...

انا بس احب اقول ان أي كلام انا بقوله أو بوست انا بأعمله هو ناتج عن رأيي الشخصي (اللي مش محتاج حد أنه يتفق معاه أو يختلف معاه). تعبيري عن رأيي الشخصي و قناعاتي مش مُلزِم لأي حد أنه يقتنع بيه أو يعجبه، ولا انا بحاول اني اقنع بيه اي حد، أو ادخل فيه في أي جدال، زي ما تعبير اي شخص عن قناعاته مش مُلزم ليا اني اتفق معاه.

انا مش المفروض اني أعبّر او اكتب حاجات تخلي الناس تحبني أو تتماشي مع الموجه السائدة في التفكير، انا بأكتب اللي شايف انه صح (بناء علي معرفتي و ووعيي في الوقت ده)، مش بناء علي "المفروض" يتقال ولا علي ال trend السائد في الفتره... و ارائي دي ممكن تتغير لو وعيي اختلف او لو قناعاتي اتغيرت... إنما طول ما انا بأكتب حاجه، ف ده معناه اني مقتنع بيها ساعتها و ملتزم بالكلام اللي بقوله!

و لما حد بيعترض علي كلامي، فده من حقه، طالما كان بأسلوب مهذب ، و لما حد بيسألني، بحاول ارد عليه (لو فعلا كان عايز يعرف فعلا، مش سؤال استنكاري )، انما بردو مش دايما بأقدر ارد علي كل الناس اللي بتبعتلي علشان ضيق الوقت ...

جميل ان ناس تتابعني و تقول إن ارائي أو بوستاتي بتعجبها، بس انا لا بحاول اجمع followers ولا بحاول اظهر بشخصيه غير طبيعتي أو اتبني اراء مش مقتنع بيها... و اتفاق ناس معايا في اراء معينه، و اختلافهم في اراء تانيه دي حاجه طبيعيه و جميله ...طول ما فيه احترام للحريات و لأسلوب التعبير.

و لو ارائي في يوم من الايام ما عجبتش حد، يبقي

Live and let live 😉

صباحكم سعيد و جميل

(إعادة نشر)

YouTube: Monir El Shazly

Facebook page: @monirelshazlyspiritual

Instagram: monir.elshazly.spiritual