On attachment , detachment and letting go!
- Monir El-Shazly
- Jun 7, 2023
- 2 min read
عن التعَلّق و الزُهد و التَخَلي!
--------
ناس كتير اتكلمت معايا عن مفهوم #التخلي (giving -up) … و لاحظت ان فيه ناس حاسه ان عكس #التعلق (#attachment) هو التخلي … و ده في وجهة نظري مش تعريف دقيق!
التعلق (attachment) في وجهة نظري هو انك تتعلق بحاجه و تبقي نفسك تفضل موجوده علي طول ..بنفس الشكل و بنفس الكيفيه. او انك تربط سعادتك بحاجه حصلت او حتحصل ( او شخص طبعا) … و طبعا في رأيي دي هي “وصفة التعاسه في الدنيا!” 😀
فيه ناس بتفتكر ان التعلق دليل علي #الحب… بس في الحقيقه ، التعلق دليل علي #الخوف، الخوف علي الذات و الخوف من الفقدان (و ده دائما ليه علاقه بالأم.... و هو ابعد مايكون عن الحب.
من ناحيه تانيه #عدم_التعلق (#detachment ) (و ده ممكن نسميه #الزهد علي الرغم ان في رايي ان دي تسميه ممكن ناس كتير تخلط بينها و بين عدم الاهتمام و الاهمال) ، عدم التعلق معناه انك تحب الحاجه و تستمتع بيها ، بس من غير ما تبقي عايز تملكها او عايز انها تفضل علي طول و من غير ما حُبَك للحاجه ينسيك نفسك . هو حب من غير شروط او خوف... حب مافيهوش احساس بالسيطره او الامتلاك…. و استمتاع باللحظه من غير مايكون فيه خوف من ضياعها او انتهائها.
و احسن تعريف للزهد في رأيي هو كلام الامام علي بن ابي طالب عنه : ” ليس الزهد ان لا تملك شيئا ، ولكن الزهد ان لا يملكك شئ”.
اما عن التخلي (giving up and letting go) فده معناه في رأيي انك تسيب حاجه مش مفيده ليك دلوقتي. ممكن كانت مفيده ليك زمان…انما جه الوقت اللي لازم تسيبها فيه. ممكن التخلي يكون عن حاجه انت بتحبها، أو شخص كان في حياتك و ممكن يكون عن فكره انت متصورها او عن هدف انت كنت عايز تحققه بس نظرتك ليه اتغيرت.
و في رأيي المسميات مش مهمه ، علي قدر ما مهم أننا نعرف أن احسن طريقه للاستمتاع بالحياه و بالنعم بتاعت ربنا، اننا مانمسكش فيها ... نستمتع بيها .. من غير ماتخاف انها تمشي… لأنها حتمشي… و حييجي حاجه غيرها نستمتع بيها بعد كده ...
(و ماننساش نشكر ربنا عليها لما تيجي…. و عليها لما تمشي 🙏
(إعادة نشر)
YouTube: Monir El Shazly
Facebook page: @monirelshazlyspiritual
Instagram: monir.elshazly.spiritual
Commentaires