Family constellations practices !
- Monir El-Shazly
- May 20, 2023
- 2 min read
لاحظت في الفتره الاخيره أن ناس كتيره عملت جلسات بتقنية أنظمة العائله (او #familyconstellations ) مع ناس مختلفه (سواء في مصر او بره مصر)، و جم بعد كده قالولي "أنهم حسوا أنهم احسن بعد السيشن، إنما ماحسوش بتأثير كبير بعد كده"...و ان التغيير اللي "كانوا متخيلين أن ال constellation حتعمله ، ماحصلش!"...
انا بس حابب أوضح شوية نقط ليها علاقه بموضوع ممارسات ال family Constellations (مش بس في مصر، و لكن في العالم)
١- ال family Constellations ممكن اعتباره تقنيه من تقنيات العلاج النفسي ، و هي (و ان كانت تقنيه عظيمه جدا في رأيي) الا أنها مش علاج ساحر ... و لازم الكلاينت (طالب العلاج) يتحمل مسئولية حياته و قراراته، انما فكرة أن انا حروح اعمل constellation سيشن و كل حاجه حتبقي تمام، دي فكره طفوليه، و غير واقعيه... و مابتأديش لأي تغيير في وعي طالب العلاج .
و حتي اللي اتفرج علي شغل Bert Hellinger (مؤسس التقنيه دي) أو حضر ليه اي سيشن، حيعرف أن الجانب الأساسي في التحسن، مرتبط بطالب العلاج
٢- ساعات كتيره ال constrllator /space holder / المعالج بالتقنيه دي بيحس بحاجات أو بيبقي عنده insights عن اساس المشكله ممكن يبقي ايه، إنما ده مش معناه أن الحاجات اللي هو حاسسها دي حقيقه... و دور المعالج أنه يختبر الحاجات اللي هو حاسسها دي في السيشن ، و بعدين علي أرض الواقع ...
لأن مش كل ال insights اللي بيحسها المعالج صح، و لا كل حاجه هو عارفها محتاج يقولها (حتي لو كانت صح)... و ده مش كلامي ..ده كلام Bert نفسه !
٣- التقنيه دي هدفها أن الشخص يعرف حاجات عن نفسه علشان يطورها و يبقي عنده سلام نفسي ...مش هدفها اني "اشوف حاجات أو اعرف حاجات عن الناس اللي في السيستم بتاعي أو بتاع ناس تانيين" " ..أو اني "افتح المندل" ... لو عايزين نكشف المستور أو نعرف اسرار ...يبقي ده مش family constellation..و لا ده اللي Bert اخترع التقنيه دي علشانه!
٤- ال constellation مش أساسها أن المعالج يشوف حاجات، أو أن ال representative يحس بحاجات و هو في ال field...
فيه اساسيات اسمها orders of love ...اتكلم عنها Bert كتير في شغله ، من غير ما المعالج يعرف ال orders of love (اللي ممكن نعتبرها قواعد ال constellation )، اي شغل constellation حعمله، مش حيساعد... و ممكن يضر ...
٥- الconstellation هي تقنية علاج، إنما مش سحر... بمعني ان
لو انت عندك مشكله في شغلك مع مديرك...ممكن يكون السبب ال systemic بتاعها مشكله مع باباك، و ممكن تتحل عن طريق التقنيه دي، إنما لو فضلت تروح الشغل كل يوم متأخر ، و تلعب games علي الموبايل، و تقول أنا عملت constellation و كل حاجه حتبقي تمام... حتترفد 😁
تاني ...ال constellation مش سحر ولا حاجه حنعملها و كل حاجه بعدها حتبقي تمام (لو كانت الحياه كده كان حيبقي فيلم كوميدي ! )، ال constellation ده علم، و زي ما محتاج ان يكون المعالج بالتقنيه دي كويس ، زي ما طالب العلاج لازم يكون عنده الالتزام و تحمل المسئوليه اللي عليه في العلاج ...
اتمني أن كلامي ده يكون واضح ، لأني قريت و سمعت عن ممارسات كتيره تحت اسم ال family constellation و هي بعيده جدا عن اساس الشغل اللي عمله Bert Hellinger... لدرجة أن فيه حد جالي و قالي أنه عمل سيشن بره مصر و وصفلي ايه اللي حصل ...و الموضوع كان أشبه ما يكون بمسىحيه هزليه ...مش تقنية علاج !.
YouTube: Monir El Shazly
Facebook page: @monirelshazlyspiritual
Instagram: monir.elshazly.spiritual
Comments