Family constellation!

Monir El-Shazly
Nov 22, 2022
3 min read

بعد المسلسل التركي #anothet_self، ابتدت تقنية النظام العائلي (family constellation ) تاخد شهره كبيره جدا في مصر و الوطن العربي ...

و ابتدت ناس كتيره تدوّر علي الناس اللي بتعمل كده في مصر علشان يروحوا ليهم ، و ناس كتيره كلمتني علشان ياخدوا معايا مواعيد أو علشان يسألوني علي التقنيه دي، ناس منهم بدافع الفضول ...و ناس بدافع أنهم فعلا عايزين يستخدموا التقنيه دي علشان يتعالجوا ...

و بما اني بأستخدم التقنيه دي من سنين و عندي تقدير كبير جدا ليها ...احب بس اوضح شوية نقط مهمه للناس اللي عايزه تستخدمها في العلاج:

١- التقنيه دي في رأيي هي واحده من اقوي و أعمق طرق العلاج النفسي اللي انا شوفتها و درستها ... لدرجة أن ناس من الناس اللي جاتلي كان معاها ماجستير في العلاج النفسي، و بعد ما جاتلي قررت تدرس constellation علشان لقت أنه بيوفر ليهم معرفه لأسباب امراض ، الطرق التقليديه كانت دائما مش عارفه تفسرها و لا تقدم حلول ليها

٢- التقنيه دي، زيها زي اي تقنية علاج مش عصايا سحريه حنشاور بيها علي الشخص و يبقي كويس ...الجزء الاكبر من نجاح أي طريقة علاج هو مسئولية طالب العلاج و رغبته و نيته أنه يشتغل علي نفسه !

٣- الطريقه دي، زي طرق علاج نفسي كتيره، مش سهل أن حد يتقنها بمجرد أنه يكون درس كورسات أو حضر جلسات ... دي محتاجه شغل جامد علي النفس من ممارسها، قبل ما يشتغل علي الناس و يبقي شغله فيه فائده ليهم.

٤- في طرق لتطبيق التقنيه دي، أشهرهم هو ال group constellation زي ما ظهر في المسلسل في معظم المشاهد ... و فيه كمان ال one to one (زي ما ظهر في مشهد واحد في المسلسل) و هنا بنستخدم ورق أو عرايس أو بلوكات خشب او اي ادوات تانيه ...

كل طريقه ليها مميزاتها عن التانيه، و ليها عيوبها...

٥ - و دي نقطه مهمه جدا، مش شطاره اني اروح اعمل group constellation كل اسبوع، أو اروح لكذا واحد ورا بعض علشان اشوف مين فيهم اللي نفع معايا!. #Bert_Hellinger (مؤسس الطريقه دي ) نفسه كان لما بيشتغل علي حد، بيقوله روح و ماتجيليش قبل ٣ شهور و ساعات ٦ شهور .

ففكرة اني اهري نفسي constellations حتي لو ك representative مش issue holder فكره مش صح في وجهة نظري. لأن السيستم بتاعي محتاج وقت علشان يهضم اللي هو اخده .... نفس فكرة اني لو اكلت محتاج اخد وقتي في الهضم قبل ما اكل تاني

٦- التقنيه دي علشان هي بتورينا عالم ممكن مانكونش واخدين بالنا منه، ممكن تبقي very addictive.

علشان كده فيه ناس كتيره بتروح ك issue holder ...ساعات بدافع المساعده (للناس التانيه )، و ساعات بدافع أن التجربه عامله زي التمثيل كده ...

الفكرة أن السببين اللي ذكرتهم دول غالبا بيضروا اكتر ما بينفعوا بس ده موضوع شرحه طويل... ف خلوا بالكم من فكرة اني كل شويه اروح أخصر جلسة constellation ... ده مش دايما مفيد ...

٧- في وجهة نظري، فيه معالجين كويسين جدا بالتقنية دي في مصر ... و فيه ناس كتير انا ما اقدرش اقول لناس يروحوا ليهم ...

النسبه الاولي قليله، و النسبه التانيه هي الأكثر .

علشان كده في رأيي ، لو حد عايز يروح، لازم ياخد رأي حد يكون راح و مش بس عجبه المعالج، المهم يكون التحسن ظهر عليه ...و لمدة كبيره مش بس ظهور مؤقت

٨- و دي اهم نقطه، اللي احنا ممكن نكتشفه في ال constellation ، ما ينفعش نتعامل معاه علي أنه "حقيقه مؤكده"، لازم نتعامل معاه ك فرضيات محتاجين نختبرها.

ناس كتيره بييجوا يقولولي أنهم عملوا constellation و لقوا أنهم حسوا أو أن ال constellator قالهم ان سبب المشكله ان حد مات في العيله عندهم ، أو أن كان ليهم توأم مختفي ...أو أن حصلتلهم trauma و هم صغيرين أو حتي أن حد عملهم عمل ... الكلام ده حتي لو ظهر في ال constellation ، مش معناه أن دي حقيقه، إنما احنا بنختبره، و اللي بيعرفّنا أنه حقيقه أو لأ هو هل الشخص اتحسن بعد الشغل معاه، و لا لأ.

إنما افتراض أن اللي احنا شوفناه (أو حسيناه) ده حقيقه بيعمل مشاكل كتيره ...

اللي علموني الكلام ده (و معظمهم من تلامذة برت هيلينجر نفسه أو تلامذة تلامذته) كانوا دائما بيتعاملوا مع ال findings بتاعة ال constellation انها فرضيات ، و عمرهم مابيقولوا للشخص ...انت اكيد حصلك كذا أو كذا ...

كمان كمعالج بالتقنية دي، فيه حاجات ممكن اقولها، و فيه حاجات لو قولتها حتبقي مضره للشخص اكتر ما حتنفعه ، خصوصا لو بتمس ناس بيحبهم و ممكن تعمل عنده احكام عليهم ...

اتمني أن الشرح ده يكون مفيد للناس اللي بتروح و الناس اللي عايزه تروح...

#منير_الشاذلي

#family_constellations

#familyconstellation

#familyconstellations

#systemicconstellations

#systemic_coaching

#constellation_therapy

#familyconstellationtherapy

#وقوف_عائلي

#الوقوف_العائلي

#النظام_العائلي