Be careful of what you focus on!
- Monir El-Shazly
- Feb 8, 2024
- 1 min read
بمناسبة غلاء الأسعار و صعوبة المعيشه (و كمان استمرار اللي بيحصل في غزه)، كم الطاقه السلبيه اللي بقي موجود في كل حته مابقاش طبيعي... كل ما اتكلم مع حد أو اقعد في قعده، الاقي المواضيع دي اتفتحت و الناس ابتدت تشتكي ... لدرجة اني لاحظت أني بقيت بدون ما اخد بالي ادخل في الحوارات دي و "اتكلم عن ايام الرخص و الحياه اللي كانت سهله و السفر اللي كان متاح في أي وقت! " ... و طبعا بدون ما اخد بالي مودي العام اتأثر، و بقيت "مقريف"... علي عكس طبيعتي ! ..
.
خلوا بالكم انك ماتدخلوش في حوارات كتيره من النوع ده، و ماتتكلموش طول الوقت عن الحاجات اللي مضايقاكم، لأن ده حيأثر عليكم بشكل سلبي و حتلاقوا نفسكم مش طايقين نفسكم ..و لا حياتكم ...النوع ده من الحوارات رغم أنه يبان أنه بيساعد...إنما ضرره اكتر بكتير من نفعه ....
هل معني كده أني اعيش في الوهم و أتخيل ان الحياه كلها بقت ورديه ؟ ..اكيد لأ ... إنما اختار اركز تفكيري علي ايه ...و نوع الحوارات اللي ادخل فيها، و نوعية الطاقه اللي ابقي حواليها ..
لأن من الحكمه اني اركز علي الحاجات اللي بحبها ...و ما احطش تركيزي علي الحاجات اللي بتضابقني أو بتأثر عليا بشكل سلبي ..
خلوا بالكم .... النوع ده من الفضفضه...مؤذي جدا !
YouTube: Monir El Shazly
Facebook page: @monirelshazlyspiritual
Instagram: monir.elshazly.spiritual
Comments