Of suffering and peace !

بدل ما تضيّع حياتك متضايق من اللي بيحصل، و تضيع وقتك تفكّر ان حياتك كان "المفروض" تكون مختلفه، جرّب تبُص علي الحاجات الحلوه في حياتك دلوقتي، و تركّز في اللي ممكن تعمله علشان تستمتع بحياتك اكتر...ابتداء من "اللحظه دي" ... مش من بكره!

لما تشكر ربنا، حتلاقي ربنا بيديك حاجات اكتر علشان تشكره عليها!

#منير_الشاذلي

" كل معاناتك في الحياه جايه من انك عايز حاجه مختلفه عن اللي عندك.

لو بطلت كده، كل معاناتك حتقف! " #وين_داير

"Your suffering comes from needing things to be different...when you stop that, your suffering stops" - #Wayne_Dyer

Instead of wasting your energy on thinking things SHOULDN'T be what they are... try looking at all the good things you maybe blessed with now, and keep your energy focused on how you can enjoy your #life more... starting #now!.

When you count your blessings, other blessing with find you !

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly

لام شمسيه

بعد الحلقه الاخيره الجميله من مسلسل #لام_شمسيه و بعد ما الناس استريحت أن الجاني ( الممثل الرائع #محمد_شاهين ) اخد عقابه، و ان الطفل يوسف (#علي_البيلي) تعافي من التجربه الصعبه اللي مر بيها ...فيه شوية حاجات ظهرت في المسلسل و احب اوضحها اكتر

.

١- كل جاني هو شخص كان مجني عليه في الأساس، و رغم أن المسلسل ما دخلش قوي في قصة وسام (محمد شاهين) و علاقته بأبوه و أمه (غير أن أمه كانت سايباه و ابوه كان شخص عنده نزعه ساديه ) ، إلا أن وسام و سلوكه هو نتيجه لحاجه حصلتله هو نفسه، و ماقدرش يتعامل معاها و يتعافي منها كطفل ، و أثرت علي أنه يسلك السلوك ده لما كبر

٢- دور الأم في حياة الأطفال هو دور محوري دايما، و لو ماكنتش #امينه_خليل اخدت بالها من يوسف (رغم أنه مش ابنها البيولوچي في الأساس) كل القصه دي ماكانتش حتشوف النور .

و من خبرتي في مجال الصحه النفسيه، الاطفال ( و المجني عليهم في قضايا التحرش بصفة عامه) ، دائما بيبقوا محتاجين يروحوا للأم و يحكولها، و لما الام بتسمع، و بتوفر الدعم المناسب، قدرة المجني عليه أنه يتعافي من اللي مر بيه، بتبقي اعلي بكتير .

إنما لما الام بتبقي أضعف من أنها تاخد موقف، أو لما الطفل بيحس أن الأم مش حتسمعه، أو أن اهتمامها بكلام الناس (و الفضيحه) اكبر من اهتمامها بيه و بسلامته النفسيه، ده بيخلق نوع من عدم الثقه بين الطفل و أهله، و ممكن يؤدي لأن الطفل يبقي جاني بعد كده بشكل أو بأخر ...

و ده الفرق بين اللي عملته ام يوسف و مقدمة الرعايه الاولي ليه (امينه خليل) ، و أمه البيولوجيه #اسيل_عمران ( في اخر المسلسل) مع يوسف، و بين اللي عملته ام وسام ( #صفاء_الطوخي) لما ابنها مالقهاش جنبه و هو صغير ، ولا لقاها جنبه و هو كبير (لما راحلها في الحلقه الاخيره و خبط علي الباب و رفضت تفتحله )...

دور الأم دور أساسي في التربيه، و في الصحه النفسيه للاطفال ..و علشان كده #توعية_المرأه و احترام مكانتها في المجتمع ده شرط أساسي لأي مجتمع سوي .

٣- وجود الاب و قربه من اولاده ( سواء كان الام و الاب مع بعض أو منفصلين) بيدّي للاولاد شعور بالدعم بشكل اكبر و مختلف عن الأم ... و الاولاد اللي بيبقوا مش قريبين من باباهم تحديدا بيبقوا أكثر عرضه للتنمر من الاولاد التانيه، و قدرتهم علي انهم "يقولوا لأ" لأي حاجه "مش مريحه" بيحسوا بيها بتبقي اقل من لو كانوا قريبين من باباهم...... زي ما زمان كانوا بيقولوا "الأب ظهر " ...

٤- رغم أن المشكله اللي عند وسام في المسلسل ماخليتهوش يتحرش ببنته زينه (#ياسمين_العبد) ، إلا أن فيه أنماط تانيه من التحرش (جسديه أو عاطفيه ) ممكن تحصل بين الأب و بنته، أو بين الام و ابنها ... بس ده ممكن نتكلم عنه في مره تانيه

٥- دور #علي_قاسم كمعالج نفسي كان دور محوري في المسلسل، و رغم صغر مساحة الدور، إلا أن علي قاسم أداه بشكل رائع في وجهة نظري ...و فيه تفصيله صغيره هنا، و هي أن دور الطبيب أو المعالج النفسي مش أنه يقوم بدور الام أو الاب، إنما أنه يساعد الام و الاب أنهم يفهموا نفسية طفلهم، و يساعد الطفل أنه يقرب من ابوه و أمه ... للاسف بعض المعالجين بيقعوا في فخ أنهم يبتدوا يحكموا علي الام و الاب، و يشوفوا نفسهم احسن من الام و الاب ...و ده بدل ما بيقرب الطفل من ابوه و أمه ، بيبعده عنهم اكتر، و ساعتها الطفل بيبتدي يشوف المعالج النفسي بديل افضل من امه او ابوه، و ده اللي بنسميه في علم النفس "التبديل " . و علي فكره ده مش بس بيحصل للاطفال في علاقتهم مع المعالج النفسي ، إنما بيحصل كمان للكبار...

مش دور المعالج أنه يحكم علي الام أو الاب، دوره أنه يساعد الطفل أنه يقرب من ابوه و أمه ... و نفس الكلام ينطبق علي البالغين...

٦- حتي لو الام أو الاب ماكانوش مهيئين نفسيا أنهم يخلفوا ( زي ام يوسف في المسلسل، أو ماقاموش بدورهم كفايه (زي ابو يوسف #احمد_السعدني في بداية المسلسل ) الا أن احسن وقت نقوم فيه بدورنا و نقرب من اولادنا هو "دلوقتي".... علاقتنا بالأطفال ممكن تتغير بشكل كبير، لو واجهنا نفسنا و قررنا ناخد خطوه و نتحمل مسئوليتنا و نقوم بدورنا كأم أو أب ... علي حد استطاعتنا ...

٧- مفيش عائله مثاليه في الدنيا، و مفيش ام و اب مثاليين، إنما فيه ام و اب اشتغلوا علي نفسهم و اتعافوا من صدمات أو مشاكل مروا بيها، و فيه ام و اب ماعملوش كده ...

الاولاد دائما مرتبطين بأهلهم (علي مستوي العقل الباطن و علي مستوي العقل الواعي) و المشاكل اللي الاهل مابيحلوهاش في حياتهم ، أولادهم لازم بيتأثروا بيها ...

علشان كده دايما لما الناس بتسألني ايه احسن حاجه يعملوها لأولادهم، بقولهم أنهم يشتغلوا علي نفسهم و يتعافوا من مشاكلهم (و خصوصا علاقتهم بأهلهم)... و ده مش بس بيساعد في علاقتهم بأولادهم، إنما كمان بيحرر الاولاد من أنهم يشيلوا حاجات أو مشاكل في حياتهم، كنوع من أنواع الولاء لأهلهم و لطريقة حياتهم ...

احسن حاجه ممكن تعملها لأولادك، انك تشتغل علي نفسك !

*فيه فيديوهين ليا عملتهمش قبل كده علي التحرش، حتلاقوهم علي قناة اليوتيوب بتاعتي

#منير_الشاذلي

YouTube: Monir El Shazly

Facebook page: @monirelshazlyspiritual

Instagram: Monir.elshazly

عن الموت و النهايات

#روحانيات_صوفيه - عن الموت و النهايات !

"في اليوم الذي أموت فيه، لا تقولون أنه رحل... #الموت ليس له علاقة بالرحيل.

الشمس تغرب، و القمر يغيب ولكنهما لا يرحلان.

الموت هو لقاء في مكان آخر.

بذرة الإنسان تنغمس في الأرض،

مثل الدلو ينغمس في البئر ليأتي معه بالمياه (التي تتسبب في #الحياه)

المركب تغيب عن نظرك و انت علي الشاطئ، لتظهر علي الفور للناظرين في شاطئ آخر!

يُغلق فَمك هنا ، ويُفتَح على الفور مع صرخة الولاده ... هناك"- #جلال_الدين_الرومي

الموت مش عكس الحياه .. الموت هو عكس الميلاد ...

النهايات و البدايات ...

هم دوره صغيره من الرحله الكبيره ... اللي اسمها الحياه

#الحياة هي الدائرة الكبيره (اللي جزء منها الميلاد و الموت) ...

كل نهايه حتي لو كانت مؤلمه، معناها فيه بدايه جديدة ( و مختلفه) في انتظارك!. #منير_الشاذلي

On endings!

" On the day I die, don’t say he’s gone.

#Death has nothing to do with going away.

The sun sets, and the moon sets but they’re not gone.

Death is a coming together.

The human seed goes down into the ground like a bucket, and comes up with some unimagined beauty.

The ship disappears to you as it sails away, only to appear to someone on the other side!

Your mouth closes here, and immediately opens with a shout of joy there." - #Rumi

Death is not the opposite of life; it is the closure of birth!

Endings and beginnings...

are the closures of a small cycle... In a far bigger system called life!

Accept endings, for a new beginning awaits you!. #Monir_El_Shazly

YouTube: Monir El Shazly

Facebook page: @monirelshazlyspiritual

Instagram: monir.elshazly