If you keep on doing what you did !

زمان و انا صغير ابويا قالي " لما تعمل حاجه (بطريقه معينه) مرتين تلاته و تطلع النتيجه مش زي ما انت عايز.. يبقي لازم تغير الطريقه بتاعتك !"

و رغم ان الكلام يبان انه طبيعي.. الا اني اكتشفت ان معظم الناس مابتعملش كده خالص !.

معظم الناس بتعمل نفس الحاجه.. هيّ هيّ .. و بتستني نتيجه مختلفه !

علي الرغم انه طبيعي جدا انك لو عملت الحاجه مره و مرتين و تلاته...

و طلعت النتيجه هيّ هيّ ... يبقي ماتستغربش لما تعملها تاني...و تطلع النتيجه بنفس الشكل...

لو عايز تغير حيانك... غير افكارك ... غير قراراتك ....و الاهم.. انك تغيّر نظرتك و تعاملك مع المواقف...

لأنك لو فضلت تعمل اللي انت بتعمله....

"حتاخد اللي دايما بتاخده !"

If you do what you’ve always done,

you’ll get what you’ve always gotten! . ..

A simple fact :)

(اعادة نشر)

#منير_الشاذلي

#Monir_El_Shazly

YouTube: Monir El Shazly

Facebook page: @monirelshazlyspiritual

Instagram: Monir.elshazly

كل حاجه بتعدي

في ناس كتير بتفرح بهيّبره لما الدنيا بتكون ماشيه زي ما هي عايزه...

و بتزعل بهيستيريا لما الدنيا مابتمشيش علي هواها ...

المشكله ان مافيش حاجه دايمه...

جزء من الحياه حيمشي زي ما انت عايز.. و جزء مش حيمشي زي ما انت عايز ...

لما تمشي زي ما انت عايز....استمتع بيها ...

و لما ماتمشيش زي ما انت عايز... اتعلم منها

الناس الاكتر #سعاده، هي الناس اللي فاهمه كده!

و فاهمه "ان كل حاجه حتعدّي"

#منير_الشاذلي

"الشخص العادي بيفرح لما بيطلع لفوق و بيكبر، و بيزعل لما بيقع ... الشخص الحكيم بيعرف أن الطلوع و الوقوع (القبض و البسط)، هما وجهين لعمله واحده ..اسمها #الحياه!" - #عنايات_خان

" While man rejoices over his rise and sorrows over his fall, the wise man takes both as the natural consequences of life" - #Inayat_Khan

Nothing is permanent!. The highs and low of life are just two sides of the same coin.

Stay centered; enjoy the highs and learn from the lows!.. because "#this_too_shall_pass!"

#Monir_El_Shazly

(إعادة نشر)

YouTube: Monir El Shazly

Facebook page: @monirelshazlyspiritual

Instagram: monir.elshazly

Schadenfreude!

Schadenfreude !

----

كلمة Schadenfreude هي ألمانية الأصل، (و معناها بالعربي "الشماته) وتتكون من جزئين:

Schaden "وتعني "ضرر" Freude "وتعني "فر

الكلمه دي دلوقتي بقت مفهوم منتشر في علم النفس ، بيفسر ليه ناس بتبقي سعيده بمصائب أو معاناة الآخرين.

و السوشيال ميديا أظهرت قد ايه ناس كتيره بيبقي عندها الشعور ده ناحية الناس المشهوره لما يحصل في حياتها مشاكل، و بتبقي مستنيه يشوفوهم و هم مكسورين و بيتألموا، و بيتابعوا اخبارهم علشان يتأكدوا أن ده بيحصل !

و علشان كده حتلاقي ناس كتيره كانت سعيده لما "مها الصغير" اتكشف انها نسبت لنفسها لوحات مش بتاعتها و لما "احمد السقا" طلعت اخباره أنه بيطارها و بيتصرف تصرفات غريبه معاها ... و قبلهم قصة "حسام و شيرين"... و "ابن محمد رمضان" ...و غيرهم!

هل ياترى الموضوع ده كان من زمان ؟ ...طبعا ...الشماته هي جزء من الطبيعه البشريه، و ابحاث كتيره اتعملت علي الموضوع ده ، بس الشماته بتزيد كل ما الفجوه بين الأغنياء و الفقراء زادت، و كل ما الناس بقت حاسه بضغوط الحياه اكتر، زي ما يكونوا بيشعروا بال "عدل الالهي" لما بيلاقوا الناس المشهوره أو الأغنياء بتحصلهم مشاكل زيهم بردو...

و طبعا السوشيال ميديا ساعدت علي كده لأن الحياه الخاصه للمشاهير بقت مشاع، و الانستاجرام بالذات مخلّي الناس تعرض صوره لحياتها فيها جانب واحد بس ... و مخبيين الجوانب التانيه ...

فيه بس حاجه احب اقولها، من خلال شغلي في المجال النفسي، و معرفتي بشويه من ناس مشهوره ( أو ناس مستريحه ماديا )، و هي ان كل واحد عنده المشاكل بتاعته، يمكن نوع مختلف من المشاكل عن الناس الفقيرة أو اللي ضغوط الحياه الماديه مأثره عليهم، إنما "العدل الالهي" موجود... احنا بس اللي مش شايفين الصوره الكامله ... و بنبص علي الصور اللي علي انستاجرام!

#منير_الشاذلي

YouTube: Monir El Shazly

Facebook page: @monirelshazlyspiritual

Instagram: Monir.elshazly